PUASAINA 39:30 - Mara Bible RV (BSI)

³⁰ Abeipa ta Mawsi hnohta bie a piepa hawhta, ngôh suapa lakho pathaihpa tao ei ta, cha liata “Abeipa châta Pathaihpa,” tahpa bie moh chahnaona taozie ta taopa ta pachohsa ei ta.

PUASAINA 39:30 ပူးပေါင်းရင်းမြစ်များ

PUASAINA 26:36

“Poh o chhikao châta pohraipa tao aw chi ta, pala rih dipa pabaohpazy, pala nohpa, saihdôhpa nata saihlawpazy ta pohraipa cha kiky zei awpa a châ.

PUASAINA 39:29

Pala rih dipa pabaohpa nata pala nohpa, saihdôhpa nata saihlawpazy hmâpa ta kiky pakyupa chaisaihnazy ama tao.

PUASAINA 39:31

Cha cha theihthaipa lakhu liata pala nohpa charipa ta hraih pa-ipa ta ama bai.

ZEKARIA 14:20

Cha noh liata, arâ kaly liata “Abeipa châta Pathaihpa” tahpa ropa châ aw ta, Abeipa o liata thua beihzy cha maisâh hmia liata biebuh pathaihpa hawhta ama vaw châ aw.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

BIEPHUAH 5:10

Âmo cha eima Khazohpa châta khinarâh ta padua chi ta, Theihthaipazy ta na tao ei; Alei liata ryu ama reih aw,” tahpa ta hla thiehpa ma sa ei ta.