PUASAINA 32:9 - Mara Bible RV (BSI)

⁹ Abeipa ta Mawsi hnohta, “He phopi he moh thlâh ha ei na ta, phopi chhoru ngaitapa ama châ.

PUASAINA 32:9 ပူးပေါင်းရင်းမြစ်များ

2 ABEIZY 17:14

Châhrasala a pyh khoh hlei veih ei. Abeipa ama Khazohpa a ngâ khoh leipa ama pathlatuhpazy ta kuhchhapa ta ama ypa hawhta, kuhchhapa ta ama y hra.

2 THÂTIHZYRONA 30:8

Châ pathlatuhpazy hawhta palôh kuhchhapa ta y leipa u la, Abeipa lâta tlao a ngiarih u la, chhâzaw châta a pathaisapa a supathaihpa liata a ngia u la, Abeipa nama Khazohpa cha chakao muh vy. Chatanachata a hiehâhna ru ngaitapa chata a cha kuasai aw ei.

NEHEMIAH 9:16

“Châhrasala âmo nata miah pathlatuhpazy khata a palai ngaitapa ta hmo tao ei ta, ama koh pachyu ei ta, na biepiepazy zyh veih ei.

NEHEMIAH 9:17

Na biepiepazy zyh khoh leipa ei ta, ama hry liata hmonoâhpa na taopazy chhao pahno khoh khao veih ei. Ama rao pachyu ei ta, ama seichâna Izi râh lâ kua heih awpa ta chhituhpa ama rao. Châhrasala nâ cha a ngiahthai awpa ta a mâ thlâh hapa, ngiachhiena nata zawngiahna a hneipa, a hiehâh a rupa nata kyhpachâna a ipa a hneipa Khazohpa châ chi ta, âmo cha a heihsai va chi.

HLAZY 78:8

Âmo pathlatuhpazy hawhta, Chhorupa nata dyuhtuhpa châ leipa aw ei ta, Palôh a i leipa chhâ lyu leipa aw ei ta, Khazohpa châta thlahpa ngâchhih leipa hawhpazy châ aw veih ei.

PUASAINA 33:3

Sâhpiti nata kheihti lona râh lâ cha khy teh u. Kei deikua cha, nama hnohta a khy hra aw va na. Chataleipatala phopi chhoru ngaitapa châ ei chi ta, lâpi liata ei cha pahleipadia pathlei aw ei na,” tah ta.

PUASAINA 33:5

A chhâpa cha, Abeipa ta Mawsi hnohta, “Izarei sawzy chho teh, ‘Phopi chhoru ngaitapa nama châ. Chavâta nama hnohta buakhata chhao ei sie hra khiahta cha, ei cha pahleipadia khai thlâh ha aw ei. Tahmâ nama sôhthihzy kha pahluh khai teh u, chatanachata nama chô liata ei tao awpa ei pahno aw,’” a vaw tah hapa vâta a châ.

PUASAINA 34:9

Mawsi ta, “Tahmâ na modypa ei châ khiahta cha, Hy Abeipa, ngiachhiepa ta Abeipa cha eima hnohta sie hra mawh sy. Phopi chhorupa châ hrei sih la, eima paraona nata eima moleinazy miah a ngiahthai la, na ryuto châta miah hnei mah y,” tah ta.

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

ISAI 48:4

Chhorupa châ ei chi ta, Nama rao cha thua thari châ ta, Nama khizy cha dawh a châpa ei pahnopa vâta,

ZEREMIAH 13:27

Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”

HÔSIA 6:10

Izarei o liata hmo chhiepa ei hmô; Cha liata Epharai ta sihryh ta, Izarei ta anosasyh â papuapalei.

MALUHREINA 14:11

Abeipa ta Mawsi hnohta, “He chyhsazy heta khachâ ma eina mohnao aw ei? Ama hry liata ngiana hmonoâhpazy ei taona chôta khachâ ma na ngâ leipa ta ama y aw?

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

RYHPACHANEINA 10:16

Chavâta nama pathipalôh chopaw tai u la, chhorupa ta y khao khuh vy.

RYHPACHANEINA 31:27

Chhorupa nata kuhchhapa nama châzie ei pahno. Pachâ tua u, tanoh ei cha hrolâh chy no ei ta hmahta Abeipa namâ dyuh khiahta cha, ei thi tawhta chhochhi cha khatlu ta ma a châ aw tly?

RYHPACHANEINA 9:13

“Cha dei châ vei, Abeipa ta, ‘He phopi he ei hmô ha ei, moh tua, phopi chhorupa ama châ hih!

RYHPACHANEINA 9:6

“Chavâta he he pahno teh u. Nama siana vâta Abeipa nama Khazohpa ta he râh phapa he hnei awpa ta a cha piepa ei châ vei. Nâmo cha phopi chhorupa nama châ.