PUASAINA 34:15 - Mara Bible RV (BSI)

¹⁵ Cha râh liata a pahrâpazy hnohta biehrai tao lei awpa ta a vaih teh u. Chataleipatala ama khazohzy liata sihryhpa ta, ama khazohzy lâta amâ theih tita, cha hrua aw ei ta, amâ theihna sa nama nie pathlei aw na.

PUASAINA 34:15 ပူးပေါင်းရင်းမြစ်များ

1 THÂTIHZYRONA 5:25

Châhrasala âmo pathlatuhpazy Khazohpa chô liata ngâchhih leipa ei ta, Khazohpa ta ama hmiakô liata a pahleipadiapa, cha râh phopizy khazohzy liata ama sihryh haw.

EZRÂ 6:9

Avâ Khazohpa lâta raopa hlânazy châta viahchao tôhpazy, mietaku tôhpazy nata mietakuzy â ngiahpa zie ta pie aw ei chi ta, âtâ sâh, alôh, kresawhti nata sathaw chhao, Zerusale liata theihthaipazy ta byuh ama tahpa hawhta nama pie lymâ aw. Chazy cha pathliethlaw leipa ta, noh chareih ta pie lymâ awpa a châ.

EZRÂ 9:12

Chavâta nama sawchanôzy ama sawchapawzy pahneisa leipa u la, ama sawchanôzy nama sawcha­pawzy pahneisa hra leipa u la, âmo nata adyryhna nata ama byhnâ awna zy tlua khuh vy. Chatanachata thatlôpa ta y aw ei chi ta, râh phana nie aw ei chi ta, râh cha nama sawzy châta chhâzaw ta ama to awpa ryu ta nama paryu thei aw,’ tahpa biepiepazy eimâ heihsai haw.

HLAZY 106:28

Bâlâ-peô a chhy ei ta, Athipa lâta hlâpa atheihna sazy ama nie.

HLAZY 73:27

Pachâ teh, nâma châ hlapazy cha leidia aw ei ta, Na châta ngâchhih leipazy cha ama chhâna na patlôsa tyh.

PUASAINA 22:19

“Sahroh a ziakheipa cha thie thlyu awpa a châ.

PUASAINA 22:20

“Abeipa lâta châ leipa ta, khazoh hropa lâta atheihna a hlâpa cha, pahleipadia awpa a châ.

PUASAINA 23:32

Ama hnohta bie na hraih awpa châ leipa ta, ama khazohzy hnohta bie na hraih awpa châ hra vei.

PUASAINA 32:8

Ei biepiepazy thlai tleisaipa ta, viahchaotaw nothlahpa a tao ei ta, cha cha amâ chhy. Ano lâ a theih ei ta, ‘Hy Izarei, he he Izi râh tawhta châ kaw chhi papuatuhpa na khazoh a châ hih!’ ama tah,” tah ta.

PUASAINA 34:10

Abeipa ta, “Pachâ teh, bie ei hrai hih. Na phopi hmiakô liata hmonoâhpa ei tao aw. Cha cha khizaw zydua nata kheihawhpa phopi hry lia hmahta tao beih leipa a châ. Na chô liata ei tao awpa hmo cha rarôh y ngaitapa a châpa vâta, na pahrâlâhpa phopi zydua ta Abeipa raihria ama hmô aw.

PUASAINA 34:12

Na sie nawpa râh liata a pahrâpazy hnohta biehrai tao lei awpa ta a vaih mah y. Chataleipatala nama hry liata khoheih ama châ pathlei aw.

ZEREMIAH 3:9

Sihryhpa ta a ypa a papeisa leipa vâta, lô nata tho zy liata a pheipa ta râh a papuapalei lymâ.

HÔSIA 4:12

Ei phopi ta ama tho nothlahpa a saohiah ei ta, Ama tho chôchahrei tawhta bietapazy ama dao. Sihryhna thlahpa ta lâpi paviasa ei ta, Ama Khazohpa amâ pheisai haw.

HÔSIA 9:1

Hy Izarei, a ly leipa la, Phopi hropazy hawhta na thapha khah sy. Sihryhpa ta na Khazohpa a pheisai chi ta, Sawhrihmo to liata Âzuahnô ty na tlaichhai tyh.

THEIHTHAINA 17:7

Amâ phei tyhna mie tôhpa khazohzy lâta atheihnazy ama hlâ awpa châ khao vei. Cha cha ama chhâ zydua châta chhâzaw bieraopa a châ aw.

MALUHREINA 15:39

Chysia pai pangiasana cha moh tyh aw ei chi ta, Abeipa biepiepa zydua a theipa ta nama zyh lymâ nawpa châta châ aw ta, chatanachata nama palôh nata nama mo ta a khopa lâ sie leipa aw ei chi ta, nama sihryh tyhna lâ tlei leipa ta nama y thei aw.

