PUASAINA 34:20 - Mara Bible RV (BSI)

²⁰ Alâ a pataw tuapa cha mietakutaw ta na chatlai aw. Na chatlai khoh vei khiahta cha, a rao na thlie pachhô awpa a châ. Na sawchapaw uhtheipa zydua cha na chatlai awpa a châ. Ei hmiakô liata ahy hmahta ku ruapa ta namâ vy awpa châ vei.

PUASAINA 34:20 ပူးပေါင်းရင်းမြစ်များ

2 SAMUELA 24:24

Châhrasala abei ta Araunâ hnohta, “Châ bao va, a mâ cha pie aw na ta, a chalei tlai ta tlao ei cha chalei aw. Khâpa hmah a pahryuh leipa ta Abeipa ei Khazohpa lâta raopa hlânazy hlâ chachei ta aw va na,” tah ta. Dâvi ta sawhri hmo nata viahchao tôhpazy cha tâkâ sekel sypangawh ta chalei ta.

PUASAINA 13:10

Chavâta he bieraopa he, kô chareih a daihti liata nama chay tyh awpa a châ.

PUASAINA 13:12

chhi a pahy tuapa maih cha Abeipa châta nama panano lymâ awpa a châ. Nama sahroh a pataw tuapa a chapawpa maih cha Abeipa châta a châ aw.

PUASAINA 13:13

Alâ a pataw tuapa a chapawpa deikua cha mietakutaw ta nama chatlai awpa châ ta, nama chatlai khoh vei khiahta cha, a rao nama thlie awpa a châ. Nama sawzy hry liata sawchapaw uhtheipa maih cha nama chatlai awpa a châ.

PUASAINA 13:15

Phiraoh ta palôh lai kawpa ta eima sie awpa a pasai lei no kha, Abeipa ta Izi râh liata sawchapaw uhtheipa zydua, chyhsapa sawchapaw uhtheipa nata sahroh chapawpa a pataw tuapa maih a thie khai ha ei. Chavâta a chapawpa chhi a pahy tuapa zydua cha Abeipa lâta atheihna ta hlâ pi ta, eima sawchapaw uhtheipa zydua deikua cha eima chatlai,’ nama tah aw.

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 23:15

Viahchhâ thinô pahlao leipa kyhchhi na tao awpa châ ta, bie ei cha piepa hawhta, noh sari chhôh viahchhâ thinô pahlao leipa na nie awpa a châ. Kyhchhi cha Abi thla daihti raopa liata na tao tyh aw, cha daihti liata Izi râh tawhta na kaw puapa vâta. Ahy hmah ku ruapa ta ei hmiakô liata namâ vaw luah awpa châ vei.

MALUHREINA 18:15

Chhi a pahypa, chyhsapa chhao, sahroh chhao, Abeipa lâta ama hlâpa maih nâ eih a châ aw. Chyhsapa sawchapaw uhtheipa deikua chatlai aw chi ta, sahroh pathaih leipa a pataw tua chaipa chhao na chatlai aw.

RYHPACHANEINA 16:16

“Chapaw zydua ta Abeipa nama Khazohpa ta â tlyh awpa su liata kô kha ta ei thôh a hmiakô liata namâ luah tyh awpa a châ. Viahchhâ thinô pahlao leipa kyhchhi liata zy, hâta kyhchhi liata zy, byureih kyhchhi liata zy, Abeipa hmiakô liata ku ruapa ta namâ luah awpa châ vei.