PUASAINA 32:34 - Mara Bible RV (BSI)

³⁴ Tahmâ zu la, phopi cha, sie nawpa ei cha chhopa su lâ a chhi mah y. Ei vâlyuhchâpa ta hmia a châ sahpa aw. Chatahrasala ei cha vaw tly ti ei ta cha, ama moleina vâta ei hrie pyly aw ei,” tah ta.

PUASAINA 32:34 ပူးပေါင်းရင်းမြစ်များ

HLAZY 99:8

Hy Abeipa eima Khazohpa, Ama paraona vâta na hrie tyhpa chhao ei ta, Âmo cha a chhy heih tyh chi ta, Âmo a ngiahthaituhpa Khazohpa na châ.

PUASAINA 15:17

Na phopi cha a chhi aw chi ta, Na ryuto tlâh liata na loh ei; Hy Abeipa, na pahrâna châta na taopa su liata âmo cha loh aw chi ta, Na ku ta a paduapa supathaihpa lia tlai ta na loh aw ei.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

PUASAINA 23:20

“Moh teh, lâpi liata châ vaih awpa nata su ei chhuahdypa châ tlôkhei awpa ta, na hmia lâta vâlyuhchâpa ei pasiesa.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

PUASAINA 33:12

Mawsi ta Abeipa hnohta, “Nâ ta ei hnohta, ‘He phopi he a chhi teh,’ tah chi ta, châhrasala nâ sielâh awpa chyhsa na chho tlôh leipa chi ta. Cha leipa chhao ta, ‘Na moh ta cha pahno na ta, nâ chhao ei modypa ta na y hra,’ na tah chi ta.

PUASAINA 33:2

Ei vâlyuhchâpa nama hmia lâta tuah aw na ta, Kâna mo, Amawri mo, Hiti mo, Perizi mo, Hivi mo nata Zebu mozy ei papua aw ei.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ZEREMIAH 14:10

He phopi kyh liata, Abeipa ta hetana heta a tah: “Viavi awpa khoh kaw ei ta, Ama phei chakâna a sohsi veih ei; Chavâta Abeipa ta âmo cha a pyh leipa ta, Ama paraona a thei thlâh ha aw ta, Ama moleinazy vâta a hrie aw ei.”

ZEREMIAH 23:2

Chavâta Abeipa, Izarei Khazohpa ta, ei phopi a vaituhpa mietaku vaituhpazy kyh liata, hetana heta a tah: “Ei mietaku zaw papai ei chi ta, nama to haw, vaih veih ei chi. Moh teh u, nama paraopazy vâta ei cha hrie aw ei,” Abeipa ta a tah.

ZEREMIAH 5:29

He hmozy vâna heta hrie aw veih ei na ma? He hawhpa phopi chô liana heta ei phuh la aw va na ma?” Abeipa ta a tah.

ZEREMIAH 5:9

Cha hmozy vâna chata hrie aw veih ei na ma? Cha hawhpa phopi chô liata ei phuh la aw va na ma?” Abeipa ta a tah.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

AMÔSÂ 3:14

“Cha noh liata, Izarei cha a moleinazy vâta hrie aw na ta, Bethel maisâhzy ei hrie aw; Maisâh kizy chhawh pathlahpa châ aw ta, Alei liata ama pao aw.

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

MALUHREINA 20:16

Abeipa pado pi ta, ano ta eima ao thei ta, vâlyuhchâpa vaw tuah ta, Izi râh tawhta miah â chhi papua haw. Tahmâ he na râh kiah liata Kâdesâ khihpi liata eima y.

MATHAI 23:35

Chatanachata chyhsa siapa Abela thisaih tawhta supathaihpa nata maisâh likawh ta nama thiepa Berakia sawchapawpa Zekaria thisaih taih ta, alei chô liata chyhsa siapa thisaih palopa zydua thisaih maoh cha nama chô liata a vaw tlô aw.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.