PUASAINA 36:8 - Mara Bible RV (BSI)

⁸ Raihriatuhpazy hry liata zôthaipa zydua ta achhyna byureih cha pohraipa miahrawh a hneipa ta tao ei ta. Cha pohraipazy cha pala rih dipa pabaohpa nata pala nohpa, saihdôhpa nata saihlawpa zy hmâpa ta taopa châ ta, zôthaipazy ta zôpha kawpa ta ama taopa cherubi nothlahpazy pachohsapa a châ.

PUASAINA 36:8 ပူးပေါင်းရင်းမြစ်များ

1 ABEIZY 6:23

Chhôhpadâhpa pathaihpa liana chata, dy hrawh raihrie a sâhpa ta cherubi miano ôli tho ta tao ta.

1 THÂTIHZYRONA 15:1

Dâvi ta Dâvi khihpi liata ano châta ozy sa ta. Khazohpa Byh y nawpa su a chhuanoh ta, poh o raipa ta.

2 THÂTIHZYRONA 1:3

Sawlawmaw cha zawpi zydua chhaota Kibiô khihpi liata su sâhpa lâ sie ta. Cha su liata Abeipa chakaotuhpa Mawsi ta râhchawhpa liata a taopa Khazohpa ahmaohna poh o kha y ta.

2 THÂTIHZYRONA 3:10

Su Pathaih Chaipa liata cherubi nothlahpa miano tao ta, chazy cha ngôh ta pahu ta.

PUASAINA 25:18

Ngôh ta cherubi miano daih aw chi ta, zawngiahna dyuchhai nata pazaopa ta, a kâ chavei chachâh ta a y awpa a châ.

PUASAINA 25:22

Cha liata châ tyh tyh aw na ta, Izarei sawzy hnohta bie ei pie awpa zydua cha, biehrai byh chô liata zawngiahna dyuchhai liata cherubi mianozy likawh tawhna chata ei cha chho tyh aw.

PUASAINA 31:6

A hnohta a hria awpa ta, Dânâ chi Ahisamâ sawchapawpa Ôhôliaba ei rao. Tao awpa bie ei cha piepa zydua ama tao thei nawpa ta, novâhpa zydua palôh liata sona soh na ta,

PUASAINA 31:7

ahmaohna poh o, Biehrai Byh nata a chô liata zawngiahna dyuchhai, poh o chhôh liata hmobaoh zydua,

PUASAINA 35:10

“Nama hry liata zôthaipa zydua a vy ei sala, Abeipa ta bie a piepa zydua tao mawh ei sy:

PUASAINA 36:9

Pohraipa maih cha a doh lâ dy kih nata dy charie, a hâ lâ dy palih châ ta, pohraipa zydua amâ kho khai.

PUASAINA 39:3

Pala nohpa, saihdôhpa, saihlawpa nata pala rih dipazy cha zôpha kawpa ta a kiky pakyu nawpa ta, ngôh cha â pa kadiepa ta paphiapa ta, a ri ta pachhaih ei ta.