PUASAINA 33:5 - Mara Bible RV (BSI)

⁵ A chhâpa cha, Abeipa ta Mawsi hnohta, “Izarei sawzy chho teh, ‘Phopi chhoru ngaitapa nama châ. Chavâta nama hnohta buakhata chhao ei sie hra khiahta cha, ei cha pahleipadia khai thlâh ha aw ei. Tahmâ nama sôhthihzy kha pahluh khai teh u, chatanachata nama chô liata ei tao awpa ei pahno aw,’” a vaw tah hapa vâta a châ.

PUASAINA 33:5 ပူးပေါင်းရင်းမြစ်များ

ÂTHAONA 18:21

Chavâta ama moleina thâtih ei hnohta vaw tlôpazy he ama tao tlai ma tahpa moh awpa ta ei zu aw. Ama tao leipa khiahta cha, ei pahno aw,” tah ta.

ÂTHAONA 22:12

Ano ta, “Hawtipa chô liata na ku pathla leipa la, kheihta hmah a chô liata tao khah y. Na sawchapawpa, na sawchapaw matlupa tlai chhao na pie awpa na thlyu leipa ei hmôpa ta, Khazohpa na chi tahpa tahmâ ei pahno haw,” tah ta.

ZAWBÂ 34:20

Eikhapi ta thi ei ta, Zâcho ta a chalyu ei ta chyhsazy ama khô; Thatlôpazy chhao lapa ama châ, Chyhsa ku ta deikua châ vei.

HLAZY 139:23

Hy Khazohpa, na moh pasia la, Ei palôh pahno mah y! Na pasia la, Ei pachânazy pahno mah y!

HLAZY 73:19

Kheihtazie ta ma sôkha ta pahleipadiapa châ ei ta, Hmo chichhihpazy ta a phaoh pathlah thlâh ha ei tly!

PUASAINA 32:9

Abeipa ta Mawsi hnohta, “He phopi he moh thlâh ha ei na ta, phopi chhoru ngaitapa ama châ.

PUASAINA 33:6

Chavâta Izarei sawzy ta ama sôhthihzy cha Hôribâ tlâh liata ama pahluh khai haw.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 48:4

Chhorupa châ ei chi ta, Nama rao cha thua thari châ ta, Nama khizy cha dawh a châpa ei pahnopa vâta,

CHAPHÔHTUNA 4:6

Ei phopi sawchanô paraona cha, Sawdawmâ moleina hlâta a ru via; Sawdawmâ cha ku ta hria byuh leipa ta, Movi hlâta paraopa a châ hapa kha.

ZÔELA 2:12

“Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

MALUHREINA 16:21

“Kha zawpi hry tawhna khata a panano teh u, âmo kha thlai ei pahleipadia aw ei,” tah ta.

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.