PUASAINA 6:20 - Mara Bible RV (BSI)

²⁰ Amrâ ta a paw sietanô Zôkebe cha lapinô ta hnei ta, ano ta Arawna nata Mawsi sapa ta, Amrâ hro chhôh kôzy cha, kô 137 a châ.

PUASAINA 6:20 ပူးပေါင်းရင်းမြစ်များ

1 THÂTIHZYRONA 23:13

Amrâ sawchapawzy cha Arawna nata Mawsi ama châ. Arawna cha hmo pathaihpazy hria awpa ta pananopa châ ta, ano nata a pathlazy cha ropahâhpazy Abeipa hmiakô liata a rao tyh awpazy châ ei ta, Abeipa chakaopa ta, a moh ta byhnâ a aw tyh awpazy ama châ.

PUASAINA 6:16

Hezy he ama thyutôna a laichadaipa ta Livai sawchapawzy moh châ ta, chazy cha Kesao, Kôhâ nata Merâri zy ama châ. Livai hro chhôh kôzy cha, kô 137 a châ.

PUASAINA 6:18

Kôhâ sawchapawzy cha Amrâ, Izah, Hebraw nata Uzie zy châ ei ta, Kôhâ hro chhôh kôzy cha, kô 133 a châ.

MALUHREINA 26:58

Libni phozy, Hebraw phozy, Mâhli phozy, Musi phozy nata Kôrâ phozy chhao Livai phozy ama châ hra. Kôhâ cha Amrâ paw châ ta,

MALUHREINA 26:59

Amrâ lapinô moh cha Livai sawchanô Zôkebe châ ta, Izi râh liata Livai ta a sapa a châ. Ano chata Amrâ liata Arawna nata Mawsi nata ama sietanô Miria zy a sa ei.

MALUHREINA 3:1

Hezy he Abeipa ta Sinai Tlâh liata Mawsi bie â chho nota, Arawna nata Mawsi pathla a ypazy ama châ.

ZAWSUA 21:4

Kôhâ pathla phozy to awpa nuby a dao tua chaipa châ ta. Zudâh, Simeôna nata Benzami chi tovyuhzy tawhta khihpi miahrawh hleithôh cha theihthaipa Arawna pathla Livai chizy hnohta ama pie.