PUASAINA 34:17 - Mara Bible RV (BSI)

¹⁷ “Thua ta leihpa nothlahpa khazohzy na tao awpa châ vei.

PUASAINA 34:17 ပူးပေါင်းရင်းမြစ်များ

1 ABEIZY 14:9

Nâ deikua cha nâma na y hlâta a vaw y tuapa chyhsa zydua hlâta hmo na parao via pachai. Khazoh hropazy nata nothlahpa leihpazy a tao chi ta, ei hie na pahâh chi ta, hnôh eina chhy ha chi.

2 THÂTIHZYRONA 28:2

Izarei beizy lâpi tlao a chhihpa ta, Bâlâ khazoh nothlah leihpazy tao ta.

PUASAINA 20:23

Keima leipa ta khazoh hropazy nama hnei awpa châ vei. Tâkâ khazohzy tlyma, ngôh khazohzy tlyma, nâmo châta nama tao awpa châ vei.

PUASAINA 20:4

“Na châta nothlahpa khazoh na tao awpa châ vei. Chô lâ avâ liatapa a lyupa tlyma, ry lâ alei liatapa a lyupa tlyma, alei ry lâta ti liatapa a lyupa tlyma, kheihawhpa nothlahpa khazoh hmah na châta na tao awpa châ vei.

PUASAINA 23:14

“Kô kha ta ei thôh kei châta kyhchhi na tao tyh awpa a châ.

PUASAINA 32:8

Ei biepiepazy thlai tleisaipa ta, viahchaotaw nothlahpa a tao ei ta, cha cha amâ chhy. Ano lâ a theih ei ta, ‘Hy Izarei, he he Izi râh tawhta châ kaw chhi papuatuhpa na khazoh a châ hih!’ ama tah,” tah ta.

ZEREMIAH 10:14

Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona a y leipa vâta, Ano taopa nothlahpazy cheingei ta, Ngôh daihtuhpa cha nozapa ta ama paysa tyh.

THEIHTHAINA 19:4

Nothlahpa khazoh lâ a heih leipa u la, thua ta leihpa nothlahpa khazohzy a tao khuh vy. Kei he Abeipa nama Khazohpa ei châ.

HMOTAOPAZY 17:29

“Khazohpa pathla eima châ tlôh khiahta cha, Khazohpa cha ngôh tlyma, tâkâ tlyma, alô tlyma, chyhsa patuapaluapa nata zôthaipa ta taopa nothlahpa hawhpa he khiah ma, tahpa ta eima pachâ awpa châ vei.

HMOTAOPAZY 19:26

Ephesi lia dei châ leipa ta, Asia râh zydua rô ta, he Pawla heta ku ta taopa khazohzy cha khazoh châ veih ei, tahpa ta chyhsa hluhpi pahnie ta, a patleisa khaipa kyh cha, nâmo chhao hmô ei chi ta, nama theipa a châ.

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 5:8

“Na châta nothlahpa khazoh na tao awpa châ vei. Chô lâ avâ liata a ypa a lyupa tlyma, ry lâ alei liata a ypa a lyupa tlyma, alei ry lâta ti liata a ypa a lyupa tlyma, kheihawhpa nothlahpa khazoh hmah na châta na tao awpa châ vei.

RYUREITUHPAZY 17:3

Mikâ ta tâkâ tlaw 1,100 cha a nô pie pakhua ta, a nô ta, “He tâkâ he nothlahpa khaipa nata nothlahpa leihpa tao nawpa ta, keima ku tawh tlai ta ei sawchapawpa châta Abeipa lâ ei hlâ. Chavâta tahmâ ei cha pie pakhua ha aw,” tah ta.