PUASAINA 35:27 - Mara Bible RV (BSI)

²⁷ Ryureituhpazy ta beri lôsôhpazy nata ephaw nata chachôhna vyhphao liata kiky pakyu awpa lôsôhpazy vaw cheih ei ta.

PUASAINA 35:27 ပူးပေါင်းရင်းမြစ်များ

1 THÂTIHZYRONA 29:6

Chatanachata chhôhkha pawhrâhpazy, Izarei chi hyutuhpazy, pheisaih sâh kha hyutuhpazy, pheisaih za kha hyutuhpazy nata abei raihria liata hyutuhpazy chhao ta âmo lôhthai ta pie chyu ei ta.

EZRÂ 2:68

Zerusale liata Abeipa o ama tlô nahta, chhôhkha pawhrâhpa thokhazy ta, a su ualuapa liata Khazohpa o padua heih nawpa ta, lôhthai sôhzy thyu ei ta.

PUASAINA 25:7

ephaw nata chachôhna vyhphao liata kiky zei nawpa ta beri lô nata lôsôhpazy a châ.

PUASAINA 35:26

Chanô palôh thathyupa zydua ta ama zôthaina hmâpa ta mie hmi pahieh ei ta.

PUASAINA 35:28

Ia-ôzy nata khaihna châta hmâ awpa nata sathawthuna nata ropahâhpa châta hmâ awpa sathawzy vaw cheih hra ei ta.

PUASAINA 35:9

ephaw nata chachôhna vyhphao kiky pakyu nawpa ta beri lôzy nata lôsôhpazy vaw cheih mawh ei sy.