PUASAINA 34:27 - Mara Bible RV (BSI)

²⁷ Abeipa ta Mawsi hnohta, “He biezy he roh teh. He biezy hmâpa heta, nâ nata Izarei hnohta bie ei hraih haw,” tah ta.

PUASAINA 34:27 ပူးပေါင်းရင်းမြစ်များ

PUASAINA 17:14

Abeipa ta Mawsi hnohta, “He bie he a theih thlâh ha awpa ta, châbu liata roh la, Zawsua nah theina liata reih mah y. Amale mo he avâ ry liata ama y hra tahpa chyhsa ta ama pahno khao leina taihta ei pahleipadia khai aw ei,” tah ta.

PUASAINA 24:4

Mawsi ta Abeipa bie zydua cha roh khai ta, a mylâ my ta thyu ta, tlâh thaby liata maisâh tao ta, Izarei chi hrawh hleino moh ta lôbô miahrawh hleino bô ta.

PUASAINA 24:7

Biehrai Châbu la ta, zawpi theina liata reih ta, zawpizy ta, “Abeipa reipa zydua tao aw pi ta, eima zyh aw,” tah ei ta.

PUASAINA 34:10

Abeipa ta, “Pachâ teh, bie ei hrai hih. Na phopi hmiakô liata hmonoâhpa ei tao aw. Cha cha khizaw zydua nata kheihawhpa phopi hry lia hmahta tao beih leipa a châ. Na chô liata ei tao awpa hmo cha rarôh y ngaitapa a châpa vâta, na pahrâlâhpa phopi zydua ta Abeipa raihria ama hmô aw.

RYHPACHANEINA 31:9

Mawsi ta ryhpa cha roh ta, Abeipa Biehrai Byh a sytuhpa Livai sawchapaw theihthaipazy nata Izarei machâzy hnohta pie ta.

RYHPACHANEINA 4:13

Nama hnohta a biehrai phuah ta, zyh awpa ta bie a cha pie ei. Cha cha Biepiepa Miahrawh châ ta, Abeipa ta lôphia miano liata a ropa a châ.