PUASAINA 34:10 - Mara Bible RV (BSI)

¹⁰ Abeipa ta, “Pachâ teh, bie ei hrai hih. Na phopi hmiakô liata hmonoâhpa ei tao aw. Cha cha khizaw zydua nata kheihawhpa phopi hry lia hmahta tao beih leipa a châ. Na chô liata ei tao awpa hmo cha rarôh y ngaitapa a châpa vâta, na pahrâlâhpa phopi zydua ta Abeipa raihria ama hmô aw.

PUASAINA 34:10 ပူးပေါင်းရင်းမြစ်များ

2 SAMUELA 7:23

Na phopi Izarei hawhpa he alei chô liata khâpa phopi ma a y? Khazohpa ta a moh rônah nawpa ta phopi miakha a tlyh ta, ano phopi ta tao awpa ta, sie ta a kei chatlaipa phopi ahy ma a y? Na phopi châ awpa ta Izi tawhta na chatlaipa, ama châta hmo rônahpa nata rarôh ypa taopa ta, ama hmiakô tawhta phopi nata a khazohzy na papuapa phopi ahy ma a y?

HLAZY 106:22

Hamâ râh liata hmonoâhpazy a taotuhpa my ei ta, Tilaipi Saihpa kiah liata hmo rarôh ypazy taotuhpa kha ama my haw.

HLAZY 136:4

Hmonoâh rônahpazy taotuhpa a y chhôhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 145:6

Na hmotaopa thatlôzie nata rarôh yzie reih aw ei ta, Kei chhao ta na rônahzie ei phuah aw.

HLAZY 147:20

Kheihawhpa phopi chô liata hmahta cha hawhta tao beih vei; Chavâta a ryhpazy pahno veih ei. Abeipa cha reithai teh u!

HLAZY 65:5

Hy eima pachhana Khazohpa y, Hmo rônahpa taopa ta siana ta miah a chhy chi ta; Nâ cha khizaw kaokih hnabeiseihna châ chi ta, Tilaipi a hla chaipazy hnabeiseihna chhao na châ.

HLAZY 66:3

Khazohpa hnohta, “Na hmotaopazy noâh a chhih ta, Na hmotaotheina a rônah kaw dia! Chavâta na chariahpazy a bôhpa ta nâ lâ amâ vy.

HLAZY 66:5

A vy u la, Khazohpa hmotaopazy he moh teh u: Chyhsa sawzy chô liata a hmotaopa he, Noâh â chhih kaw dia!

HLAZY 68:35

Hy Khazohpa, na supathaihpa liata chizapa châ chi ta, A phopi hnohta hmotaotheina nata thatlôna a piepa, Izarei Khazohpa na châ. Khazohpa cha reithaipa ta y mawh sy!

HLAZY 72:18

Abeipa, Izarei Khazohpa cha, Reithaipa ta y mawh sy; Ano deita he hmonoâhpazy taotuhpa a châ.

HLAZY 76:12

Ano cha ryureituhpazy thlahpa a chhawh pathlah theipa châ ta, Lei beizy ta ama chi awpa a châ.

HLAZY 77:14

Nâ cha hmonoâhpa a taotuhpa Khazohpa châ chi ta, Phopizy hry liata na thatlôna na palâsa haw.

HLAZY 78:12

Ama pathlatuhpazy mohmô ta hmonoâhpazy tao ta, Izi râh Zônâ lyuzy liata hmonoâhpazy a taopa ei.

PUASAINA 34:27

Abeipa ta Mawsi hnohta, “He biezy he roh teh. He biezy hmâpa heta, nâ nata Izarei hnohta bie ei hraih haw,” tah ta.

PUASAINA 34:28

Mawsi cha, cha liata Abeipa hnohta noh sypalih nata zâ sypalih y ta, pati rai nie leipa ta, ti chhao doh vei. Chatanachata Abeipa ta Biepiepa Miahrawh biehrai biezy cha lôphiazy liata roh ta.

ISAI 64:3

Eima hnabeiseih leipa hmo rarôh ypazy na tao no kha, Za chô chi ta, Na hmiakô liata tlâhpizy amâ chalyu ngâpa kha.

ZEREMIAH 32:21

Na phopi Izarei he, ngianazy nata hmonoâhpazy chhaota Izi râh tawhta a chhi papua chi ta, ku thatlôpa nata bâh pazawhpa ta, rarôh y ngaitapa ta a kaw chhi papuapa ta,

MIKÂ 7:15

Izi râh tawhta na kaw puana nohzy hawhna khata, Hmo noâhpazy ei pahmô aw ei.

RYHPACHANEINA 10:21

Abeipa cha nama reithai awpa a châ. Ano cha nama Khazohpa châ ta, he hmo ronahpa nata rarôh ypa, nama mo ta a hmôpazy a taotuhpa a châ.

RYHPACHANEINA 32:30

Kheihta ma pakha ta sâh kha a chadai thei aw ta, Pano ta thy kha ama parâpaisa thei aw? Ama Lôpanô ta âmo cha zuah ha ta, Abeipa ta a uasa khao leipa vâ ei ta châ vei ma?

RYHPACHANEINA 4:13

Nama hnohta a biehrai phuah ta, zyh awpa ta bie a cha pie ei. Cha cha Biepiepa Miahrawh châ ta, Abeipa ta lôphia miano liata a ropa a châ.

RYHPACHANEINA 9:19

Abeipa cha nama chô liata thata a hiehâh ta, cha pahleipadia khai awpa taihta a khohpa vâta, Abeipa hiehâhna nata pathiiana cha chi na ta. Châhrasala kha daihti liana chhao khata Abeipa ta ei bie nathlie ta.

ZAWSUA 6:20

Chiahmie pyu a paro nahta, zawpizy cha awh ei ta. Chiahmie pyu ama theipata nahta, zawpizy cha thata awh ei ta, chatanachata thokhy cha cho ta, a phia ta alei liata a pao haw. Chatawhcha zawpizy cha âmo dady chyu ta Khihpi chhôh lâ a ngia ei ta, khihpi cha la ei ta.