PUASAINA 40:9 - Mara Bible RV (BSI)

⁹ Chatawhcha sathawthuna châta sathaw la aw chi ta, achhyna byureih nata a chhôh liata a ypa zydua thu aw chi ta, na pathaisa aw. Chatanachata achhyna byureih hmobaohzy cha ama vaw pathaih ha aw.

PUASAINA 40:9 ပူးပေါင်းရင်းမြစ်များ

HLAZY 45:7

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

PUASAINA 37:29

Sathawthuna châta sathaw pathaihpa nata ropahâhpa pasohpa tao ta, ropahâhpa a tao thaipazy taozie hawh tlai ta a tao.

PUASAINA 39:39

dawh maisâh nata a dawh sao, a lâzy, a hmobaoh zydua, rahô nata a patyuna;

PUASAINA 40:8

Achhyna byureih padôpa ta dôhpachhôh tlyhmia tao aw chi ta, dôhpachhôh tlyhmia chhikao liata pohraipa na parai aw.

ISAI 11:2

Abeipa Thlahpa cha a chô liata a choh aw ta, Cha Thlahpa cha sona nata novâhna Thlahpa châ ta, Ryhraona nata thatlôna Thlahpa chhao châ ta, Abeipa pahnona nata china Thlahpa a châ.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

EZEKIA 28:14

Sathawthupa vaituhpa cherubi châ chi ta, Khazohpa tlâh pathaihpa liata cha soh na ta, Meilôzy hry liata na charei tyh.

THEIHTHAINA 8:10

Chatawhcha Mawsi ta sathaw pathaihpa la ta, achhyna byureih nata a chhôh liata hmo a ypa zydua thupa ta pathaisa ta.

MALUHREINA 7:1

Mawsi ta achhyna byureih a padua khai nahta, a hmobaoh zydua chhaota sathawthupa ta pathaisa ta. Maisâh nata a beiphiah zydua chhao sathawthupa ta a pathaisa.

MATHAI 3:16

Zisu cha bâti a châ khaipa nahta, ti tawhta thlai kaw pua ta, avâ a vaw pahy ta, Khazohpa Thlahpa cha vachhuh hawhta za chô ta, a chô liata â chohpa hmô ta.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

2 KAWRINI 1:22

Ano eih eima châpa miah ngiatuhpa chhao châ ta, bie ataihna châta a Thlahpa eima palôh liata miah pietuhpa a châ hra.

2 KAWRINI 1:4

Ano cha eima riethei taona zydua liata thlah miah palôhtuhpa a châ. Chatanachata keimo chhao, Khazohpa ta thlah miah a palôhna cha hmâpa ta, rietheina kheihawhpa rai a taopazy thlah eima palôh thei hra aw.

HEBRAI 9:21

Cha hawhna chata achhyna byureih nata chakaona hmobaoh zydua chhao thisaih ta a thia khai.

1 ZAWHÂNA 2:20

Nâmo deikua la, Mo Pathaihpa ta sathaw a thupa châ ei chi ta, nama zydua ta biehmeiseihpa nama pahno.