PUASAINA 34:6 - Mara Bible RV (BSI)

⁶ Abeipa cha Mawsi hmiakô liata vaw sie ta, “Abeipa, Abeipa, zawngiahna nata ngiachhiena Khazohpa, hiehâh rupa, kyhpachâna nata ngâchhihna ta a biepa,

PUASAINA 34:6 ပူးပေါင်းရင်းမြစ်များ

ÂTHAONA 24:27

“Ei zibeipa chô liata ngiachhiena nata biedopa a thlyu beih leipa Abeipa, ei zibeipa Abarahâ Khazohpa cha reithaipa ta y mawh sy! Kei chhao he Abeipa ta ei zibeipa heinawhzy o lâta eina vaw chhihtha ha hih,” tah ta.

2 SAMUELA 24:14

Dâvi ta Kâdâ hnohta, “Ei nô a po ngaita. Abeipa ku liata eima pao thlu aw, ano cha zawngiah thei ngaitapa châ tlôh ta. Chyhsapa ku liata la na papaosa khah y,” tah ta.

1 ABEIZY 19:11

Abeipa ta, “Pua la tlâh liana hao ta Abeipa hmiakô liata a kei duah teh,” tah ta. Chatawhcha moh tua u, Abeipa ta Elaizâh cha vaw chapia ta, thlihpi thatlôpa nata ru ngaitapa ta tlâhzy cha vaw pacho ta, Abeipa hmiakô liata lôkâhpazy a patlawchheih ta, châhrasala Abeipa cha thlih liata y leipa ta. Thlih a pathli khai tawhta alo a vaw sih ta, châhrasala Abeipa cha alosihpa liata y leipa ta.

1 ABEIZY 8:30

Châ chakaotuhpa nata na phopi Izarei sawzy ta he su lâ a heihpa ta thlah ama chhâ tita, ama hianazy vaw nathlie tyh mah y. Na pahrâna su vârâh tawhta vaw nathlie la, na thei tita, a ngiahthai tyh mah y.

2 THÂTIHZYRONA 30:9

Abeipa lâ nama kua heih khiahta cha, nama unawhzy nata nama sawzy cha, sei ta a patutuhpazy ta ngiachhie aw ei ta, he râh lâ he amâ vaw lie heih aw. Abeipa nama Khazohpa cha ngiachhiena nata zawngiahna ta a biepa châ ta, ano lâ nama kua heih khiahta cha, châ heihsai aw veih ei,” tah ta.

NEHEMIAH 9:17

Na biepiepazy zyh khoh leipa ei ta, ama hry liata hmonoâhpa na taopazy chhao pahno khoh khao veih ei. Ama rao pachyu ei ta, ama seichâna Izi râh lâ kua heih awpa ta chhituhpa ama rao. Châhrasala nâ cha a ngiahthai awpa ta a mâ thlâh hapa, ngiachhiena nata zawngiahna a hneipa, a hiehâh a rupa nata kyhpachâna a ipa a hneipa Khazohpa châ chi ta, âmo cha a heihsai va chi.

HLAZY 108:4

Na kyhpachâna tleih beih leipa ta avâzy kaw daih ta, Na ngâchhihna ta meihdozy a kaw tlô.

HLAZY 111:4

Hmonoâhpa a taopazy cha khâ a thei thlâh awpa ta tao ta, Abeipa cha ngiachhiena nata zawngiahna a hneipa a châ.

HLAZY 111:8

Chazy cha chhâzaw nata tlyzaw châta pa-ipa châ ta, Ngâchhihna nata adona ta hria awpa a châ.

HLAZY 112:4

Chyhsa dopa châta cha, Zohna liata a y no chhao ta khaihna a vaw pua tyh; Abeipa cha ngiachhiena nata zawngiahna a hneipa châ ta, Khazohpa siapa a châ.

HLAZY 116:5

Abeipa cha ngiachhie theipa nata asiapa châ ta, Eima Khazohpa cha zawngiah theipa a châ.

HLAZY 138:2

Nâma Achhyna o pathaihpa lâ a heipa ta a bôh na ta, Na zawngiahna nata ngâchhihna vâta, Na moh reithai aw na ta; Hmo to zydua hlâta na moh nata na bie na cheihchalo viapa vâta, Na moh ei reithai aw.

HLAZY 145:8

Abeipa cha ngiachhiena nata zawngiahna a hneipa châ ta, Hiehâhna kyh liata nainô sôpa châ ta, Kyhpachâna tleih beih leipa ta a biepa a châ.

HLAZY 146:6

Abeipa cha avâ nata alei taotuhpa châ ta, Tilaipi nata a chhôh liata a ypa zydua a taotuhpa chhao châ ta, Tlyzaw ta biehmeiseihpa a vao thlâhpa a châ.

HLAZY 31:19

Chyhsa sawzy mohmô ta, Châ chituhpazy châta phana na pachôpa hluh ngaita ta, Châ chhaituhpazy châta na raihria a hluh ngaita!

HLAZY 57:10

Na kyhpachâna tleih beih leipa ta avâzy kaw daih ta, Na ngâchhihna ta meihdozy a kaw tlô.

