PUASAINA 35:21 - Mara Bible RV (BSI)

²¹ Palôh thathyupa nata pie khohna palôh a hneipa maih a vy ei ta, ahmaohna poh o nata a chakaona nata chysia pathaihpazy tao nawpa ta hmâ awpa ta Abeipa lâ thyuna vaw cheih ei ta.

PUASAINA 35:21 ပူးပေါင်းရင်းမြစ်များ

2 SAMUELA 7:27

Hy Pheisaihzy Abeipa, Izarei Khazohpa y, nâma tlai ta, châ chakaotuhpa hnohta, ‘Chipathlazy ei cha paduapa aw,’ tahpa ta phuah ha chi ta, chavâta châ chakaotuhpa heta he thlahchhâna he na hnohta ei vaw tlôkhei ngâhpa a châ.

1 THÂTIHZYRONA 28:2

Bei Dâvi cha a kaw duah ta, ama hnohta, “Ei unawhzy nata ei chiheihzy saih u, ei bie nathlie teh u. Abeipa Biehrai Byh a pahâ nawpa nata eima Khazohpa phei tlyna châta o sapa awpa ei palôh liata y ta, sana awpa chhao ei pachhuahpanoh haw.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

1 THÂTIHZYRONA 29:14

“Ahy ma châ na ta, ei chiheihzy chhao he ahyzy ma châ ei ta, he hawhta keimo kho tlai ta hmopiepazy eima vaw hlâ thei tly? Hmo to nâ tawhta eima hmôpa châ ta, na eih eima cha pie lilaw heihpa dei a châ.

1 THÂTIHZYRONA 29:3

Cha dei châ vei, o pathaihpa châta ei pachhuapanohpazy hleikhô ta, keima ngôh nata tâkâ zy chhao ei pie pâ hra. Ei Khazohpa o he ei pachâ peimawh ngaitapa vâta, ei Khazohpa o châta ei piepa a châ.

1 THÂTIHZYRONA 29:8

Lôsôhpa a hneipazy chhao ta, Abeipa o sôh châta thyu ei ta, chazy cha Kesao pathla Zehie ta a mohôh.

1 THÂTIHZYRONA 29:9

Âmo khopasana tlai ta ama piepa a châpa vâta zawpizy cha amâ ly ngaita. Pathipalôh tlokhuh ta Khazohpa lâ âmo lôhthai ta ama piepa a châ. Bei Dâvi chhao â ly ngaita.

EZRÂ 2:68

Zerusale liata Abeipa o ama tlô nahta, chhôhkha pawhrâhpa thokhazy ta, a su ualuapa liata Khazohpa o padua heih nawpa ta, lôhthai sôhzy thyu ei ta.

EZRÂ 7:27

Zerusale liata Abeipa o â ngia ngaitapa ta tobi awpa ta, cha hawhpa hmo cha abei palôh liata sopa ta,

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

PUASAINA 25:2

“Izarei sawzy hnohta bie reih la, thyuna sôh na hlâ awpa ta âmo cha chho mah y. Pie khohna palôh hneipa ta a piepazy tawhta keima châta thyuna sôh nama la awpa a châ.

PUASAINA 35:20

Izarei zawpi zydua cha Mawsi mohmô tawhta pua ei ta.

PUASAINA 35:22

A chanô chapaw ta, a palôh liata khona a hneipa maih a vy ei ta, lâkyuzy, rahyzy, moh chahnaona kusadizy, pachhihzy, ngôh ta taopa sôh nata thih to vaw cheih ei ta, chyhsa zydua ta Abeipa lâ ngôhzy hlâ ei ta.

PUASAINA 35:26

Chanô palôh thathyupa zydua ta ama zôthaina hmâpa ta mie hmi pahieh ei ta.

PUASAINA 35:29

Chatanachata Izarei saw zydua, a chanô chapaw ta, ama palôh liata pie khohna a hneipa maihta, Abeipa ta tao awpa ta Mawsi ku liata bie a piepa zydua tao nawpa ta lôhthai thyuna vaw cheih ei ta.

PUASAINA 35:5

Nama hry tawhta Abeipa châta thyuna vaw cheih teh u. Abeipa châta thyuna pie khohna palôh a hneipa maihta thyuna cha vaw cheih ei sala, ngôhzy, tâkâzy, dawhzy;

PUASAINA 36:2

Mawsi ta Bezale, Ôhôliaba nata Abeipa ta ama palôh liata sona a piepa zôthaipa zydua nata palôh thathyuna a hneipa maih aw ta.

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

ZEREMIAH 30:21

Ama chhituhpa cha, Âmo chyhsa tlai châ aw ta; Ama ryureituhpa chhao, Âmo hry tawhta a vaw pua aw; Âmo rei ta nâ hnia ngâh awpa ama y leipa vâta, Nâ hnia awpa ta ano cha tao aw na ta, Eina vaw pangai aw.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

2 KAWRINI 9:7

Chyhsa to pasai leina chôta pie leipa ta, pie lei thei lei awpa hawhta pachâpa ta pie hra leipa ta, ama palôh ta amâ chhuahpa hawhta pie chyu mawh ei sy. Khazohpa ta a ly ngaitapa ta a pietuhpa kyh a pachâ.

RYUREITUHPAZY 5:12

“Hy Debawrâ, a hra la, a hra teh! A hra la, a hra la, hla sa teh! Hy Bâraka, Abinôâ sawchapawpa, Thyu la, na patupazy sei ta a chhi teh!

RYUREITUHPAZY 5:3

“Hy nâmo, abeizy, Nathlie u la; Hy nâmo, ryureihtuhpazy, Nama nah pachôh teh u; Abeipa lâ hla sa aw na ta, Abeipa Izarei Khazohpa lâ reithaina ei hlâ aw.

RYUREITUHPAZY 5:9

“Izarei ryureituhpazy lâta ei palôh sie ta, Zawpi hry tawhta âmo kho ta a vaw hlâpazy lâna tlai cha ei palôh a sie. Abeipa cha reithai teh u!