PUASAINA 4:31 - Mara Bible RV (BSI)

³¹ Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

PUASAINA 4:31 ပူးပေါင်းရင်းမြစ်များ

ÂTHAONA 17:3

Abarâ cha â khu lâta pao ta, Khazohpa ta a hnohta,

ÂTHAONA 24:26

Chakaotuhpa cha a bôh ta, Abeipa a chhy ta.

ÂTHAONA 29:32

Liah cha saw phaoh ta, sawchapaw sa ta, “Abeipa ta ei pasataozie a hmôpa vâta a châ, tahmâ cha ei vahpa ta kyh eina pachâ ha aw,” tah ta, a moh Rubena a bi.

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

1 THÂTIHZYRONA 29:20

Dâvi ta zawpi zydua hnohta, “Abeipa nama Khazohpa cha reithai teh u,” tah ta. Zawpi zydua ta Abeipa, ama pathlatuhpazy Khazohpa cha reithai ei ta, a bôh ei ta, Abeipa nata abei cha a naoh ei ta.

2 THÂTIHZYRONA 20:18

Zehôsaphâ cha a hmia alei lâ a khupa ta a bôh ta, Zudâh mo zydua nata Zerusale khihsaw zydua Abeipa hmiakô liata pao ei ta, Abeipa cha a chhy ei ta.

2 THÂTIHZYRONA 32:8

Ano chhâh a châpa cha sapa pheisaih châ ei ta, keimo chhâh a châpa cha Abeipa eima Khazohpa a châ. Ano ta miah bao aw ta, eima chariah miah â dyuhpa aw,” tahpa ta thapatlôna bie reih ta.

2 THÂTIHZYRONA 7:3

Izarei saw zydua ta avâ tawhta mei a za tlapa nata Achhyna o chô liata Abeipa rônahna cha ama hmô nahta, lôphia phawpa siphiah chô liata ama hmia alei lâ a khupa ta a bôh ei ta, “Abeipa cha pha ta, A zawngiahna chhâzaw ta a y aw,” tahpa ta Abeipa cha a chhy ei ta, ano lâ alyna bie ama reih.

NEHEMIAH 8:6

Ezrâ ta Abeipa, Khazohpa rônahpa cha reithai ta, zawpi zydua ta ama bâh avâ lâ chaluahpa ta, “Amen, Amen,” tahpa ta a chhy ei ta. Ama luh a bôh ei ta, ama hmia alei lâ a khupa ta Abeipa a naoh ei ta.

ZAWBÂ 1:20

Chatawhcha Zawbâ cha thyu ta, a viahkao pasipa cha hrie ta, a luh a ngyu ta, alei liata pao ta, Khazohpa cha hetana heta â chhy:

PUASAINA 12:27

nâmo ta, ‘He he Abeipa Zawpakhô atheihna a châ. Abeipa ta Izi mo a thie nota, Izi râh liata Izarei sawzy o cha a zawpakhô ta, eima ozy a pahlôhpa atheithlâhna châta ei tao tyhpa a châ,’ nama tah aw,” tah ta. Chatawhcha zawpizy cha ama luh a bôhpa ta Abeipa a chhy ei ta.

PUASAINA 14:31

Abeipa ta Izi mo chô liata hmotaotheina rônah ngaitapa a hmâpa cha Izarei sawzy ta hmô ei ta, chavâta Izarei phopi ta Abeipa cha chi ngaita ei ta, chatanachata Abeipa nata a chakaotuhpa Mawsi cha a ngiapâ ha ei ta.

PUASAINA 19:8

Zawpi zydua ta, “Abeipa reipa zydua cha eima tao lymâ aw,” tahpa ta â raohpa ta a chhy ei ta. Mawsi ta zawpi biereipazy cha Abeipa chho ta.

PUASAINA 19:9

Abeipa ta Mawsi hnohta, “Pachâ teh, bie ei cha chho tita zawpi ta ama thei thei nawpa nata chhâzaw ta ama cha zo thei nawpa ta, meihdo chhakaluhpa hry liata nâ lâ ei vy aw,” tah ta. Chatawhcha Mawsi ta zawpi bie reipazy cha Abeipa chho ta.

PUASAINA 2:25

Khazohpa ta Izarei sawzy cha moh ta, âmo cha pachâ kaw ta.

PUASAINA 3:16

Sie la, Izarei machâzy awpakhy la, ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ei hnohta a vaw luah ta, hetana heta a tah: Cha vaw tly ei na ta, Izi râh liata nama chô liata ama hmotaopazy ei hmô haw.

PUASAINA 3:18

Chatanachata na bie ama nathlie aw. Nâ nata Izarei machâzy Izi bei lâ vawh aw ei chi ta, a hnohta, ‘Zehôvâh, Hebraizy Khazohpa ta miah vaw tly ta, chavâta noh thôh lâsie râhchawhpa liata Zehôvâh eima Khazohpa lâta atheihna eima hlâ thei nawpa ta, ngiachhiepa ta miah pasiesa mah y,’ nama tah aw.

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

PUASAINA 33:10

Pôh o chhikao liata meihdo tôh a duahpa cha zawpi zydua ta ama hmô nahta, zawpi zydua cha thyu ei ta, ama poh o chhikao chyu liata amâ chhy tyh.

PUASAINA 34:8

Mawsi cha alei lâ thlai a bôh ta, Abeipa cha a chhy ta.

PUASAINA 4:5

Abeipa ta, “Kha hmo kha Abeipa, âmo pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa cha, na hnohta â vaw luah tlai tahpa ama zo thei nawpa châta a châ,” tah ta.

ZEPHANIA 2:7

Cha râh cha Zudâh pathla laibâhpazy ta ama hnei aw; Cha liata ama sahrohzy pasa aw ei ta, Zâlâ ta Askelaw ozy liata amâ zia tyh aw. Abeipa ama Khazohpa ta âmo cha pachâ aw ta, Vânoh a patosa heih aw ei.

LUKA 1:68

“Abeipa Izarei Khazohpa cha, Reithaipa ta y mawh sy! A chyhsazy za tly ta, A pachha haw.

LUKA 8:13

Hezy he lôphiariapa liata chi hiepazy ama châ. Bie ama theipa nahta, a ly ngaitapa ta a pyh ei ta, châhrasala thari ama thla leipa vâta, bohpi leipa chhôh zyh ei ta, reipasaona a vaw y nahta, ama paosai ha tyh.

RUTHI 1:6

Abeipa ta a chyhsazy za tly ta, niepa a pie ha ei tahpa Naomi ta Môabâ râh tawhta thei ta. Chavâta Môabâ râh tawhta a lie awpa ta a myuhnôzy chhaota a thao ei ta.