PUASAINA 5:13 - Mara Bible RV (BSI)

¹³ Raihria hyutuhpazy ta, “Sawphao y nota noh kha ta nama hriapa zie kha nama patlô lymâ awpa a châ” tah ei ta, âmo cha tophi ei ta.

PUASAINA 5:13 ပူးပေါင်းရင်းမြစ်များ

EZRÂ 3:4

Ryhpa liata ropa hawhta, Byureih Kyhchhi hmâh ei ta, noh chareih ta hlâ awpa zie raopa hawhta raopa hlânazy ama hlâ.

ZAWBÂ 39:7

Khihpi palopasahpa pahneisao ta, Talailih haohtuhpa awhpa ao thei vei.

PUASAINA 1:11

Chavâta ama phao thata pahri ta, ama rie pathei awpa ta, raihria hyutuhpazy âmo châta rao ei ta. Pithô nata Râmese khihpizy cha Phiraoh châta Sawvâ khihpi ta padua ei ta.

PUASAINA 5:11

Nâmo tlai ta sie aw ei chi ta, sawphao tlua aw ei chi ta, nama hmôna su tawhta nama vaw paly aw. Nama rai deikua cha pachyh viapa châ aw vei,’ a tah,” tah ei ta.

PUASAINA 5:12

Chatanachata Izarei sawzy cha Izi râh zydua liata a khie ei ta, sawphao vyuhpa ta sâhkô chuahmi pakhy laih ei ta.

PUASAINA 5:14

Phiraoh raihria hyutuhpazy ta, Izarei sawzy hry liata raihria vaituhpa ta ama raopazy cha tu ei ta, “Khazia leiraopa nama tao tyhpa zie zâhnia nata tanoh nama tao vei?” tah ei ta.

PUASAINA 5:6

Cha noh tlai chata Phiraoh ta raihria hyutuhpazy nata vaituhpazy hnohta,