MALUHREINA 25:1

Siti liata Izarei a y nota, Izarei sawzy ta Môabâ chanôzy sihryhkhei ei ta.

MALUHREINA 25:2

Chanôzy ta ama khazohzy lâta atheihna hlânazy liata Izarei sawzy cha hrua ei ta. Izarei sawzy ta atheihnazy cha niepa ta, Môabâ khazohzy lâta a bôh ei ta.

HMOTAOPAZY 15:20

Âmo lâ châ paphao sih la, nothlahpa achhyna hmo pathaih leipa niepa, apatlapa, paaosaopa nata thisaih niepa zy tao khao leipa ta bâhsai awpa ta chho ei sih la, â daihpa ta ei pahno.

1 KAWRINI 10:27

Ngiapâleipa chyhsa pakha ta pati nie cha hrua ei sala, nie awpa namâ chhuah khiahta cha, nama hmiakô liata sopa maih nie u la, nama chhie nata pha pahnona hmâh u la, bie hiahri khuh vy.

1 KAWRINI 8:10

Nâ, pahnona a hneipa chi ta, nothlahpa achhyna o liata na niepa cha, chhie nata pha pahnona chiehleipa a hneipa chyhsa ta a cha hmô khiahta cha, ano chhao nothlahpa lâta atheihna hlâpa hmozy cha nie ngâhna na pahneisapa châ aw vei ma?

1 KAWRINI 8:4

Chavâta nothlahpa lâta hmohlâpa niepa kyh liata, khizaw liata nothlahpa cha khâpa hmah a châ leizie nata Khazohpa pakha dei leipa ta cha, Khazoh hropa rai a y leizie eima pahno.

1 KAWRINI 8:7

Cha pahnona cha chyhsa zydua ta hnei veih ei. Chyhsa thokha cha nothlahpa a chhy tyhpa ama châpa vâta, nothlahpa lâ hlâ hapa hawh tlai ta pachâpa ta nie ei ta, ama chhie nata pha pahnona a thatlô leipa vâta, pathaih leipa hawhta pachâpa ama a châ.

RYHPACHANEINA 31:16

Abeipa ta Mawsi hnohta, “Pachâ teh, châ pathlatuhpazy hnohta nâ mô nawpa daihti â hnia haw. He phopi he thyu aw ei ta, pahrâ awpa ta ama pangaipa râh liata chihropa khazohzy liata amâ phei aw. Na pathlua aw ei ta, ama hnohta ei hraipa ei biehrai ama parao aw.

RYHPACHANEINA 31:18

Khazoh hropazy lâ a heih ei ta hmo pha leipa ama taopa zydua vâta, cha noh liata ei hmia ei nyu tlai aw.

RYHPACHANEINA 32:37

Abeipa ta, ‘Ama khazohzy khataih lia ama y haw, Amâ chhaina lôpanô khataih lia a y haw?

RYHPACHANEINA 32:38

Amâ theihna thaw nie ei ta, Ama dopa hlâna kresawhti a doh tyhpazy kha, Khataih lia ama y haw? Vaw thyupa ta cha bao ei sala, Châ pabohsa bao ei sa!

RYHPACHANEINA 7:2

Abeipa nama Khazohpa ta âmo cha nama ku liata cha piepa ta nama pahnie tita, tlokhuh nama pahleipadia khai awpa a châ. Âmo nata biehrai nama tao awpa châ leipa ta, nama ngiachhie awpa châ hra vei.

RYHPACHANEINA 7:3

Âmo nata a hnei pahlao awpa châ leipa ta, ama sawchapawzy châta nama sawchanôzy nama pie awpa châ leipa ta, nama sawchapawzy châta ama sawchanôzy nama hia awpa châ vei.

ZAWSUA 23:12

Hnôh lâ a heihpa ta, phopi laibâhpa nama hry liata a pahrâpazy a zaokhipa ta, a hnei pahlao u la, nama o cha kiah ei sala, ama o nama kiah khiahta cha,

BIEPHUAH 2:20

Châhrasala pasina ei cha hnei, Zezebel ama tahpa, anosasyh ta hrohsonô ta â reihpa chanô na chhyh thaipa vâta. Ano cha sihryh awpa nata nothlahpa atheihna pati nie awpa ta nâ chakaotuhpazy pachu ta, a no leipa lâta a paviasa tyhpa a châ.

RYUREITUHPAZY 2:17

Chatanachôta ama ryureituhpazy bie nathlie khoh leipa ei ta, khazoh hropazy liata a phei ei ta, khazoh hropazy a chhy ei ta, ama pathlatuhpazy ta Abeipa biepiepazy zyhpa ta a lâpi amâ chhih tyhpa cha thlai ta tleisai ei ta, tao khao veih ei.

RYUREITUHPAZY 3:6

Ama sawchanôzy lapinô ta hnei ei ta, âmo sawchanôzy chhao ama sawchapawzy pie ei ta, ama khazohzy ama chakao.