PUASAINA 6:2 - Mara Bible RV (BSI)

² Khazohpa ta Mawsi cha bie a chho ta, a hnohta, “Kei he Zehôvâh ei châ.

PUASAINA 6:2 ပူးပေါင်းရင်းမြစ်များ

ÂTHAONA 15:7

Chatawhcha a hnohta, “Kei he, nama pahrâ nawpa ta, he râh he cha pie awpa ta Kaldia râh Ur khihpi tawhta châ chhi papuatuhpa Abeipa kha ei châ,” tah ta.

PUASAINA 12:12

Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

PUASAINA 14:18

Phiraoh nata a talailihzy nata arâ a kiahpazy hmâpa ta palyupalihna ei hlao tita, Izi mo ta kei he Abeipa ei châ tahpa ama pahno aw,” tah ta.

PUASAINA 15:3

Zehôvâh cha chariah a dyuhpa pasaipha châ ta, A moh Zehôvâh a châ.

PUASAINA 17:1

Izarei zawpizy cha Sini râhchawhpa tawhta pua heih ei ta, Abeipa biepiepa hawhta a paty paty ta riehmo taopa ta sie lymâ ei ta, Rephidi liata a rie ei ta, cha liata zawpi châta ti do awpa y leipa ta.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 3:14

Khazohpa ta Mawsi hnohta, “Kei he Zehôvâh ei châ. Izarei sawzy hnohta, ‘Zehôvâh ta nâmo lâ eina vaw tuah,’ na tah aw,” tah ta.

PUASAINA 3:15

Khazohpa ta Mawsi hnohta reih via heih ta, “Izarei sawzy chho la ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ta nâmo lâ eina vaw tuah,’ na tah aw. He he ei tlyzaw moh châ ta, chhâ zydua ta einâ thei thlâh nawpa moh a châ.

PUASAINA 6:29

Abeipa ta Mawsi hnohta, “Kei he Abeipa ei châ. Na hnohta ei reipa zydua Izi bei Phiraoh chho mah y,” tah ta.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

PUASAINA 6:8

Abarahâ, Aisika nata Zakaw zy hnohta pie awpa ta ei ku chaluahpa ta bie ei taihpa râh lâ châ chhi aw ei na ta, cha râh cha nama ryuto châta ei cha pie aw ei, kei he Zehôvâh ei châ,’ tahpa ta chho mah y,” tah ta.

ISAI 42:8

Kei he Zehôvâh châ na ta, Cha cha ei moh a châ; Ahy hnohta hmah ei rônahna pie leipa na ta, Nothlahpazy hnohta chhao, Keima reithaina pie veih ei na.

ISAI 43:11

“Kei, kei tlai he, Abeipa cha châ na ta, Keima leipa ta pachhatuh hropa rai y veih ei.

ISAI 43:15

Kei he Abeipa nama Mo Pathaihpa cha châ na ta, Izarei a paysatuhpa nama Beipa cha ei châ.”

ISAI 44:6

Abeipa, Izarei Beipa ta hetana heta tah ta, Izarei Chatlaituhpa Pheisaihzy Abeipa ta hetana heta a tah: “Kei he hmiatuachaipa nata hnôhchaipa cha ei châ, Keima leipa ta Khazoh hropa rai y veih ei.

ZEREMIAH 9:24

Chyhsa ta â palaikhei awpa khiahta cha, He deita he a palaikhei mawh sy: Kei Abeipa he nôphapa châ na ta, Adona nata siana alei chô liata a taotuhpa ei châzie, Novâhpa ta eina pahnona a palaikhei mawh sy. Cha hmozy cha ei lyna châ tlôh ta,” Abeipa ta a tah.

EZEKIA 20:5

ama hnohta, Abeipa Zehôvâh ta hetana heta a tah: Izarei ei tlyh nota, Zakaw chipathlazy hnohta ku chaluahpa ta bie a taih na ta, Izi râh liata ama y nota keimasasyh ta ei pahnosa ei. Ku chaluahpa ta, ‘Kei he Zehôvâh nama Khazohpa ei châ,’ tahpa ta bie a taih ei na ta.

MALAKHAI 3:6

“Kei he Abeipa châ na ta, anano beih va na. Chavâta, Hy nâmo, Zakaw pathlazy saih u, pahleipadia khaipa ta nama y leipa a châ hih!