PUASAINA 40:38 - Mara Bible RV (BSI)

³⁸ Abeipa meihdo cha nohchhô ta achhyna byureih chô liata a chhoh ta, cha liata zâ ta mei vaw y ta, ama sie laihna zydua liata, Izarei pathlazy ta meihdo nata mei cha ama hmô laih lymâ.

PUASAINA 40:38 ပူးပေါင်းရင်းမြစ်များ

2 SAMUELA 7:6

Izarei sawzy Izi râh tawhta ei kaw chhi papua noh tawhta tanoh taihta o liata pahrâ mâh va na, poh o liata nata achhyna byureih liata ei pasiepasâ lymâ.

HLAZY 105:39

Abeipa ta Izarei sawzy khu awpa ta meihdo pazawhsa ta, Zâ ta khaih awpa ta mei a pie ei.

HLAZY 78:14

Nohchhô ta meihdo ta âmo chhihtha ta, Zâ ta mei khaihpa ta a chhihtha ei.

PUASAINA 13:21

Ama hmia lâta Abeipa sie ta, chhô nah zâ ta ama sie thei nawpa ta, chhô daihti liata meihdo tôh ta âmo cha a chhi ta, zâ daihti liata âmo pakhaih awpa ta mei tôh ta â chhi ei.

PUASAINA 13:22

Nohchhô ta meihdo tôh, zâ ta mei tôh ta Izarei phopi cha siesai beih vei.

MALUHREINA 10:34

Ama riehmo tawhta ama pua nahta, Abeipa meihdo cha nohchhô ta ama chô liata y ta.

MALUHREINA 9:12

A mylâ my taihta khâpa hmah ama pahlôh awpa châ leipa ta, a rupa rai ama thlie awpa châ vei. Zawpakhô kyhchhi liata tao awpa raopa zydua hawhta ama chay awpa a châ.

MALUHREINA 9:15

Achhyna byureih padua noh ta, pahnokheina poh o achhyna byureih cha meihdo ta vaw pahly ta. Zâlâ tawhta my taihta achhyna byureih chô liata mei hawhta a vaw luah ta.

MALUHREINA 9:16

Cha hawhna chata y thlâh ha tyh ta. Nohchhô ta meihdo ta pahly ta, azo ta mei hawhta a luah ta.