PUASAINA 33:20 - Mara Bible RV (BSI)

²⁰ Abeipa ta, “Chyhsa ta eina hmô khiahta cha a hroh lei awpa vâta, ei hmia cha hmô thei aw va chi,” tah ta.

PUASAINA 33:20 ပူးပေါင်းရင်းမြစ်များ

ÂTHAONA 32:30

Zakaw ta, “Khazohpa cha hmiachhypa ta hmô na ta, chatanachôta ei hrona pahlôhpa ta a y,” tah ta, cha su moh cha Penia a bi.

PUASAINA 24:10

Izarei Khazohpa cha hmô ei ta. A phei ry cha saphai lôsôhpa paryhpa hawhta châ ta, a pathaihzie cha avâ pathaihpa hawhta pathaih ta.

PUASAINA 24:9

Chatawhcha Mawsi nata Arawna, Nâdâ, Abihu nata Izarei machâ sysarizy cha khy ei ta,

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

PUASAINA 33:18

Mawsi ta, “Ngiachhiepa ta na rônahna na pahmô mah y,” tah ta.

PUASAINA 33:23

Ei ku cha la heih aw na ta, ei hnôhky hmô aw chi ta, ei hmia deikua hmô aw va chi,” tah ta.

ISAI 6:5

Chatawhcha kei ta, “Ei hu a po kaw dia! Ei leidia haw. Hmao pathaih leipa chyhsa châ na ta, hmao pathaih leipa phopi hry liata ei pahrâ. Ei mo ta Abeipa, Pheisaihzy Abeipa a hmô ha khaw!” tah na ta.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

RYHPACHANEINA 5:24

‘Abeipa eima Khazohpa ta a rônahzie nata a zachhihzie miah pahmôsa ta, mei hry tawhta a ao eima thei. Khazohpa ta chyhsapa bie a chho ta, a hroh thlâh hapa tanoh eima hmô haw.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

HEBRAI 1:13

Vâlyuhchâpa ahy hnohta hmah, “Na chariahzy na phei tlyna ta ei tao hlâlei cha, Ei chachâh lâta a tyuh mah y,” tah beih hra vei.

RYUREITUHPAZY 13:22

Manôah ta a lapinô hnohta, “Khazohpa hmô ha pi ta, eima thi tlai aw,” tah ta.

RYUREITUHPAZY 6:22

Kidia ta Abeipa vâlyuhchâpa a châ tahpa pahno ha ta. Kidia ta, “Cha rimâ cha, Hy Abeipa Zehôvâh! Hmiachhypa ta Abeipa vâlyuhchâpa ei hmô ha he zaw,” tah ta.