PUASAINA 35:29 - Mara Bible RV (BSI)

²⁹ Chatanachata Izarei saw zydua, a chanô chapaw ta, ama palôh liata pie khohna a hneipa maihta, Abeipa ta tao awpa ta Mawsi ku liata bie a piepa zydua tao nawpa ta lôhthai thyuna vaw cheih ei ta.

PUASAINA 35:29 ပူးပေါင်းရင်းမြစ်များ

1 THÂTIHZYRONA 29:14

“Ahy ma châ na ta, ei chiheihzy chhao he ahyzy ma châ ei ta, he hawhta keimo kho tlai ta hmopiepazy eima vaw hlâ thei tly? Hmo to nâ tawhta eima hmôpa châ ta, na eih eima cha pie lilaw heihpa dei a châ.

1 THÂTIHZYRONA 29:17

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.

1 THÂTIHZYRONA 29:3

Cha dei châ vei, o pathaihpa châta ei pachhuapanohpazy hleikhô ta, keima ngôh nata tâkâ zy chhao ei pie pâ hra. Ei Khazohpa o he ei pachâ peimawh ngaitapa vâta, ei Khazohpa o châta ei piepa a châ.

1 THÂTIHZYRONA 29:6

Chatanachata chhôhkha pawhrâhpazy, Izarei chi hyutuhpazy, pheisaih sâh kha hyutuhpazy, pheisaih za kha hyutuhpazy nata abei raihria liata hyutuhpazy chhao ta âmo lôhthai ta pie chyu ei ta.

2 THÂTIHZYRONA 35:8

A beimachâzy chhao ta zawpizy, theihthaipazy nata Livai pathlazy châta âmo lôhthai ta thyu hra ei ta. Khazohpa o hyutuh laipa Hikia, Zekaria nata Zehie zy ta Zawpakhô atheihna hlâna châta, theihthaipazy hnohta Zawpakhô mietakutaw 2,600 nata viahchao tôhpa 300 pie ei ta.

EZRÂ 3:5

Cha khai tawhta, raopa hlâna hlâ tyhpazy, thla thieh atheihna hlâ tyhpazy, Abeipa kyhchhi raopa zydua liata atheihna hlâ tyhpazy nata Abeipa lâta lôhthai hmohlâpazy ama hlâ tyh.

EZRÂ 8:28

Ama hnohta, “Abeipa châta pathaihpa châ ei chi ta, hmobaohzy chhao pathaih ei ta, tâkâ nata ngôh zy he Abeipa, châ pathlatuhpazy Khazohpa châta lôhthai thyuna sôh sai a châ.

PUASAINA 35:4

Mawsi ta Izarei zawpi zydua hnohta, “He he Abeipa biepiepa a châ.

PUASAINA 35:5

Nama hry tawhta Abeipa châta thyuna vaw cheih teh u. Abeipa châta thyuna pie khohna palôh a hneipa maihta thyuna cha vaw cheih ei sala, ngôhzy, tâkâzy, dawhzy;

PUASAINA 36:3

Izarei sawzy ta supathaihpa châta rai hria nawpa ta ama vaw thyupa zydua Mawsi tawhta la lymâ ei ta. My chareih ta lôhthai thyunazy Mawsi hnohta vaw hlâ pazao lymâ ei ta.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

1 KAWRINI 3:5

Apawlôsâ cha khâpa ma a châ? Pawla chhao cha khâpa ma a châ? Chakaotuhpa, nâmo châ pangiapâsatuhpa deita ama châ. Cha chhao cha Abeipa ta a piepa lymâ hawhta ama hria chyupa a châ.

1 KAWRINI 9:17

Keima khotlyna ta thâtihpha a chhopa ei châ khiahta cha, lymâ ei hnei. Keima khotlyna a châ vei khiah deikua cha, ei hnohta pavaosapa mohôhna rai ei hriapa tlâ a châ.

2 KAWRINI 9:7

Chyhsa to pasai leina chôta pie leipa ta, pie lei thei lei awpa hawhta pachâpa ta pie hra leipa ta, ama palôh ta amâ chhuahpa hawhta pie chyu mawh ei sy. Khazohpa ta a ly ngaitapa ta a pietuhpa kyh a pachâ.

KALATIA 6:16

Cha ryhpa a zyhpa zydua nata Khazohpa Izarei chô liata thlalôhna nata ngiachhiena y mawh sy.

RYHPACHANEINA 11:32

tanoh ta nama hmiakô liata ei sopa bieraopa nata pachiana zydua he pakhâta ta nama zyh khai awpa a châ.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

RYHPACHANEINA 4:2

Bie ei cha piepa ei kha baichha leipa u la, thy bâ hra leipa u la, Abeipa nama Khazohpa biepiepa nama hnohta ei cha pie pachhuahpazy he zyh muh vy.

2 PITY 1:19

Hrohsona bie a i via pachaipa hnei pi ta, khih vaw deih ta deiva awhsi nama palôh liata a vaw pua hlâlei zohna liata meiôh a khaih chypa hawhta, cha hrohsona biezy cha nama pachâ khiahta cha, nama châta a pha aw.

RYUREITUHPAZY 5:2

“Chhituhpazy ta Izarei liata chhihtha ei ta, Phopi âmo kho ta amâ vaw hlâ lymâ; Abeipa cha reithai teh u!

RYUREITUHPAZY 5:9

“Izarei ryureituhpazy lâta ei palôh sie ta, Zawpi hry tawhta âmo kho ta a vaw hlâpazy lâna tlai cha ei palôh a sie. Abeipa cha reithai teh u!