PUASAINA 33:9 - Mara Bible RV (BSI)

⁹ Mawsi ta poh o chhôh lâ â ngiapata nahta, meihdo tôh thlai za chô ta, poh o chhikao liata a vaw duah ta, Abeipa ta Mawsi cha bie â vaw chho tyh.

PUASAINA 33:9 ပူးပေါင်းရင်းမြစ်များ

ÂTHAONA 17:22

A hnohta bie a reipa a patlô nahta, Khazohpa ta Abarahâ cha khysai ha ta.

ÂTHAONA 18:33

Abeipa cha Abarahâ hnohta bie a rei khai nahta, sie ha ta, Abarahâ chhao a yna su lâ â di haw.

HLAZY 99:7

Meih tôh liata ama hnohta bie reih ta, A ryhpa biezy zyh ei ta, Bieraopa a piepazy ama zyh.

PUASAINA 25:22

Cha liata châ tyh tyh aw na ta, Izarei sawzy hnohta bie ei pie awpa zydua cha, biehrai byh chô liata zawngiahna dyuchhai liata cherubi mianozy likawh tawhna chata ei cha chho tyh aw.

PUASAINA 31:18

Khazohpa ta Mawsi cha Sinai Tlâh liata bie â chho khai nahta, Khazohpa kudy ta ropa biehrai lôphia mianozy cha Mawsi hnohta pie ta.

PUASAINA 33:10

Pôh o chhikao liata meihdo tôh a duahpa cha zawpi zydua ta ama hmô nahta, zawpi zydua cha thyu ei ta, ama poh o chhikao chyu liata amâ chhy tyh.

PUASAINA 33:11

Cha hawhna chata, chyhsa ta a viasa bie â chhopa hawhta, Abeipa ta Mawsi cha hmiadaisâ ta bie â chho tyh. Cha khai tawhta Mawsi cha riehmo lâ a lie tyh ta, a chakaotuhpa thyutliapa Nunâ sawchapawpa Zawsua deikua cha poh o puasai beih vei.

PUASAINA 33:8

Mawsi ta poh o lâ a vaw nahta, zawpi zydua thyu ei ta, ama poh o chhikao chyu liata a duah ei ta, poh o chhôh lâ â ngia hlâlei Mawsi cha ama sai thlâh ha tyh.

PUASAINA 34:3

Na hnohta pakha hmah amâ khy awpa châ leipa ta, tlâh zydua liata chyhsa pakha hmah ama y awpa châ vei. Mietaku zawzy nata viahchao hrizy chhao tlâh dady liata ama lao ama bâ awpa châ hra vei,” tah ta.

PUASAINA 34:5

Abeipa cha meihdo hry liata a zu ta, Mawsi kiapâh liata a vaw duah ta, a moh cha Abeipa a châ tahpa ta phuah ta.

PUASAINA 34:9

Mawsi ta, “Tahmâ na modypa ei châ khiahta cha, Hy Abeipa, ngiachhiepa ta Abeipa cha eima hnohta sie hra mawh sy. Phopi chhorupa châ hrei sih la, eima paraona nata eima moleinazy miah a ngiahthai la, na ryuto châta miah hnei mah y,” tah ta.

EZEKIA 3:22

Cha su liata Abeipa ku cha ei chô liata y ta, “Thyu la, saikao by lâ sie teh. Cha liata bie ei châ chho aw,” na tah ta.

MALUHREINA 11:17

Za chô aw na ta, cha liata bie ei châ vaw chho aw. Nâ liata thlahpa a ypa kha la aw na ta, ama chô liata ei soh aw. Chatanachata zawpi phaohri cha, cha phaokhei aw ei ta, nâ dei ta phaoh khao aw va chi.

MALUHREINA 7:89

Mawsi cha Abeipa bie a chho awpa ta ahmaohna poh o chhôh lâ â ngia nahta, Biehrai Byh chô liata a ypa zawngiahna dyuchhai chô lâta cherubi miano likawh tawhta ano bie a vaw chhopa ao thei ta. Abeipa ta Mawsi cha bie a chho ta.

RYHPACHANEINA 31:14

Abeipa ta Mawsi hnohta, “Pachâ teh, na thi daihti â hnia haw. Zawsua aw la, ahmaohna poh o liata a vy teh u, a hnohta biehneina ei pie aw,” tah ta. Mawsi nata Zawsua cha vawh ei ta, ahmaohna poh o liata kei y ei ta.

RYHPACHANEINA 31:15

Abeipa cha poh o liata meihdo tôh ta a zâ luah ta, meihdo tôh cha poh o chhikao luh chô liata a duah ta.