PUASAINA 4:21 - Mara Bible RV (BSI)

²¹ Abeipa ta Mawsi hnohta, “Izi râh lâ na kua tita, hmonoâhpa tao theina ei cha piepa zydua kha, Phiraoh hmiakô liata tao tlai mah y. Châhrasala a palôh kuh pachhasa aw na ta, phopi cha pasiesa aw vei.

PUASAINA 4:21 ပူးပေါင်းရင်းမြစ်များ

ÂTHAONA 6:3

Chatawhcha Abeipa ta, “Ei thlahpa he chyhsapa hnohta chhâzaw ta y aw vei, ano cha thi theipa châ tlôh ta, a hro chhôh nohzy cha kô 120 a châ aw,” tah ta.

1 ABEIZY 22:22

Abeipa ta a hnohta, ‘Khâpa ta maw?’ tah ta. Ano ta, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.

HLAZY 105:25

A phopi a hao awpa ta Izi mo palôh pakuasa ta, Ano a chakaotuhpazy chô liata piehpie ngaitapa ta a pataosa ei.

HLAZY 78:43

Izi liata ngiana a taopazy a thei khao leipa ei ta, Zônâ lyuzy liata a hmonoâh taopazy a thei khao hra veih ei.

PUASAINA 10:1

Chatawhcha Abeipa ta Mawsi hnohta, “Phiraoh lâ a kei ngia teh. Kei tawhta ngianazy ama hry liata ei chaluah thei nawpa ta, ano palôh nata a chakaotuhpazy palôh kuh ei pachhasa haw.

PUASAINA 10:20

Châhrasala Abeipa ta Phiraoh cha a palôh kuh pachhasa ta, chavâta Izarei sawzy cha pasiesa khoh khao vei.

PUASAINA 10:27

Châhrasala Abeipa ta Phiraoh cha a palôh kuh pachhasa ta, âmo cha pasiesa khoh khao vei.

PUASAINA 11:10

Cha hmonoâhpa zydua cha Mawsi nata Arawna ta Phiraoh hmiakô liata tao ei ta. Châhrasala Abeipa ta Phiraoh cha a palôh kuh pachhasa ta, Izarei sawzy cha a râh tawhta papuasa khoh vei.

PUASAINA 11:9

Abeipa ta Mawsi hnohta, “Ei hmotao noâhpazy Izi râh liana heta papôhsapa ta a y thei nawpa ta, Phiraoh ta nama bie a pyh aw vei,” tah ta.

PUASAINA 14:17

Pachâ teh, Izi mo palôh kuh pachhasa aw na ta, Izarei sawzy a chadai aw ei ta, chatanachata Phiraoh nata a pheisaih zydua nata a talailihzy nata arâ a kiahpazy hmâpa ta palyupalihna ei hlao aw.

PUASAINA 14:4

Phiraoh palôh kuh pachhasa aw na ta, âmo cha a chadai aw ta, Phiraoh nata a pheisaih zydua hmâpa ta palyupalihna ei hlao aw. Chatanachata Izi mo ta kei he Abeipa ei châ tahpa ama pahno aw,” tah ta. Izarei sawzy ta cha hawhna chata tao ei ta.

PUASAINA 14:8

Abeipa ta Izi bei Phiraoh palôh kuh pachhasa ta, chatanachata chhôhmohpa ta a sie haipa Izarei sawzy cha a chadai ta.

PUASAINA 3:19

Châhrasala ku thatlôpa ta a pataosa leipa ta cha, Izi bei ta cha pasiesa aw veih ei tahpa ei pahno.

PUASAINA 3:20

Chavâta ei ku pazawh aw na ta, Izi râh cha a chhôh liata hmonoâhpa ei tao awpa zydua ta hrie aw na ta, cha khai tawhta a cha pasiesa aw ei.

PUASAINA 7:13

Chatanachôta Phiraoh palôh cha kuhchhâpa ta y ta, Abeipa ta a rei hapa hawhta, ama bie nathlie khoh vei.

PUASAINA 7:3

Ngiana nata hmonoâhpazy Izi râh liata ei papôhsapa chhao ta, Phiraoh palôh cha a kuh ei pachhasa ha aw.

PUASAINA 8:11

Uphawhzy ta nâ nata na ozy nata châ chakaotuhpazy nata na phopi puasai aw ei ta, Nile chavah lia deita ama y aw,” tah ta.

PUASAINA 8:15

Châhrasala Phiraoh ta huhiehna a vaw ypa a hmô nahta, a palôh kuh a pachha ta, Abeipa ta a rei hapa hawhta, ama bie nathlie khoh heih vei.

PUASAINA 8:32

Châhrasala cha daihti liana chhao chata, Phiraoh cha a palôh kuh pachhasa heih ta, Izarei phopi ama sie awpa pasaih pyly vei.

PUASAINA 9:12

Châhrasala Abeipa ta Phiraoh palôh kuh pachhasa ta, Abeipa ta Mawsi hnohta a rei hapa hawhta, ama bie nathlie khoh vei.

PUASAINA 9:35

Phiraoh palôh cha kuh pachhasapa ta y ta, Abeipa ta Mawsi hmâpa ta a reipa hawhna tlai khata, Izarei sawzy pasiesa khoh vei.

ISAI 6:10

Cha phopi palôh cha a kuhchha ha ta, Ama nah ta bie thei thai khao leipa ta, Ama mo ama paso haw. Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, Kei lâ a vaw heih aw ei ta, Ei patlâh ha awpa ei tlai,’ Kei tah mah y,” tah ta.

ISAI 63:17

Hy Abeipa, khazia na lâpizy tawhta miah paviasa chi ta, Eima cha chi lei nawpa ta, Eima palôh kuh na pachhasa tly? Châ chakaotuhpazy vâna heta vaw kua heih la, Na ryuto na chiphozy vâna heta vaw kua heih mah y.

ZAWHÂNA 12:40

“Ama mozy pachao ta, Ama palôh kuh a pachhasa; Chata châ vei mawh sala, Ama mo ta hmô aw ei ta, Ama palôh ta pahnopa ta, A vaw heih aw ei ta, Ei patlâh ha awpa ei tlai,” a tahpa kha a châ.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 9:18

Chatanachata Khazohpa ta a khopa maih ngiachhie tyh ta, a khopa maih chhorupa ta a tao tyh.

2 KAWRINI 2:16

py kha châta thina tawhta thina lâ ropahâhpa châ pi ta, py hropa châta hrona tawhta hrona lâ ropahâhpa eima châ. Chazy châta ahy a tloh thei aw?

RYHPACHANEINA 2:36

Anaw saikao chhâna liata Arôerâ nata saikao liata khihpi a ypa tawhta Kilia taihta, thokhy a sâh tupa khihpi eima châta y vei. Abeipa eima Khazohpa ta eima ku liata miah a pie khai haw.

ZAWSUA 11:20

Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.

1 PITY 2:8

Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.