PUASAINA 5:1 - Mara Bible RV (BSI)

¹ Cha khai tawhta, Mawsi nata Arawna cha vawh ei ta, Phiraoh hnohta, “Zehôvâh, Izarei Khazohpa ta, ‘Râhchawhpa liata ei châta kyhchhi ama tao thei nawpa ta, ei phopi pasiesa teh,’ a cha tah,” tah ei ta.

PUASAINA 5:1 ပူးပေါင်းရင်းမြစ်များ

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

HLAZY 119:46

Beizy hmiakô liata na bieraopazy reih aw na ta, Hmia pachhiepa châ aw va na;

PUASAINA 10:3

Mawsi nata Arawna cha Phiraoh lâ a kei ngia ei ta, a hnohta, “Zehôvâh, Hebraizy Khazohpa ta hetana heta a tah: ‘Khachâ ma ei hmiakô liata a panawh khoh leipa ta na y aw? Eina chakao thei nawpa ei ta, ei phopi pasiesa bâ teh.

PUASAINA 10:4

Ei phopi na pasiesa vei khiah ei ta cha, pachâ teh, na râh chô liata khawsuzy mylâ vaw patlôsa aw na ta,

PUASAINA 10:9

Mawsi ta, “Abeipa châta kyhchhina eima tao awpa châ tlôh ta, chavâta eima zydua ta hawti machâ ta eima sie aw. Eima sawchapawzy, eima sawchanôzy, eima mietaku zawzy nata eima viahchao hrizy chhaota eima sie aw,” tah ta.

PUASAINA 3:18

Chatanachata na bie ama nathlie aw. Nâ nata Izarei machâzy Izi bei lâ vawh aw ei chi ta, a hnohta, ‘Zehôvâh, Hebraizy Khazohpa ta miah vaw tly ta, chavâta noh thôh lâsie râhchawhpa liata Zehôvâh eima Khazohpa lâta atheihna eima hlâ thei nawpa ta, ngiachhiepa ta miah pasiesa mah y,’ nama tah aw.

PUASAINA 33:13

Na mo ei dy khiahta cha, ngiachhiepa ta na lâpizy na pahmô mah y. Chatanachata cha pahno aw na ta, na modypa ta ei y lymâ thei aw. He phopi he na phopi ama châpa rie a thei mah y,” tah ta.

PUASAINA 4:23

Ei sawchapawpa ta eina chakao thei nawpa ta, ano cha pasiesa mah y, cha tah na ta, a sie awpa na pasai vei khiahta cha, pachâ teh, na sawchapawpa, na sawchapaw uhtheipa tlai ei thie aw,’ tahpa ta na chho aw,” tah ta.

PUASAINA 6:11

“Vawh la, Izi bei Phiraoh hnohta, Izarei sawzy cha a râh tawhta papuasa awpa ta kei chho teh,” tah ta.

PUASAINA 6:27

Cha Mawsi nata Arawna cha, Izarei sawzy Izi râh tawhta a chhi papua awpa ta, Izi bei Phiraoh a chhotuhpa ama châ.

PUASAINA 7:16

Chatawhcha a hnohta, ‘Zehôvâh, Hebraizy Khazohpa ta, he bie he cha chho awpa ta nâ lâta eina vaw tuah: “Râhchawhpa liata eina chakao thei nawpa ei ta, ei phopi pasiesa teh,” cha tah na ta. Châhrasala tahmâ taihta nathlie khoh va chi.

PUASAINA 7:2

Bie ei cha piepa zydua reih aw chi ta, na unawhpa Arawna ta Phiraoh hnohta Izarei sawzy a râh tawhta pasiesa awpa ta a chho aw.

PUASAINA 8:1

Abeipa ta Mawsi hnohta, “Phiraoh lâ a kei ngia la, a hnohta, ‘Abeipa ta hetana heta a tah: Eina chakao thei nawpa ei ta, ei phopi pasiesa teh.

PUASAINA 8:16

Abeipa ta Mawsi hnohta, “Arawna chho la, a hnohta, ‘Izi râh dohlei zydua thlohmia lâta paliesa awpa ta, na chôchahrei kha hy la, alei liata dohlei kha tu teh,’ tahpa ta chho mah y,” tah ta.

PUASAINA 8:17

Cha hawhna chata tao ei ta. Arawna ta a chôchahrei chabapa ta a ku hy ta, alei liata dohlei tu ta. Thlohmiazy ta chyhsapa nata sazy thata by ta, Izi râh zydua liata alei dohlei zydua thlohmia lâta amâ vaw lie khai haw.

PUASAINA 8:20

Abeipa ta Mawsi hnohta, “Mydi kari ta thyu la, Phiraoh cha ti lâ a zupa pachhaipa ta a hmiakô liata a kei duah la, a hnohta, ‘Abeipa ta hetana heta a tah: Eina chakao thei nawpa ei ta, ei phopi pasiesa teh.

PUASAINA 8:27

Noh thôh lâsie râhchawhpa lâ sie aw pi ta, bie miah a piepa hawh tlai ta, Abeipa eima Khazohpa lâ eimâ theih aw,” tah ta.

PUASAINA 9:1

Abeipa ta Mawsi hnohta, “Phiraoh lâ vawh la, a hnohta, ‘Zehôvâh, Hebraizy Khazohpa ta hetana heta a tah: Eina chakao thei nawpa ei ta, ei phopi pasiesa teh.

PUASAINA 9:2

Ama sie awpa pasai leipa ta na patu ngâ thlâh khiah ei ta cha,

ISAI 25:6

He tlâh liana heta, Pheisaihzy Abeipa ta phopi zydua châta kyhchhi a tao aw; Pati pahâhpa to niena kyhchhi châ aw ta, Kresawhti hlôpa dona kyhchhi a châ aw; Sa rupa lathli bawna kyhchhi châ aw ta, Kresawhti suapa dona kyhchhi a châ aw.

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

MATHAI 10:18

Zenitaizy hmiakô liata bie pahnotuhpazy châ awpa ta, keima vâta ryureituhpazy nata abeizy hmiakô liata ama châ chhi aw.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

HMOTAOPAZY 4:29

Hy Abeipa, ama pachhiparynazy he pachâ tua. Châ chakaotuhpazy he riahpha ngaitapa ta na bie reih lymâ awpa ta miah bao mah y.

1 KAWRINI 5:8

Chavâta Zawpakhô kyhchhi ei suh u. Thinô parohpa, nôchhiena nata moleina thinô ta châ leipa ta, thinô pahlao leipa viahchhâ, palôh dopa nata biehmeiseihpa ta kyhchhi ei suh u.