PUASAINA 32:5 - Mara Bible RV (BSI)

⁵ Cha cha Arawna ta a hmô nahta, viahchaotaw nothlahpa hmiakô liata maisâh tao ta. Arawna ta tlâh awh ta, “Mylâ cha Abeipa châta kyhchhi a y aw,” tah ta.

PUASAINA 32:5 ပူးပေါင်းရင်းမြစ်များ

1 ABEIZY 21:9

Châzy liana chata, “Kâhvilei daihti phuah u la, zawpi hry liata Nâbô cha chaluahpa ta dyuchhai peimawhpa liata nama patyusa aw.

2 ABEIZY 10:20

Zehu ta, “Bâlâ moh ta pakhypi pathaihpa tao teh u,” tah ta. Cha cha pathâhsa ei ta.

2 ABEIZY 16:11

Theihthaipa Uria ta maisâh tao ta. Bei Ahâza ta Dâmaskâ tawhta a vaw paphaopa hawh tlai ta, theihthaipa Uria ta Dâmaskâ tawhta Bei Ahâza a vaw tlô hlâta maisâh cha tao ta.

2 THÂTIHZYRONA 30:5

Chatanachata Izarei râh zydua, Besebâ tawhta Dânâ taihta Zerusale lâ vaw tlô khaipa ta, Abeipa Iza­rei Khazohpa lâta Zawpakhô kyhchhi tao awpa ta phuah awpa ta biepie ei ta. Zawpakhô kyhchhi cha, hnei awpa zie hawhta ama vaw hnei thei khao leipa a châ.

PUASAINA 10:9

Mawsi ta, “Abeipa châta kyhchhina eima tao awpa châ tlôh ta, chavâta eima zydua ta hawti machâ ta eima sie aw. Eima sawchapawzy, eima sawchanôzy, eima mietaku zawzy nata eima viahchao hrizy chhaota eima sie aw,” tah ta.

PUASAINA 12:14

“He noh he nâmo châta atheithlâhna noh châ aw ta, Abeipa châta kyhchhi noh ta nama chay tyh awpa a châ. Nama chhâ zydua liata, he noh he kyhchhi noh ta nama chay tyh awpa châ ta, cha cha chhâzaw châta bieraopa ta a y awpa a châ.

PUASAINA 17:15

Chatawhcha Mawsi ta maisâh tao ta, a moh Zehôvâh Nisi a bi.

PUASAINA 32:4

Arawna ta ngôh rahy ama vaw piepazy cha la ta, viahchaotaw nothlahpa leih ta, ngôh daina chhaichhi hmâpa ta â ngia kawpa ta daih ta. Zawpi ta, “Hy Izarei, he he Izi râh tawhta châ kaw chhi papuatuhpa na khazoh a châ hih” tah ei ta.

PUASAINA 32:6

A mylâ mydi kari ta thyu ei ta, raopa hlânazy hlâpa ta, aryhna hlânazy vaw cheih ei ta. Niedo awpa ta zawpi a tyuh ei ta, cha khai tawhta a palypauasa awpa ta thyu ei ta.

HÔSIA 8:11

Epharai cha moleina atheihna maisâh hluhpi tao ta, Châhrasala moleina taona maisâhzy lâta amâ lie haw.

HÔSIA 8:14

Izarei cha ano a taotuhpa my ta, Abei ozy tlao a sa; Zudâh ta thokhy ta dôhpa khihpizy A padua via lymâ. Châhrasala a khihpizy chô liata mei tuah aw na ta, Ama thokhyzy a kâ khai aw.

THEIHTHAINA 23:2

“Izarei sawzy chho la, ama hnohta hetana heta reih teh: Hezy he Abeipa châta kyhchhi raopa, pakhypi pathaihpa ta nama phuah awpa châ ta, chazy cha keima raopa kyhchhizy a châ.

THEIHTHAINA 23:21

Cha noh lia tlai ta nama châta pakhypi pathaihpa phuah aw ei chi ta, rai rupa khâpa hmah nama hria awpa châ vei. Cha cha nama chhâ zydua châta nama pahrâna zydua liata chhâzaw bieraopa a châ aw.

THEIHTHAINA 23:37

“Hezy he Abeipa châta kyhchhi raopazy châ ta, pakhypi pathaihpa daihti liata nama phuah awpazy a châ: Raopa hlânazy, niepa hlânazy, atheihnazy nata dopa hlânazy cha a noh raopa chyu liata hlâ awpa châ ta, Abeipa lâta mei ta raopa hmohlâpazy nama hlâ nawpa kyhchhi daihtizy a châ.

THEIHTHAINA 23:4

“Hezy he Abeipa châta kyhchhi raopa, pakhypi pathaihpa châ ta, hmâh awpa ta a daihti raopa liata nama phuah tyh awpa a châ:

1 KAWRINI 5:8

Chavâta Zawpakhô kyhchhi ei suh u. Thinô parohpa, nôchhiena nata moleina thinô ta châ leipa ta, thinô pahlao leipa viahchhâ, palôh dopa nata biehmeiseihpa ta kyhchhi ei suh u.

1 SAMUELA 14:35

Sawla ta Abeipa châta maisâh tao ta, cha cha Abeipa châta maisâh a tao tua chaipa a châ.