PUASAINA 35:22 - Mara Bible RV (BSI)

²² A chanô chapaw ta, a palôh liata khona a hneipa maih a vy ei ta, lâkyuzy, rahyzy, moh chahnaona kusadizy, pachhihzy, ngôh ta taopa sôh nata thih to vaw cheih ei ta, chyhsa zydua ta Abeipa lâ ngôhzy hlâ ei ta.

PUASAINA 35:22 ပူးပေါင်းရင်းမြစ်များ

2 ABEIZY 12:4

Zehôasâ ta theihthaipazy hnohta “Abeipa o liata a ngiakheipa hmo pathaihpa chatlaina sôh zydua, chyhsa to thyupa sôh a ngiapa zydua nata chyhsa ta lôhthai ta Abeipa o lâ a vaw cheipa sôh zydua cha,

2 THÂTIHZYRONA 29:31

Hezekia ta, “Tahmâ cha Abeipa châta a pathai ha ei chi ta, a vaw hnia u la, Abeipa o lâta atheihnazy nata alyna bie reina hmohlâpazy vaw hlâ teh u,” tah ta. Zawpizy ta atheihnazy nata alyna bie reina hmohlâpazy vaw cheih ei ta, palôh khona a hneipa maihta raopa hlânazy vaw cheih hra ei ta.

PUASAINA 32:2

Arawna ta ama hnohta, “Nama lapinôzy, nama sawchapawzy nata nama sawchanôzy ta ama nakao liata amâ bapa ngôh rahyzy pahluh u la, kei lâ vaw chei teh u,” tah ta.

PUASAINA 32:3

Chatanachata zawpi zydua ta ama nakao liata amâ bapa ngôh rahyzy cha pahluh ei ta, Arawna lâ vaw cheih ei ta.

PUASAINA 35:21

Palôh thathyupa nata pie khohna palôh a hneipa maih a vy ei ta, ahmaohna poh o nata a chakaona nata chysia pathaihpazy tao nawpa ta hmâ awpa ta Abeipa lâ thyuna vaw cheih ei ta.

PUASAINA 35:23

Pala nohpazy, saihdôhpazy, saihlawpazy, pala rih dipazy, mie hmizy, mietaku tôhpa vo pasaihpa nata tilaipi siahrâ vo a hneipa maihta vaw cheih ei ta.

BIESOZY 25:12

Ngôh rahy nata ngôh suapa atobina kho â chhihpa hawhta, Chyhsa sopa chhoreina chhao, Reingiahpa nakhaoh liata kho â chhih.

ISAI 3:19

rahyzy, lâkyuzy, raoao pohzy;

ISAI 60:13

Ei supathaihpa tobi nawpa ta, Lebanaw rônahna nâ lâ a vaw tlô aw; Meisah vyhpa nâ lâ vaw tlô aw ta, Tho hna phiapa nata meisah thozy nâ lâ ama vaw tlô aw; Chatanachata ei phei tlyna su cha, Rônahpa ta ei tao aw.

ISAI 60:9

Na sawchapawzy lâhlapi tawhta a vaw chhipa ta, Ama tâkâ nata ngôh chhaota a vaw chhi awpa ta, Tilaipi kiah râhzy ta na hâ ei ta, A vaw tlô tua awpa Tâsi balyhzy ama hâ thlâh haw. Abeipa ta a cha parônahsapa vâta, He hmo he Abeipa na Khazohpa moh châta taopa châ aw ta, Izarei Mo Pathaihpa châta taopa a châ aw.

EZEKIA 16:11

Lôsôhpa atobinazy ta cha tobi na ta, na ku liata lâkyuzy cha pakypa ta, pachhih ei cha paao.

MALUHREINA 31:50

Tahmâ he eima hmôpa chyu tawhta, Abeipa châta eima thyuna ngôh hmobaohzy, karuzy, lâkyuzy, moh chahnaona kusadizy, rahyzy, pachhihzy cha eimâ chatlaina châta Abeipa hmiakô liata eima vaw cheih,” tah ei ta.

MATHAI 2:11

O chhôh lâ a ngia ei ta, hawsaih cha a nô Mâri hnohta hmô ei ta, a bôhpa ta a naoh ei ta. Ama ryubyhzy pahy ei ta, hmosaipa ngôh, deiryh nata myrâ zy pie ei ta.