PUASAINA 33:13 - Mara Bible RV (BSI)

¹³ Na mo ei dy khiahta cha, ngiachhiepa ta na lâpizy na pahmô mah y. Chatanachata cha pahno aw na ta, na modypa ta ei y lymâ thei aw. He phopi he na phopi ama châpa rie a thei mah y,” tah ta.

PUASAINA 33:13 ပူးပေါင်းရင်းမြစ်များ

2 SAMUELA 15:25

Abei ta Zadô hnohta, “Khazohpa Byh kha khihpi chhôh lâ a sy pakhua teh u. Abeipa modypa ta ei y khiahta cha, nâ vaw chhi pakhua heih aw ta, Kha­zohpa Byh nata a pahrâna cha eina pahmôsa heih aw.

HLAZY 103:7

Mawsi hnohta a lâpizy pahnosa ta, Izarei sawzy hnohta a hmotaopazy a pahnosa.

HLAZY 119:33

Hy Abeipa, na bieraopazy lâpi na pachu la, Achhâna taihta ei chhih aw.

HLAZY 25:4

Hy Abeipa, na lâpizy na pahnosa la, Na lâthlôhzy na pachu mah y.

HLAZY 27:11

Hy Abeipa, ei chariahpazy vâna heta, Na lâpi na pachu la, Lâthlôh a raihpa liata nâ chhi mah y.

HLAZY 51:13

Chatanachata paraotuhpazy na lâpi pachu aw ei na ta, Moleipazy nâ lâ ama vaw kua aw.

HLAZY 86:11

Hy Abeipa, na biehmeiseihpa liata ei y thei nawpa ta, Na lâpi na pachu la; Na moh ei chi thei nawpa ta, Palôh a ipa na pie mah y.

PUASAINA 3:10

Chavâta tahmâ a vy teh, ei phopi Izarei sawzy Izi tawhta a chhi papua awpa ta Phiraoh lâ ei cha tuah aw,” tah ta.

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

PUASAINA 32:12

Izi mo ta, ‘Izarei sawzy cha tlâhzy liata thie ta, alei chô tawhta âmo pamuapa ta, ama chô liata chhiena patlôsa awpa ta, Khazohpa ta â chhi papua ei,’ ama cha tah aw mâh tâh? Na hiehâhna ru ngaitapa cha padia la, na palôh panano la, na phopi chô liata chhiena patlôsa nâ chhuahpa cha, rie patlôsa khah y.

PUASAINA 32:14

Chatanachata Abeipa cha a palôh panano ta, a phopi chô liata chhiena patlôsa awpa bie a reipa cha a pathleih haw.

PUASAINA 32:7

Abeipa ta Mawsi hnohta, “Zu teh, na phopi Izi râh tawhta nâ kaw chhi papuapazy âmosasyh ta amâ parao ha khuh.

PUASAINA 34:9

Mawsi ta, “Tahmâ na modypa ei châ khiahta cha, Hy Abeipa, ngiachhiepa ta Abeipa cha eima hnohta sie hra mawh sy. Phopi chhorupa châ hrei sih la, eima paraona nata eima moleinazy miah a ngiahthai la, na ryuto châta miah hnei mah y,” tah ta.

PUASAINA 5:1

Cha khai tawhta, Mawsi nata Arawna cha vawh ei ta, Phiraoh hnohta, “Zehôvâh, Izarei Khazohpa ta, ‘Râhchawhpa liata ei châta kyhchhi ama tao thei nawpa ta, ei phopi pasiesa teh,’ a cha tah,” tah ei ta.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

ISAI 63:17

Hy Abeipa, khazia na lâpizy tawhta miah paviasa chi ta, Eima cha chi lei nawpa ta, Eima palôh kuh na pachhasa tly? Châ chakaotuhpazy vâna heta vaw kua heih la, Na ryuto na chiphozy vâna heta vaw kua heih mah y.

ISAI 63:19

Ama chô liata ryu na rei beih leipazy hawhta châ ha pi ta, Na moh a phaoh leipazy hawhta eima châ ha hih.”

ZÔELA 2:17

Abeipa chakaotuhpa theihthaipazy cha, Aikah nata maisâh likawh liata cha ei sala, Hetana heta cha mawh ei sy: “Hy Abeipa, na phopi he pahlôh la, Na ryutozy he pahneiparâsao awpa pasaih leipa la, Phopizy châta pakhona bie châ awpa pasaih khah y. Khazia phopizy hry liata, ‘Ama Khazohpa cha, Khataih liata a y haw?’ Ama tah aw?”

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

RAWMA 11:28

Thâtihpha kyh liata la, nâmo vâta khakhaipa châ ei ta, atlyhna kyh liata deikua cha, pathlatuhpazy vâta kyhpachâpazy ama châ.

EPHESI 1:17

Krista nama pahno pasia thei nawpa ta, eima Beipa Zisu Krista Khazohpa, rônahna Paw ta sona nata aluahna Thlahpa a cha pie awpa ei ta thlah ei cha chhâpa ei.

RYHPACHANEINA 9:26

Abeipa lâ thlahchhâ na ta, a hnohta, ‘Hy Abeipa Zehôvâh, na rônahna ta na pachhapa, Izi râh tawhta ku thatlôpa ta nâ kaw chhi papuapa na phopi nata na ryutozy he rie pahleipadia khah y.

RYHPACHANEINA 9:29

Âmo he na hmotaotheina rônahpa nata na bâh pazawhpa ta nâ kaw chhi papuapa na phopi nata na ryuto châ tlôh ei ta,’ tah na ta.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.