PUASAINA 4:5 - Mara Bible RV (BSI)

⁵ Abeipa ta, “Kha hmo kha Abeipa, âmo pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa cha, na hnohta â vaw luah tlai tahpa ama zo thei nawpa châta a châ,” tah ta.

PUASAINA 4:5 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 18:1

Abarahâ cha nohchhô a palo lichih ta a poh o chhikao thaby liata â tyuh thlâh ha nota, Abeipa cha Mamre thothih hry liata a hnohta a vaw luah ta.

ÂTHAONA 26:2

Abeipa a hnohta a vaw luah ta, “Izi râh lâ zu leipa la, râh ei cha chho awpa liata y mah y.

ÂTHAONA 28:13

Abeipa cha hleidy chô lâta a duah ta, “Kei he Abeipa, na paw Abarahâ Khazohpa nata Aisika Khazohpa ei châ. Nâ ziana râh kha, nâ nata na pathlazy ei cha pie aw ei.

ÂTHAONA 48:15

Zawsi cha byhnâ awpa ta, “Nâ pathlatuhpa Abarahâ nata Aisika zy ta A hmiakô liata ama y tyhpa Khazohpa, Ei hroh chhôh zydua ta na vaih ta, Tanoh taihta nâ vaituhpa Khazohpa,

ÂTHAONA 48:3

Zakaw ta Zawsi hnohta, “Kâna râh Luzi khih liata ei y nota, Khazohpa Atotaotheipa ta ei hnohta a vaw luah ta, byhnâ na awpa ta,

1 ABEIZY 18:36

Chatawhcha zâlâ atheihna hlâ daihti liata, hrohsopa Elaizâh cha a kei hnia ta, “Hy Abeipa, Abarahâ nata Aisika nata Izarei Khazohpa y, Izarei liata Khazohpa na châ tahpa tanoh he pahnopa ta y sala, kei he châ chakaotuhpa châ na ta, he hmo zydua he nâma bie ta a taopa ei châpa tanoh he pahnopa ta y mawh sy.

2 THÂTIHZYRONA 20:20

A mylâ mydi kari ta thyu ei ta, Tekô râhchawhpa lâ sie ei ta. Ama sie hai nota, Zehôsaphâ cha a duah ta, “Hy Zudâh pathla nata Zerusale khihsawzy saih u, na nathlie teh u! Abeipa nama Khazohpa cha zo u la, â ipa ta namâ duah thei aw. A hrohsopazy zo u la, nama hlao a tloh aw,” tah ta.

PUASAINA 19:9

Abeipa ta Mawsi hnohta, “Pachâ teh, bie ei cha chho tita zawpi ta ama thei thei nawpa nata chhâzaw ta ama cha zo thei nawpa ta, meihdo chhakaluhpa hry liata nâ lâ ei vy aw,” tah ta. Chatawhcha Mawsi ta zawpi bie reipazy cha Abeipa chho ta.

PUASAINA 3:15

Khazohpa ta Mawsi hnohta reih via heih ta, “Izarei sawzy chho la ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ta nâmo lâ eina vaw tuah,’ na tah aw. He he ei tlyzaw moh châ ta, chhâ zydua ta einâ thei thlâh nawpa moh a châ.

PUASAINA 3:16

Sie la, Izarei machâzy awpakhy la, ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ei hnohta a vaw luah ta, hetana heta a tah: Cha vaw tly ei na ta, Izi râh liata nama chô liata ama hmotaopazy ei hmô haw.

PUASAINA 3:18

Chatanachata na bie ama nathlie aw. Nâ nata Izarei machâzy Izi bei lâ vawh aw ei chi ta, a hnohta, ‘Zehôvâh, Hebraizy Khazohpa ta miah vaw tly ta, chavâta noh thôh lâsie râhchawhpa liata Zehôvâh eima Khazohpa lâta atheihna eima hlâ thei nawpa ta, ngiachhiepa ta miah pasiesa mah y,’ nama tah aw.

PUASAINA 3:4

Mo awpa ta a kei tleipa cha Abeipa ta a hmô nahta, Khazohpa ta thobuh hry tawhta vaw aw ta, “Mawsi, Mawsi!” tah ta. Mawsi ta, “He liata ei y,” tah ta.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

PUASAINA 4:1

Mawsi ta a chhy ta, “Na zo aw veih ei, ei ao na nathlie hra aw veih ei, ‘Abeipa na hnohta a luah vei,’ ama tah thlâh ha aw,” tah ta.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

PUASAINA 4:4

Abeipa ta Mawsi hnohta, “Na ku ta kei paza la, a chaolahmei liata patu teh,” tah ta. A ku ta kei paza ta, patu ta, a ku liana chata chôchahrei lâta a vaw lie ha ta.

ISAI 7:9

Epharai luh cha Samâri châ ta, Samâri luh cha Remâliah sawchapaw­pa a châ. Namâ ngiapâna â i vei khiahta la, Â ipa ta a duah thei aw veih ei chi,’ a tah,” tah ta.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

ZAWHÂNA 11:15

Nâmo châta, namâ ngiapâ thei nawpa ta, cha liata ei y leipa cha ei ly kaw. Ano lâ vawh ei suh u,” tah ta.

ZAWHÂNA 11:42

Ei bie khâ na nathlie tyh tahpa ei pahno. Châhrasala he liata zawpi a duahpazy heta, na tuapa ei châpa ama pahno thei nawpa ta, he bie he ei reipa a châ,” tah ta.

ZAWHÂNA 20:27

Thawma hnohta, “Na kudy ta vaw hria la, ei kuzy he moh tua. Na ku vaw paza la, ei kâ liata vaw chapao tua. Zo leipa ta y leipa la, zo mah y,” tah ta.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 5:36

Châhrasala pahnokheina ei hneipa he Zawhâna pahnokheina hlâta rônah viapa a châ.

HMOTAOPAZY 7:2

Stiphana ta, “Unawhzy nata pawzy saih u, na nathlie teh u. Miah pathlatuhpa Abarahâ kha Harânâ khih liata a y hlâ, Mesôpôtamia râh liata a y nona khata, rônahna Khazohpa ano lâ a vaw luah ta,

HEBRAI 11:16

Châhrasala tahmâ cha, râh pha viapa a saduthliepa châ ei ta, cha cha vârâh liata a ypa a châ. Chavâta Khazohpa ta ama Khazohpa châ awpa a noza vei, ama châta khihpi taih a chhuahdy ha tlôh ta.