PUASAINA 6:12 - Mara Bible RV (BSI)

¹² Châhrasala Mawsi ta Abeipa hnohta, “Pachâ teh, Izarei sawzy hmahta eina nathlie khoh leipa khiah ei ta cha, Phiraoh chhochhi ta cha keima kahchôleiâpa biereipa cha kheihta ma a nathlie khoh aw,” tah ta.

PUASAINA 6:12 ပူးပေါင်းရင်းမြစ်များ

PUASAINA 3:11

Mawsi ta Khazohpa hnohta, “Phiraoh lâ zu ta, Izarei sawzy Izi râh tawhta a chhi papua awpa ta, kei he ahy ma ei châ tly?” tah ta.

PUASAINA 3:13

Châhrasala Mawsi ta Khazohpa hnohta, “Izarei sawzy lâ cha zu aw sah la, ama hnohta, ‘Châ pathlatuhpazy Khazohpa ta nâmo lâ eina vaw tuah,’ tah aw sah la, âmo ta ei hnohta, ‘A moh ahy maw?’ vaw tah ei sala, kheihta ei chhy aw ei?” tah ta.

PUASAINA 4:1

Mawsi ta a chhy ta, “Na zo aw veih ei, ei ao na nathlie hra aw veih ei, ‘Abeipa na hnohta a luah vei,’ ama tah thlâh ha aw,” tah ta.

PUASAINA 4:10

Châhrasala Mawsi ta Abeipa hnohta, “Hy ei Beipa, kei la pakah paleih thaipa châ leipa na ta, khahlâ tawhta nata châ chakaotuhpa hnohta bie na reih tawhna chhao heta, kahchôleiâpa nata reikah sôpa châ tlôh na ta,” tah ta.

PUASAINA 6:13

Abeipa ta Mawsi nata Arawna cha bie a chho ta, Izarei sawzy chô liata nata Phiraoh chô liata biehnei awpa nata Izarei sawzy Izi râh tawhta a chhi papua awpa ta âmo cha biepie ta.

PUASAINA 6:30

Châhrasala Mawsi ta Abeipa hnohta, “Kei he kahchôleiâpa châ tlôh na ta, keima hawhpa biereipa cha Phiraoh ta kheihta ma a nathlie khoh aw?” tah ta.

PUASAINA 6:9

Mawsi ta Izarei sawzy hnohta cha hawhna chata reih ta, châhrasala ama palôh a chhâ kawpa vâ nata ama seichâna ru ngaitapa zy vâta Mawsi bie cha thei thai khao veih ei.

ISAI 6:5

Chatawhcha kei ta, “Ei hu a po kaw dia! Ei leidia haw. Hmao pathaih leipa chyhsa châ na ta, hmao pathaih leipa phopi hry liata ei pahrâ. Ei mo ta Abeipa, Pheisaihzy Abeipa a hmô ha khaw!” tah na ta.

ZEREMIAH 1:6

Kei ta, “Âh, Abeipa Zehôvâh, moh tua, hawtipa deita châ na ta, bie reizie chhao thai va na,” tah na ta.

ZEREMIAH 6:10

Ahyzy ma zikyurâna bie he chho aw ei na ta, A nathlie aw ei tly i? Moh teh u, nakhaoh chopaw tai leipa châ ei ta, Nathlie thei veih ei. Âmo châta la Abeipa bie he zakheichhihpa hmo châ ta, Abeipa bie liata alyna hnei veih ei.

ZEREMIAH 9:26

Izi mo, Zudâh mo, Edômâ mo, Amawna pathlazy, Môabâ mo nata râhchawhpa liata a pahrâpa, ama baih hmi a ngyupazy ei hrie nawpa noh a vaw tlô hai. He phopi zydua he chopawtaileipa châ ei ta, Izarei pathla zydua chhao pathipalôh chopawtaileipa ama châ,” Abeipa ta a tah.

THEIHTHAINA 26:41

ama paraonazy vâta ama kho leizie ta hmo tao na ta, ama chariahpazy râh lâta ei chhipa ei kha pahnopa ta, ama pathipalôh chopawtaileipa a panawh ei sala, ama hmo paraona tawhta a taopathi amâ chhuah khiahta cha,

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

RYHPACHANEINA 30:6

Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.