PUASAINA 33:3 - Mara Bible RV (BSI)

³ Sâhpiti nata kheihti lona râh lâ cha khy teh u. Kei deikua cha, nama hnohta a khy hra aw va na. Chataleipatala phopi chhoru ngaitapa châ ei chi ta, lâpi liata ei cha pahleipadia pathlei aw ei na,” tah ta.

PUASAINA 33:3 ပူးပေါင်းရင်းမြစ်များ

2 ABEIZY 17:14

Châhrasala a pyh khoh hlei veih ei. Abeipa ama Khazohpa a ngâ khoh leipa ama pathlatuhpazy ta kuhchhapa ta ama ypa hawhta, kuhchhapa ta ama y hra.

HLAZY 78:8

Âmo pathlatuhpazy hawhta, Chhorupa nata dyuhtuhpa châ leipa aw ei ta, Palôh a i leipa chhâ lyu leipa aw ei ta, Khazohpa châta thlahpa ngâchhih leipa hawhpazy châ aw veih ei.

PUASAINA 13:5

Abeipa ta nâmo cha pie awpa ta châ pathlatuhpazy hnohta bie â vaw taihpa Kâna mo, Hiti mo, Amawri mo, Hivi mo nata Zebu mozy pahrâna râh, sâhpiti nata kheihti lona râh a cha tlôkhei ti ei ta, he thla liana heta, he chakaona he nama hmâ tyh awpa a châ.

PUASAINA 23:21

Na nah pachôhpa ta, a bie nathlie la, ano cha chakhia khah y. Ei moh ano liata y tlôh ta, chavâta nama paraonazy a ngiahthai aw vei.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

PUASAINA 32:14

Chatanachata Abeipa cha a palôh panano ta, a phopi chô liata chhiena patlôsa awpa bie a reipa cha a pathleih haw.

PUASAINA 33:5

A chhâpa cha, Abeipa ta Mawsi hnohta, “Izarei sawzy chho teh, ‘Phopi chhoru ngaitapa nama châ. Chavâta nama hnohta buakhata chhao ei sie hra khiahta cha, ei cha pahleipadia khai thlâh ha aw ei. Tahmâ nama sôhthihzy kha pahluh khai teh u, chatanachata nama chô liata ei tao awpa ei pahno aw,’” a vaw tah hapa vâta a châ.

PUASAINA 34:9

Mawsi ta, “Tahmâ na modypa ei châ khiahta cha, Hy Abeipa, ngiachhiepa ta Abeipa cha eima hnohta sie hra mawh sy. Phopi chhorupa châ hrei sih la, eima paraona nata eima moleinazy miah a ngiahthai la, na ryuto châta miah hnei mah y,” tah ta.

ISAI 48:4

Chhorupa châ ei chi ta, Nama rao cha thua thari châ ta, Nama khizy cha dawh a châpa ei pahnopa vâta,

ZEREMIAH 11:5

Châ pathlatuhpazy hnohta sâhpiti nata kheihti lona râh pie awpa ta bie ei taihpa kha, tanoh ta nama hmôpa hawhna heta, ei pa-i aw,’” tah ta. Kei ta, “Cha ta sy, Abeipa,” tah na ta.

EZEKIA 20:6

Izi râh tawhta a chhi papuapa ta, âmo châta râh ei tlua papuapa, sâhpiti nata kheihti lona râh, râh zydua hry liata râh ngia chaipa lâ a ngiakhei awpa ei ta, ku chaluahpa ta, cha noh liata bie ei taih ei.

THEIHTHAINA 20:24

Nâmo hnohta deikua cha, ‘Ama râh, sâhpiti nata kheihti lona râh cha, ryu ta to aw ei chi ta, nama hnei awpa ta ei cha pie aw ei,’ tahpa ta bie ei châ taih ei. Kei he Abeipa nama Khazohpa, phopizy hry tawhta nâmo châ pananotuhpa ei châ.

ZAWNA 3:10

Khazohpa ta ama hmotaopa cha hmô ta, ama moleina lâpi amâ heihsaipa a hmô nahta, ama chô liata tao awpa ta a reipa chhiena cha patlôsa khao lei awpa ta a palôh panano ta, tao khao vei.

ZAWNA 3:4

Zawna ta khihpi cha a ngia pathao ta, noh kha lâsie a chahryh tawhta, “Noh sypalih hlâta Ninivâ he pahleipadiapa a châ aw,” tahpa ta awh ta.

MALUHREINA 13:27

Mawsi hnohta, “Miah na tuana râh cha tlô pi ta, sâhpiti nata kheihti lona râh a vaw châ tlai. He he a râh liata theilâpa a châ.

MALUHREINA 14:12

Hri ta hrie aw ei na ta, ei pamua aw ei; chatanachata nâma liana heta âmo hlâta rônah viapa nata thatlô viapa phopi ei padua aw,” tah ta.

MALUHREINA 14:8

Eima chô liata Abeipa â ly khiahta cha, cha râh lâ cha miah a chhi aw ta, miah a pie aw, sâhpiti nata kheihti lona râh cha.

MALUHREINA 16:13

Râhchawhpa liata miah thie awpa ta, sâhpiti nata kheihti lona râh tawhta miah na kaw puakheipa he hmo chyhpa ma a châ? Tahmâ eima chô liata bei ta nâ tao heih.

MALUHREINA 16:21

“Kha zawpi hry tawhna khata a panano teh u, âmo kha thlai ei pahleipadia aw ei,” tah ta.

MALUHREINA 16:45

“Zawpizy he thlai ei pahleipadia aw ei. Chavâta ama hry tawhta a hnei teh u,” tah ta. Chatawhcha Mawsi nata Arawna cha â khu lâta pao ei ta.

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

RYHPACHANEINA 4:24

Abeipa nama Khazohpa cha a kâ patlô theipa mei châ ta, hiatlia a pasapa Khazohpa châ tlôh ta.

ZAWSUA 5:6

Izarei sawzy ta Abeipa ao ama nathlie khoh leipa vâta, ama pathlatuhpazy hnohta pie awpa ta Abeipa ta bie â taihpa sâhpiti nata kheihti lona râh pahmôsa lei awpa ta Abeipa ta ama hnohta bie â taih haw. Chatanachata Izi râh tawhta a kaw puapa, chariah a dyuhpa Izarei phopi chapaw zydua ama leidia khai hlâlei, Izarei sawzy cha râhchawhpa liata kô sypalih chhôh ama viavi.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.