PUASAINA 5:2 - Mara Bible RV (BSI)

² Phiraoh ta, “Abeipa cha ahy maw? A bie zyh ta, Izarei cha ei pasiesa awpa cha ahy ma a châ? Abeipa cha pahno va na, Izarei chhao pasiesa aw va na,” tah ta.

PUASAINA 5:2 ပူးပေါင်းရင်းမြစ်များ

2 ABEIZY 18:35

Ahy râh khazohzy kha ma ei ku tawhta ama râh a vaw pachha ha ei? Abeipa chata Zerusale he ei ku tawhta zua a pachha aw ma?’” tah ta.

2 THÂTIHZYRONA 32:14

Nâ pathlatuhpazy ta parao awpa ta ama rao hapa râhzy cha, ahy râh khazoh ta hmah ei ku tawhta a pachha theipa y veih ei. Nâmo Khazoh bao hra chata ma, ei ku tawhta zua châ pachha aw ei?

2 THÂTIHZYRONA 32:15

Chavâta Hezekia a padôveisa leipa u la, cha hawhta a châ chhi chhei awpa ei namâ pasaih awpa châ vei. Hezekia kha zo khuh vy. Kheihawhpa phopi nata khinarâh khazoh hmahta keima ku tawhta tlyma, nâ pathlatuhpazy ku tawhta tlyma, a phopi a pachha theipa y beih veih ei. Nâmo Khazohpa ma ei ku tawhta zua châ pachha aw ei?” tah ta.

2 THÂTIHZYRONA 32:19

Zerusale Khazohpa cha, khizaw phopizy khazohzy hawhta, ku ta taopa khazoh a châ hrazie reih ei ta.

NEHEMIAH 9:10

Phiraoh nata a chakaotuhpa zydua nata a râ chyhsa zydua ta miah pathlatuhpazy chô liata a palai ngaitapa ta hmo ama taopa na pahnopa vâta, ama chô liata ngiana nata hmonoâhpazy tao chi ta, tanoh eima hmôpa hawhna heta, na moh nâ tao haw.

ZAWBÂ 15:25

Khazohpa chô liata a ku hy ta, Atotaotheipa hmia liata thatlô kawpa hawhta â hmô ta,

ZAWBÂ 15:26

Vyhphao chhapa nata ahlôpa chabapa ta, Thlahsana rai hnei leipa ta Khazohpa a râhnaopa vâta.

ZAWBÂ 21:15

Atotaotheipa cha khâpa ma a châ tly, Ano eima chakao awpa cha? Ano lâ thlahchhâ sih la, Khâpa athôhna ma eima hmô aw?’ tah ei ta.

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 12:4

“Eima paleih ta pahnie aw pi ta, Eima hmaozy keimo liata y ta, Eima zibeipa cha ahy ma a châ tly?” A tahtuhpazy chhao, Abeipa ta chhawh pathlah mawh sy.

HLAZY 12:5

“Dyhchhiepazy hraopa châ ei ta, Phahlapazy amâ hrôpa vâta, Tahmâ thyu aw na ta, Âmo a teituhpazy tawhta ei pabohsa aw ei,” Abeipa ta a tah.

HLAZY 14:1

Ahrupa ta ama palôh liata, “Khazohpa y vei,” a tah tyh. Avyuhna tao ei ta, Hmo pasichhihpazy tao ei ta, Hmo pha a taopa rai y veih ei.

PUASAINA 3:19

Châhrasala ku thatlôpa ta a pataosa leipa ta cha, Izi bei ta cha pasiesa aw veih ei tahpa ei pahno.

PUASAINA 7:17

Chavâta Abeipa ta hetana heta a tah: Kei he Abeipa ei châ tahpa ei hmotaopa liata na pahno aw: Moh teh, ei ku liata chôchahrei heta Nile chavah tizy tu aw na ta, thisaih lâta amâ lie aw.

BIESOZY 30:9

Chataleipatala lôhrâtlôpa ta y aw na ta, “Abeipa cha ahy ma a châ?” tahpa ta, Ei châ paphasai pathlei aw na. Dyhchhiepa ei châ khiahta cha paru aw na ta, Khazohpa moh ei pachhie pathlei aw na.

ZEREMIAH 42:13

Châhrasala Abeipa nama Khazohpa bie zyh leipa ta, ‘He râh liata pahrâ aw ma pi,’ a tahpa châ ha u la,

ZEREMIAH 48:26

“Môabâ ta Abeipa â palai thlu; Chavâta parisa u la, A pali liata a hlao sala, Pahneisaopa ta y mawh sy.

DÂNIAH 3:15

Tahmâ chiahmie zy, ramo zy, totâ zy, tlaipih zy, totâ laipa zy, bâzâ nata paropasyu theipa chi to pyu nama theipa nahta, âkhu lâta paopa ta nothlahpa ei taopa namâ chhy khiahta cha a pha. Namâ chhy leipa khiahta deikua cha, patina meihô ru ngaitapa liata thlai thypa nama châ aw. Keima ku tawhta châ pachha thei awpa khazoh ahy ma a y?” tah ta.

ZAWHÂNA 16:3

Paw nata kei miah ama pahno leipa vâta, cha hawhpa hmozy cha ama tao aw.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

RYUREITUHPAZY 2:10

Cha chhâ chyhsa zydua chhao ama pathlatuhpazy hnohta pahlyhpa ama châ khai ha hra. Âmo hnôhlâ ta, Abeipa a pahno leipa nata Izarei châta Abeipa hmotaopazy a pahno leipa chhâ hropa vaw pua ta.

1 SAMUELA 2:12

Eli sawchapawzy cha dyutlai leipazy châ ei ta, Abeipa pahno veih ei.

1 SAMUELA 25:10

Nâbâ ta Dâvi chakaotuhpazy cha a chhy ta, “Dâvi cha ahy ma a châ tly? Zese saw­chapawpa cha ahy ma a châ tly? Tahmâno he sei hluhpi ta ama zibeipazy amâ râsai ngâ kaw.