PUASAINA 40:35 - Mara Bible RV (BSI)

³⁵ Cha hawhta meihdo a vaw chhoh ta, Abeipa rônahna ta achhyna byureih a bie hapa vâta, Mawsi cha ahmaohna poh o chhôh lâ a ngia thei khao vei.

PUASAINA 40:35 ပူးပေါင်းရင်းမြစ်များ

1 ABEIZY 8:10

Su Pathaihpa tawhta theihthaipazy ama vaw puapa nahta, Abeipa o cha meihdo ta vaw bie khai ha ta,

1 ABEIZY 8:11

meihdo vâna chata theihthaipazy cha chakao awpa ta a duah thei khao veih ei. Abeipa rônahna ta Abeipa o cha a bie khai haw.

2 THÂTIHZYRONA 7:2

Abeipa rônahna ta Abeipa o cha a pabie hapa vâta, theihthaipazy cha Abeipa o lâ a ngia thei khao leipa ei ta.

PUASAINA 16:10

Arawna ta Izarei zawpi hnohta bie a rei hai nota, râhchawhpa lâ sai ei ta, Abeipa rônahna meihdo liata a vaw lâ ta.

PUASAINA 29:43

Cha liata Izarei sawzy chhao a tyh tyh hra aw ei na ta, chatanachata poh o cha ei rônahna ta pathaisapa a châ aw.

ISAI 4:5

Chatawhcha Abeipa ta Zaio Tlâh liata pahrâna su zydua chô liata nata pakhypi a hmâhpa zydua chô liata, nohchhô ta meihdo, zâ ta meikhuh nata meipaleih khaihna a paysa aw. Cha hmo rônahpa zydua chô lâta khuna y aw ta,

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 6:4

Awtuhpa awna ao ta ochhi tôhzy chalyusa ta, o cha meikhuh ta bie ha ta.

EZEKIA 10:4

Abeipa rônahna cha cherubizy tawhta thyu ta, Achhyna o chhikao lâ a kaw pasie ta. Achhyna o cha meihdo ta bie ha ta, dôhpachhôh tlyhmia cha Abeipa rônahna khaihna ta a bie haw.

EZEKIA 43:4

Abeipa rônahna cha nochhi lâ a heihpa chhikao lâ tawhta Achhyna o lâ a vaw ngia ta.

THEIHTHAINA 16:2

Abeipa ta Mawsi hnohta, “Na unawhpa Arawna chho teh. A khona daihti maihta Byh chô liata patyupa zawngiahna dyuchhai hmiakô liata pohraipa chhôh Su Pathaihpa lâ â ngia awpa châ vei. Zawngiahna dyuchhai chô liata meihdo hry liata a vaw luah tlôh aw na ta, chavâta a thi pathlei aw.

MALUHREINA 7:89

Mawsi cha Abeipa bie a chho awpa ta ahmaohna poh o chhôh lâ â ngia nahta, Biehrai Byh chô liata a ypa zawngiahna dyuchhai chô lâta cherubi miano likawh tawhta ano bie a vaw chhopa ao thei ta. Abeipa ta Mawsi cha bie a chho ta.

MALUHREINA 9:15

Achhyna byureih padua noh ta, pahnokheina poh o achhyna byureih cha meihdo ta vaw pahly ta. Zâlâ tawhta my taihta achhyna byureih chô liata mei hawhta a vaw luah ta.

BIEPHUAH 15:8

Achhyna byureih cha Khazohpa rônahna nata hmotaotheina khuh ta bie ha ta. Vâlyuhchâpa pasarizy tawhta potlana miasarizy a chhâ hlâlei cha, achhyna byureih liata ahy hmah a ngia thei veih ei.