PUASAINA 34:1 - Mara Bible RV (BSI)

¹ Abeipa ta Mawsi hnohta, “Lôphia hmiatuapazy hawhpa kha miano khai heih la, cha lôphiazy liana chata lôphia hmiatuapa na pakei hapazy liata biezy kha ei roh heih aw.

PUASAINA 34:1 ပူးပေါင်းရင်းမြစ်များ

HLAZY 119:89

Hy Abeipa, na bie cha chhâzaw ta y ta, Vârâh liata â i ngaitapa ta â duah thlâh haw.

PUASAINA 24:12

Abeipa ta Mawsi hnohta, “Tlâh lâ a khy la, cha liata na vaw hâ mah y. Chatanachata zawpizy na pachu awpa lôphiapa liata ryhpa nata biepiepa ei ropazy ei cha pie aw,” tah ta.

PUASAINA 31:18

Khazohpa ta Mawsi cha Sinai Tlâh liata bie â chho khai nahta, Khazohpa kudy ta ropa biehrai lôphia mianozy cha Mawsi hnohta pie ta.

PUASAINA 32:16

Lôphiazy cha Khazohpa taopa châ ta, bieropazy chhao Khazohpa ropa châ ta, lôphiazy liata khiepa ta ropa a châ.

PUASAINA 32:19

Mawsi cha riehmo kiapâh a kei tlô nahta, viahchaotaw nothlahpa nata ama lâpazy hmô ta. Mawsi cha a hiehâh ngaita ta, a ku liata lôphiazy cha tlâh thaby liata thy ta, kei khai ha ta.

PUASAINA 34:28

Mawsi cha, cha liata Abeipa hnohta noh sypalih nata zâ sypalih y ta, pati rai nie leipa ta, ti chhao doh vei. Chatanachata Abeipa ta Biepiepa Miahrawh biehrai biezy cha lôphiazy liata roh ta.

PUASAINA 34:4

Chatanachata Mawsi ta hmiatuapa hawhta lôphia miano khai ta, mydi kari ta thyu ta, Abeipa ta bie a piepa hawhta Sinai tlâh lâ khy ta, lôphia mianozy cha a ku ta chaba ta.

ZEREMIAH 36:32

Chatawhcha Zeremiah ta châbu hropa la ta, Neriah sawchapawpa chârohtuhpa Bâruka cha pie ta. Zudâh bei Zehôki ta mei ta a rao hapa châbu bie zydua kha, Zeremiah ta a pakah ta Bâruka chho ta, Bâruka ta roh heih ta. Cha biezy a lyupa bie hropa hluhpi chhao baichhapa a châ.

RYHPACHANEINA 4:13

Nama hnohta a biehrai phuah ta, zyh awpa ta bie a cha pie ei. Cha cha Biepiepa Miahrawh châ ta, Abeipa ta lôphia miano liata a ropa a châ.