PUASAINA 40:15 - Mara Bible RV (BSI)

¹⁵ Theihthaipa rai hriapa ta eina chakao thei nawpa ei ta, ama paw sathaw na thupa hawhta âmo chhao sathaw na thu hra aw. Sathawthupa ama châpa cha, ama chhâ zydua ta theihthaipa ama châ lymâ nawpa châta a châ aw,” tah ta.

PUASAINA 40:15 ပူးပေါင်းရင်းမြစ်များ

HLAZY 110:4

“Melkizade theihthaina yzie hawhta, Tlyzaw ta theihthaipa na châ aw,” tahpa ta, Abeipa ta bie châ taih ha ta, A palôh panano aw vei.

PUASAINA 12:14

“He noh he nâmo châta atheithlâhna noh châ aw ta, Abeipa châta kyhchhi noh ta nama chay tyh awpa a châ. Nama chhâ zydua liata, he noh he kyhchhi noh ta nama chay tyh awpa châ ta, cha cha chhâzaw châta bieraopa ta a y awpa a châ.

PUASAINA 28:41

Cha chysiazy cha na unawhpa Arawna nata a sawchapawzy pakysa aw chi ta, theihthaipa rai hriapa ta eina chakao thei nawpa ei ta, âmo cha sathawthupa ta, chahnao aw chi ta, na pathaisa aw ei.

PUASAINA 29:9

Arawna nata a sawchapawzy cha chaisaihna ta ama chai saih aw chi ta, lakhu pakhu aw chi ta, chatanachata theihthaipa châna cha chhâzaw ta âmo eih châ awpa ta bieraopa ta chahnaopa a châ aw. Cha hawhna chata Arawna nata a sawchapawzy cha na chahnao aw ei.

PUASAINA 30:31

Chatawhcha Izarei sawzy hnohta, ‘He he nama chhâ zydua châta sathaw pathaihpa a châ aw.

PUASAINA 30:33

He sathaw taozie hawhta sathaw hropa a taopa nata theihthaipa a châ leipa chô liata a hmâhpa cha, a phopi tawhta chhawh pathlahpa a châ aw,’ tah mah y,” tah ta.

PUASAINA 40:14

A sawchapawzy chhao a vaw chhi aw chi ta, chôtho na paky aw ei.

PUASAINA 40:16

Cha hawhna chata Mawsi ta tao ta, Abeipa ta tao awpa ta bie a piepa zydua hawhta tao khai ta.

ZEKARIA 4:14

“Hezy he khizaw zydua liata Abeipa a chakao awpa sathawthupa panozy ama châ,” tahpa ta na chho ta.

MALUHREINA 25:13

A Khazohpa châta a hiatlia ta, Izarei sawzy châta chatlaina a taopa vâta, cha cha ano nata a hnôhlâ ta a pathlazy châta chhâzaw ta theihthaipa châna biehrai a châ aw,’” tah ta.

HEBRAI 7:3

Ano cha paw hnei leipa ta, nô hnei hra leipa ta, pathlatuhpa alaichadai awpa hnei vei. Âthaona noh nata a hro chhâna nohzy rei awpa hnei hra leipa ta, Khazohpa Sawchapawpa lyupa ta taopa châ ta, chhâzaw ta theihthaipa ta a ypa a châ.

HEBRAI 7:7

Rônah viapa ta a nawh viapa châta byhnâ a awpa tyhpa kyh cha, reipasipasua thei rimâ awpa châ vei.