PUASAINA 32:7 - Mara Bible RV (BSI)

⁷ Abeipa ta Mawsi hnohta, “Zu teh, na phopi Izi râh tawhta nâ kaw chhi papuapazy âmosasyh ta amâ parao ha khuh.

PUASAINA 32:7 ပူးပေါင်းရင်းမြစ်များ

2 THÂTIHZYRONA 27:2

A paw Uzia hmotaopa zydua tao hrapa ta, Abeipa mohmô ta hmo dopa tao ta, Abeipa Achhyna o lâ deikua a ngia vei. Zudâh phopi deikua cha avyuhna moleinazy ama tao ngâ thlâh ha chy.

HLAZY 78:36

Châhrasala ama pakah ta papyupahly pakhei ei ta, Ama paleih ta haipa bie ama rei thlu tyh.

PUASAINA 19:24

Abeipa ta a hnohta, “Zu la, na hnohta Arawna a kaw chhi la, a khy heih mah y. Theihthaipazy nata zawpizy deikua cha, Abeipa lâ a vy awpa ta ama vaw chatôh pathlah awpa châ vei. Chataleipatala Abeipa ta âmo a chatôh pathlah pathlei aw ei,” tah ta.

PUASAINA 32:1

Mawsi cha tlâh tawhta charâ ta a za chô leipa zawpi ta ama pahno nahta, Arawna lâta zawpi a hmaohpakhy ei ta, a hnohta, “Thyu la, eima hmia lâta a sie awpa khazoh miah taopa teh. Kha Mawsi, Izi râh tawhta miah a kaw chhi papuatuhpa chyhsa kha, khâpa hmo ma a chô liata a tlô tahpa pahno khao ma pi hih,” tah ei ta.

PUASAINA 32:11

Châhrasala Mawsi ta Abeipa a Khazohpa cha a haw ta, a hnohta, “Hy Abeipa, hmotaotheina rônahpa nata ku thatlôpa ta Izi râh tawhta nâ kaw chhi papuapa na phopi chô liata khazia ma cha tlu po ta na hie a hâh tly?

PUASAINA 32:4

Arawna ta ngôh rahy ama vaw piepazy cha la ta, viahchaotaw nothlahpa leih ta, ngôh daina chhaichhi hmâpa ta â ngia kawpa ta daih ta. Zawpi ta, “Hy Izarei, he he Izi râh tawhta châ kaw chhi papuatuhpa na khazoh a châ hih” tah ei ta.

PUASAINA 33:1

Abeipa ta Mawsi hnohta, “Izi râh tawhta nâ kaw chhi papuapazy chhao khata, he su tawhta pua u la, Abarahâ, Aisika nata Zakaw hnohta, ‘Na pathlazy hnohta ei pie aw,’ tahpa ta bie ei vaw taihpa râh lâ khy teh u.

ISAI 1:4

Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

HÔSIA 9:9

Kibia liata ama y no hawhna khata, Avyuhna thata ama tao; Abeipa ta ama paraonazy a thei aw ta, Ama moleinazy vâta a hrie aw ei.

RYHPACHANEINA 31:29

Ei thi tawhta thata molei aw ei chi ta, bie ei cha piepa ei lâpi tawhta nama tleisai aw tahpa ei pahno. Noh a vaw tlô awpazy liata, nama ku hmotaopa ta Abeipa hie pahâhpa ta, a mohmô liata hmo pha leipa nama tao awpa vâta, hmo pha leipa ta a cha tla thlu aw ei,” tah ta.

RYHPACHANEINA 32:5

A chô liata molei ei ta, Ama moleina vâta, A sawzy châ khao veih ei; Chhâ haiphiahpa châ ei ta, Chhâ moleipa ama châ.

RYHPACHANEINA 4:16

Chavâta namâ chhy awpa nothlahpa taopa ta nama molei tlamaw lei nawpa ta a vaih teh u. Kheihawhpa nothlahpa rai, chapaw a lyupa tlyma, chanô a lyupa tlyma,

RYHPACHANEINA 9:12

Abeipa ta ei hnohta, ‘Thyu la, he su tawhta zu para teh. Izi râh tawhta nâ kaw chhi papuapa, na phopi ama molei ha khuh. A chhih awpa ta bie ei piepa lâpi thlai tleisai ei ta, nothlahpa tlao amâ tao,’ tahpa ta na chho ta.

RYHPACHANEINA 9:8

Hôribâ liata chhao Abeipa pathi pa-ia ei chi ta, cha pahleipadia khai awpa taihta Abeipa cha nama chô liata a pathi a ia.

RYUREITUHPAZY 2:19

Châhrasala ryureituhpa a thipa nahta, hnôh lâ kua ei ta, ama pathlatuhpazy hlâ chhao ta molei viapa ta, khazoh hropazy chakao ei ta amâ chhy ha tyh. Ama tao tyhpa nata ama chhorunazy pathleih hlei veih ei.