PUASAINA 34:14 - Mara Bible RV (BSI)

¹⁴ Khazoh hropa rai namâ chhy awpa châ vei. Abeipa cha a moh Hiatlia châ ta, a hiatlia pasa kawpa Khazohpa a châ.

PUASAINA 34:14 ပူးပေါင်းရင်းမြစ်များ

1 ABEIZY 14:15

Ti liata lohthi a chalyu ngâpa hawhta, Abeipa ta Izarei cha vaw chalyu aw ta, Aseri tôhzy taopa ta Abeipa hie ama pahâhpa vâta, âmo pathlatuhpazy hnohta a piepa râh phapa tawhna heta Izarei cha phia aw ta, Ufrâti chavah khô lâ a hiepatla ha aw ei.

1 ABEIZY 19:10

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

PUASAINA 33:19

Abeipa ta, “Ei phana zydua na hmiakô liata vaw pasiesa aw na ta, ei moh Zehôvâh cha na hmiakô liata ei phuah aw. Ei ngiachhie awpa chyhsa cha ngiachhie aw na ta, zawh ei ngiah awpa chyhsa cha zawh ei ngiah aw,” tah ta.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

EZEKIA 23:25

Ei hiatliana na chô liata patlôsa aw na ta, hiehâh ngaitapa ta na chô liata hmo ama tao aw. Na hnapasuzy nata na nakhaohzy chhawh pathlah aw ei ta, a laibâhpazy zaozi ta ama pao aw. Na sawchapawzy nata na sawchanôzy cha lapa aw ei ta, a laibâhpazy cha mei ta a kâsao aw ei.

NÂHU 1:2

Abeipa cha hiatlia a pasapa Khazohpa châ ta, Phuh a lapa Khazohpa a châ; Abeipa cha phuh lana nata pathiiana ta a biepa châ ta, Abeipa cha a khakhaipazy chô liata phuh la ta, A chariahpazy châta pathiiana a pachôtuhpa a châ.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?

RYHPACHANEINA 29:20

Ano cha Abeipa ta a ngiahthai khoh leipa aw ta, Abeipa hiehâhna nata hiatliana ta a khu aw. He châbu liata ropa chhiesana zydua he a chô liata tla thlu aw ta, Abeipa ta avâ ry tawhta a moh a pahlei aw.

RYHPACHANEINA 32:16

Chihropa khazohzy ta a hia patliasa ei ta, Pasichhihpazy taopa ta a hie ama pahâh.

RYHPACHANEINA 32:21

Khazoh a châ leipa ta ei hia na patliasa ei ta, Ama nothlahpazy ta ei hie eina pahâh ei. Chavâta phopi ta rei khi a tloh leipa chô liata Ama hia patliasa aw na ta, Râh hrupa hmâpa ta ama hie ei pahâh aw.

RYHPACHANEINA 4:24

Abeipa nama Khazohpa cha a kâ patlô theipa mei châ ta, hiatlia a pasapa Khazohpa châ tlôh ta.

RYHPACHANEINA 5:24

‘Abeipa eima Khazohpa ta a rônahzie nata a zachhihzie miah pahmôsa ta, mei hry tawhta a ao eima thei. Khazohpa ta chyhsapa bie a chho ta, a hroh thlâh hapa tanoh eima hmô haw.

RYHPACHANEINA 5:7

“Keima leipa ta khazoh hropazy na hnei awpa châ vei.

RYHPACHANEINA 6:15

Nama hnohta a ypa Abeipa nama Khazohpa cha hiatlia pasapa Khazohpa a châ. Nama chô liata Abeipa nama Khazohpa a pathi ia aw ta, alei chô tawhta a cha pahleipadia pathlei aw ei.

ZAWSUA 24:19

Châhrasala Zawsua ta zawpi hnohta, “Abeipa chakao thei aw veih ei chi. Ano cha Khazoh pathaihpa châ ta, hiatlia a pasapa Khazohpa a châ. Nama paraonazy nata nama moleinazy a ngiahthai aw vei.

RYUREITUHPAZY 6:10

Nama hnohta, ‘Kei he Abeipa nama Khazohpa ei châ. Ama râh nama pahrâpa liata Amawri mo khazohzy nama chi awpa châ vei,’ cha tah ei na ta. Châhrasala ei ao nathlie veih ei chi,” tah ta.