PUASAINA 34:25 - Mara Bible RV (BSI)

²⁵ “Atheihna sa thisaih eina hlâ ti chi ta, viahchhâ thinô pahlaopa chhaota na vaw hlâ awpa châ leipa ta, Zawpakhô Kyhchhi atheihna chhao a mylâ taihta a y awpa châ vei.

PUASAINA 34:25 ပူးပေါင်းရင်းမြစ်များ

PUASAINA 12:10

Mydi taih khâpa hmah nama so awpa châ leipa ta, mydi taih a ypa cha mei liata nama rao khai awpa a châ.

PUASAINA 12:20

Cha daihti chhôh liata thinô pahlaopa khâpa hmah nama nie awpa châ leipa ta, nama pahrâna su zydua liata viahchhâ thinô pahlao leipa nama nie awpa a châ,” tah ta.

PUASAINA 12:8

A sa cha, cha zâ ta mei liata rao aw ei ta, viahchhâ thinô pahlao leipa nata âhna khapa a hmiepa ta ama nie aw.

PUASAINA 23:18

“Atheihna sa thisaih eina hlâ ti chi ta, viahchhâ thinô pahlaopa chhaota na hlâ awpa châ leipa ta, ei kyhchhi thaw chhao a mylâ taihta a y awpa châ vei.

PUASAINA 29:34

Chahnaona sa tlyma, viahchhâ tlyma, a mylâ taihta a laibâhpa a y khiahta cha, a laibâhpa cha mei ta na rao awpa a châ. Hmo pathaihpa a châpa vâta nie awpa châ vei.

THEIHTHAINA 2:11

“Abeipa lâta mei ta hlâpa châta thinô nata kheihtizy na rao awpa a châ leipa vâta, Abeipa hnohta na hlâ awpa niepa hlânazy cha thinô pahlaopa ta tao awpa châ vei.

THEIHTHAINA 7:15

Alyna biereina châta aryhna hlâna atheihna sa cha, a hlâ noh ta nie khai ha awpa a châ. A mylâ my taihta khâpa hmah a pahlôh awpa châ vei.

MALUHREINA 9:12

A mylâ my taihta khâpa hmah ama pahlôh awpa châ leipa ta, a rupa rai ama thlie awpa châ vei. Zawpakhô kyhchhi liata tao awpa raopa zydua hawhta ama chay awpa a châ.

MATHAI 13:33

Zisu ta pakhona bie hropa ama hnohta reih heih ta, “Vârâh khinarâh cha chanô ta thinô la ta, viahdie saikhua miathôh liata pabu ta a zydua ta a thyu khai hapa hawhta a châ,” tah ta.

RYHPACHANEINA 16:3

Atheihna sa cha viahchhâ thinô pahlaopa chhaota nama nie awpa châ vei. Izi râh tawhta a para ngaitapa ta nama kaw puapa atheithlâhna châta, noh sari chhôh viahchhâ thinô pahlao leipa, pasataona viahchhâ nama nie awpa a châ. Chatanachata Izi râh tawhta nama kaw puana noh cha, nama hro chhôh zydua ta namâ thei thlâh ha aw.

RYHPACHANEINA 16:4

Nama pahrâna râh zydua liata noh sari chhôh thinô hmô awpa a y awpa châ vei. Noh khana noh zâlâ ta namâ theihna sa cha, a kheihawhpa hmah zâ chhôh zydua nata a mylâ taihta a y awpa châ vei.