PUASAINA 5:21 - Mara Bible RV (BSI)

²¹ ama hnohta, “Abeipa ta cha moh ei sala, cha pachia mawh ei sy. Phiraoh nata a chakaotuhpazy mohmô liata roh chhiepa ta miah tao ei chi ta, miah thie awpa ta ama ku liata zaozi nama chabasa ha hih,” tah ei ta.

PUASAINA 5:21 ပူးပေါင်းရင်းမြစ်များ

ÂTHAONA 16:5

Sârai ta Abarâ hnohta, “Ei chô liata hmo doleipa a tlôpa he nâma chô liata y mawh sy. Ei seichanô he nâ pyh awpa ta cha pie na ta, saw a phaoh tahpa â pahnopa nahta, eina mohnao haw. Abeipa ta nâma nata keima likah pachia mawh sy!” tah ta.

ÂTHAONA 31:53

Abarahâ Khazohpa nata Nâhaw Khazohpa nata âmo pathlatuh Khazohpa ta eima likah liata pachia mawh sy,” tah ta. Chatanachata Zakaw cha a paw Aisika China moh ta bie a taih ta.

ÂTHAONA 34:30

Zakaw ta Simeôna nata Livai hnohta, “Nâmo vâta rairuna ei tyh ha hih. Râh liata a pahrâpa, Kâna mo nata Perizi mo hmia liata ei roh nama pachhie haw. Kei cha chyhsa chyhta dei ei hnei hih. A awpakhy ei sala, einâ dyuh khiah ei ta cha, kei nata ei o liata a ypa zydua pahleipadiapa eima châ aw,” tah ta.

2 SAMUELA 10:6

Amawna mo cha Dâvi hmia liata ama roh a chhie haw tahpa ama pahno nahta, Amawna mo ta Berô nata Zôbâ liata Aramia alei pheisaih 20,000 bieta ei ta, Mâkâ bei lâta 1,000 nata Tôbâ mo lâta 12,000 bieta hra ei ta.

1 THÂTIHZYRONA 19:6

Amawna mo ta Dâvi châta roh chhiepa ama châ haw tahpa amâ pahno nahta, Hânu nata Amawna mo ta talailih nata arâ pheisaihzy a hlâ nawpa ta Mesôpôtamia, Aramiamâkâ nata Zôbâ râhzy lâ tâkâ talent 1,000 paphao ei ta.

PUASAINA 14:11

Mawsi hnohta, “Izi râh liata thlâ a y leipa vâta ma, râhchawhpa liata thi awpa ta miah nâ vaw chhi? Khazia he hawhta miah tao awpa ta Izi râh tawhta miah na vaw puakhei?

PUASAINA 15:24

Zawpi ta, “Khâpa ma eima doh aw?” tahpa ta, Mawsi chô liata paphôh ei ta.

PUASAINA 16:2

Râhchawhpa liana chata Izarei zawpi zydua ta Mawsi nata Arawna chô liata paphôh ei ta.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

PUASAINA 5:20

Phiraoh tawhta ama pua nahta, âmo a vaw hâ thlâh hapa Mawsi nata Arawna cha a tyh ei ta,

PUASAINA 6:9

Mawsi ta Izarei sawzy hnohta cha hawhna chata reih ta, châhrasala ama palôh a chhâ kawpa vâ nata ama seichâna ru ngaitapa zy vâta Mawsi bie cha thei thai khao veih ei.

BIECHHOTUHPA 10:1

Mathyu thipa thu roh ta ropahâhpa roh a pahleipa hawhta, Bâhta hruna ta sona nata zachhihna a pahlei thei.

ISAI 30:6

He he Neke râhsazy kyh chhochhieliena bie a châ: Neke cha nôpona nata thlazohna râh a châ; Chakeibarôhneipa panô puana râh châ ta, Chakeibarôhneipa tôhpa puana râh a châ; Vâzi puana râh châ ta, Parih a zaw theipa puana râh a châ. Cha râh tawhna chata, Ama châta phahnaina a hnei leipa phopi pie awpa ta, Ama hneirônazy cha, Alâzy paphaosa ei ta; Ama ryusôhpazy cha, Râraoseihpazy ky byuhpa liata ama paphaosa.

ZÔELA 2:20

“Maw lâ tawhta â zupa cha, Nâmo tawhta lâhlapi lâta ei papai ha aw; Râh chawhkaraipa lâ to aw na ta, Roryhrapa râh lâ ei to ha aw. Hmia a sahpa cha, Nochhi tilaipi lâta to aw na ta; Hnôh a khawpa cha, Notla tilaipi lâta ei to aw. Abeipa ta hmo rônahpazy a tao awpa vâta, A thu roh pua aw ta, A roh chhiepa thata a pua aw.

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

MALUHREINA 14:3

Khazia ma zaozi ta thi awpa ta Abeipa ta he râh lâ he miah â chhi tly? Eima lapi sawzy he patupa ta y aw ei ta, Izi râh lâ kua awpa eima châta pha via vei ma?” tah ei ta.

1 SAMUELA 13:4

Sawla ta Philistinâ pheisaih su a dyuh ta a pahniepa thâtih nata Izarei cha anosasyh ta Philistinâ mo khakhaipa ta â tao haw tahpa thâtihzy Izarei zydua ta thei ei ta. Izarei phopi cha Sawla hnohta Kilkal liata a hmaohpakhy ei ta.

1 SAMUELA 27:12

Akisâ ta Dâvi cha ngâ kaw ta, “A chiheih Izarei sawzy ta amâ hao awpa ta anosasyh ta â tao ha hih. Chavâta nâ chakaotuhpa ta chhâzaw ta a y bâ aw,” tahpa ta pachâ ta.