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

HLAZY 91:4

A mathlaw hmi ta cha khu aw ta, A mathlaw ry liata achhaina na hmô aw; A ngâchhihna cha vyhphao nata thokhy a châ.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

PUASAINA 22:27

A chhâpa cha, cha poh cha a bu awpa a hnei chhôhpa, a pôhpa liata â bu awpa poh châ ta, khâpa a bupa ta ma â mô aw? Kei cha ngiachhiena a hneipa châ tlôh na ta, chavâta eina awsao tita ei thei aw.

PUASAINA 33:19

Abeipa ta, “Ei phana zydua na hmiakô liata vaw pasiesa aw na ta, ei moh Zehôvâh cha na hmiakô liata ei phuah aw. Ei ngiachhie awpa chyhsa cha ngiachhie aw na ta, zawh ei ngiah awpa chyhsa cha zawh ei ngiah aw,” tah ta.

BIESOZY 3:3

Ngâchhihna nata biehmeiseihpa ta châ heihsai khah sy; Na rao liata chazei la, Na palôh lôphiapa liata roh ha mah y.

BIECHHOTUHPA 8:11

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.

ISAI 12:4

Cha noh liata hetana heta nama tah aw: “Abeipa lâ alyna bie hlâ u la, A moh pado teh u; A hmotaopazy cha phopizy hry liata pahnosa u la, A moh cha cheihchalopa a châ tahpa ta phuah teh u.

ISAI 65:16

Kha hlâta nôponazy kha mypa châ ha ta, Ei mo tawhta nyupa a châ hapa vâta, Alei liata anosasyh ta byhnâ â awpa cha, Biehmeiseihpa Khazohpa ta byhnâ pie aw ta, Alei liata bietai a taopa cha, Biehmeiseihpa Khazohpa liata bietai a taopa a châ aw.”

ZEREMIAH 32:18

Sâh hluhpi chô liata kyhpachâna tleih beih leipa palâsa chi ta, pawzy paraona chhao, âmo hnôhlâ ta ama sawzy chô liata na thô tyh. Hy Khazoh rônahpa nata thatlôpa, na moh cha Pheisaihzy Abeipa châ ta,

ZEREMIAH 9:24

Chyhsa ta â palaikhei awpa khiahta cha, He deita he a palaikhei mawh sy: Kei Abeipa he nôphapa châ na ta, Adona nata siana alei chô liata a taotuhpa ei châzie, Novâhpa ta eina pahnona a palaikhei mawh sy. Cha hmozy cha ei lyna châ tlôh ta,” Abeipa ta a tah.

CHAPHÔHTUNA 3:23

Na kyhpachâna nata zawngiahna cha my chareih thieh lymâ ei ta, Na ngâchhihna a rônah ngaita.

ZÔELA 2:13

“Nama poh châ leipa ta, Nama pathipalôh hrie teh u,” Abeipa ta a tah. Abeipa nama Khazohpa lâ kua teh u, Ano cha ngiachhiena nata zawngiahna a hneipa châ ta, Nônaina nata kyhpachâna ta a biepa a châ; Chhiena patlôsa lei awpa ta A palôh a panano theipa a châ.

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

NÂHU 1:3

Abeipa cha hiehâhna kyh liata nainôsôpa châ ta, Hmotaothei ngaitapa a châ; Hmoparaopa deikua cha, Thai pachâ beih aw vei. Khisô nata thlihpipa liata a lâpi y ta, Meihdozy cha a phei doh a châ.

MALUHREINA 12:8

Ano cha pakah ta bie a chho na ta, bie nyupa y leipa ta, a siapa ta bie ei chho tyh. Abeipa pizie chhao a hmô. Cha hawhta a châ tlôh khiahta cha, khazia nâ chakaotuhpa Mawsi reipachhiepa cha nama chi vei?” tah ta.

ZAWHÂNA 1:17

Ryhpa cha Mawsi hmâpa ta piepa châ ta, ngiachhiena nata hmeiseihna deikua cha, Krista zawhzi ta a vaw ypa a châ.

RAWMA 2:4

A châ vei khiah, Khazohpa phana cha rona lâ châ chhi awpa a châpa pahno leipa ta, a phana hluhzie nata a nôphazie nata a palôh pasizie zy cha, hraoleipa hawhta ma na pachâ?

RYHPACHANEINA 32:3

Abeipa moh ei phuah aw, Eima Khazohpa cha rônahna patosa teh u!

RYHPACHANEINA 4:31

Abeipa nama Khazohpa cha zawngiah theipa Khazohpa a châ. Cha pathlua leipa aw ei ta, cha pahleipadia hra leipa aw ei ta, châ pathlatuhpazy hnohta bie â taihpa a biehrai my aw vei.

RYHPACHANEINA 5:10

kyh na pachâ ta, ei biepiepazy a zyhtuhpa sâh hluhpizy chô liata deikua cha, ngiachhiena a palâsa tyhpa ei châ.

ZÂMIE 5:11

Pachâ teh u, pasataotuhpazy cha nohlaopa tah pi ta, Zawbâ palôh pasizie kha thei ei chi ta, Abeipa hmochhuahpa chhao hmô ei chi ta, Abeipa cha ngiachhietuhpa nata zawngiahtuhpa a châpa nama hmô haw.