PUASAINA 39:42 - Mara Bible RV (BSI)

⁴² Chatanachata Abeipa ta Mawsi hnohta bie a piepa zydua hawhta Izarei sawzy ta ama tao khai.

PUASAINA 39:42 ပူးပေါင်းရင်းမြစ်များ

1 ABEIZY 6:38

kô hrawh hleikhana, Buli thla, thla chariena liata, Achhyna o cha a zydua ta, patohpatianazie hawh tlai ta paloh khaipa a châ. Kô sari tlai a sa.

2 THÂTIHZYRONA 8:15

Abei ta theihthaipazy nata Livai pathlazy bie a piepa cha, khâpa kyh lia hmahta tleisai leipa ei ta, sôh kyh liata chhao tleisai cheita veih ei.

PUASAINA 12:28

Izarei sawzy cha sie ei ta, Abeipa ta Mawsi nata Arawna bie a piepa hawhta kei tao ei ta.

PUASAINA 35:10

“Nama hry liata zôthaipa zydua a vy ei sala, Abeipa ta bie a piepa zydua tao mawh ei sy:

PUASAINA 39:32

Chatanachata ahmaohna poh o liata achhyna byureih raihria zydua cha palohpa châ ta, Abeipa ta tao awpa ta Mawsi hnohta bie a piepa zydua hawhta Izarei sawzy ta tao ei ta.

PUASAINA 39:41

Su Pathaihpa liata chakaona rai hria nawpa ta chysia sapa, theihthaipa Arawna châta chysia pathaihpazy nata a sawchapawzy ta theihthaipa rai ama hria nota amâ ky awpa chysiazy taopa a châ.

PUASAINA 39:43

Mawsi ta raihria zydua cha moh ta, Abeipa biepiepa hawhta paloh khaipa a châpa hmô ta, chatanachata Mawsi ta âmo cha byhnâ a awpa ei.

ZEREMIAH 13:5

Abeipa ta bie eina piepa hawhta, sie na ta, Ufrâti chavah kiah liana cha nyu na ta.

MALUHREINA 9:22

Achhyna byureih chô liata meihdo cha noh no tlyma, thla kha tlyma, kô kha tlyma rai y sala, cha liata â chhoh ngâ thlâh ha khiahta cha, Izarei sawzy cha riehmo liata y thlâh ha ei ta, sie veih ei. Meihdo â pasâh nahta ama sie tyh.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

2 TIMAWTHY 2:15

Biehmeiseihpa â do ngaitapa ta a siekheipa raihriatuhpa cha, noza awpa a châ leipa hawhta, a pyh tlâhpa ta Khazohpa hmiakô liata nâ duah thei nawpa ta, na theina zydua papua mah y.

2 TIMAWTHY 4:7

Adyuhna phapa a dyuh khai ha na ta, ei râpasuana patlô ha na ta, ngiapâna cha ei vao thlâh haw.