PUASAINA 4:14 - Mara Bible RV (BSI)

¹⁴ Abeipa cha Mawsi chô liata a pathi ia ta, a hnohta, “Na unawhpa Arawna, Livai chi y vei mâ? Ano cha bierei a thai kaw tahpa ei pahno. Moh teh, cha vaw dy awpa ta â vy huh. A cha hmô tita a palôh a tlâh ngaita aw.

PUASAINA 4:14 ပူးပေါင်းရင်းမြစ်များ

2 SAMUELA 6:7

Abeipa cha Uza chô liata a hiehâh ta, a hmotaopa doleipa vâta Khazohpa ta cha liata thie ta, Khazohpa Byh kiapâh liata thi ha ta.

1 ABEIZY 11:9

Sawlawmaw palôh cha, a hnohta ei no po a luahpa Abeipa, Izarei Khazohpa a tleisai hapa vâta, Sawlawmaw chô liata Abeipa a hiehâh ta.

1 THÂTIHZYRONA 21:7

Cha hawhta Izarei maluhpi reipa cha Khazohpa a ly leipa ta, chavâta Khazohpa ta Izarei sawzy cha hrie ta.

HLAZY 105:26

A chakaotuhpa Mawsi tuah ta, Â tlyhpa Arawna chhao tuah ta.

PUASAINA 4:13

Châhrasala Mawsi ta, “Hy ei Beipa, ngiachhiepa ta chyhsa hropa tuah thlâh ha mah y,” tah ta.

PUASAINA 4:17

Chôchahrei he a chaba aw chi ta, he hmâpa heta hmonoâhpazy na tao aw,” tah ta.

PUASAINA 4:27

Abeipa ta Arawna hnohta, “Mawsi dy awpa ta râhchawhpa lâ sie teh,” tah ta. Arawna cha sie ta, Khazohpa tlâh liata Mawsi a kei tyh ta, a pahnâ ta.

MALUHREINA 12:2

“Mawsi hnoh dei ta ma Abeipa ta bie a reih? Keimo hnohta chhao reih hra vei mâ?” tah ei ta. Cha cha Abeipa ta thei ta.

HMOTAOPAZY 15:28

He hmo peimawhpazy dei leipa ta cha, phaohri hropa cha pavi lei awpa ta, Thlahpa Pathaihpa nata keimo ta a pha eima tah:

2 KAWRINI 2:13

Châhrasala ei unawhpa Titu ei hmô leipa vâta, ei thlahpa a chhôhmoh thei leipa ta, âmo cha reikah phapa ta a chhaih na ta, Mâsidônia râh lâ ei palâh haw.

PHILIPI 2:21

Mohropa zydua cha, Zisu Krista châta châ leipa ta, âmo pha nawpa a tluapa sai ama châ.

ZAWSUA 24:5

Chatawhcha Mawsi nata Arawna tuah na ta, Izi râh cha ama hry liata ei patlôsapa potlana khata hrie na ta, cha khai tawhta ei châ chhi papua ei.

1 SAMUELA 12:8

Izi râh liata Zakaw â ngia hnôh lâna khata, châ pathlatuhpazy ta Abeipa awsao ei ta, Abeipa ta Mawsi nata Arawna tuah ta, âmo ta châ pathlatuhpazy cha Izi râh tawhta a chhi papua ei ta, he su liata ama vaw pahrâsa.

1 SAMUELA 2:27

Khazohpa chyhsa pakha Eli lâ a vy ta, a hnohta, “Abeipa ta hetana heta a tah: Châ pathlatuhpa chizy Izi râh liata Phiraoh sei ta ama y no kha, ama hnohta a siapa ta a phualuah ha va na mâ?