PUASAINA 32:32 - Mara Bible RV (BSI)

³² Ngiachhiepa ta ama moleinazy rie a ngiahthai mah y. Nâ ngiahthai thei leipa khiahta cha, na châbu liata na ropa tawhna khata na thy ha mah y,” tah ta.

PUASAINA 32:32 ပူးပေါင်းရင်းမြစ်များ

2 SAMUELA 18:33

Abei cha a palôh pasa ngaita ta, thokhy chhikao chô lâta chhôhpadâhpa lâ khy ta, cha ta. A khy pâ ta, “Hy ei sawchapawpa Absalaw, ei sawchapawpa, ei sawchapawpa Absalaw! Nâma vyuhpa ta keima tlao ei thi thlâh ha awpa tlai! Hy Absalaw, ei sawchapawpa, ei sawchapawpa y!” tah ta.

HLAZY 139:16

Ei pôhpa pachiahpa a ki mâh leipazy na mo ta hmô ta, Cha cha na châbu liata ropa a châ; A zydua ta na tao paki hlâlei cha, A daihtita ta na paki lymâ ei.

HLAZY 56:8

Ei viavinazy ngiapa ta, Ei mothlihzy na chhiehraôh liata ryh chi ta, Na châbu liata ropa a châ.

HLAZY 69:28

Ahrohpazy châbu tawhta ama moh phiepa châ sala, Mosiapazy hry liata ama moh roh khah y.

PUASAINA 32:10

Chavâta na patypamâ khao mâh khah y, ei pathi iana ta âmo kâ sala, ei pahleipadia khai hana hâh ei ta. Chatanachata nâ cha phopi rônahpa ta ei cha tao aw,” tah ta.

ISAI 4:3

Zaio liata siesaipa nata Zerusale liata a nguapa, Zerusale liata a hrohpa moh ropazy cha pathaihpa tahpa ama châ aw.

EZEKIA 13:9

Aluahna phichhyhpa a hmôpa nata haipa ta a pachaopadâhpa hrohsopazy chô liata ei ku ei hy aw. Ei phopi pakhypi liata a hlao leipa aw ei ta, Izarei pathlazy moh rona liata ropa châ hra leipa aw ei ta, Izarei râh a ngia aw veih ei. Chatanachata Abeipa Zehôvâh ei châ tahpa nama pahno aw.

DÂNIAH 12:1

“Cha daihti liata, na chyhsazy a châhkheituhpa hyutuh rônahpa Mikaila vaw pua aw ta, nôpona daihti, phopi y tua no tawhta a y beih leipa cha a vaw y aw. Châhrasala cha daihti liata, châbu liata a moh ropa ta a ypa na chyhsazy cha pachhapa ta ama y aw.

AMÔSÂ 7:2

Râh liata sibiepa cha khawsuzy ta ama nie khai nahta, “Hy Abeipa Zehôvâh, rie a ngiahthai mah y! Zakaw cha chyhta tlôh ta, Kheihta ma â duah thei aw?” tah na ta.

MALAKHAI 3:16

Chatawhcha Khazohpa a chipazy cha a chhohia raihrie ei ta, Abeipa ta ama biereipazy nathliepa ta thei ta. Chatanachata Abeipa a chipa nata a moh a pasâhsapazy atheithlâhna châbu cha a mohmô liata ropa a châ.

MALAKHAI 3:17

“Ei ryu sôhpazy ei paki ti ei ta, kei eih châ aw ei ta, paw ta ano palôh a hmôpa a sawchapawpa a hrôbiehpa hawhta âmo cha ei hrôbieh aw ei,” Pheisaihzy Abeipa ta a tah.

MALUHREINA 11:15

He hawhta eina tao awpa chi khiahta cha, na ngiachhie la, â ryh na tah khiahta cha, na thie lâlao thlâh ha la, nôpo pachârôhna a tyh awpa na pakhôkhâhsa mah y,” tah ta.

MALUHREINA 11:25

Abeipa cha meihdo hry liata a zu ta, Mawsi cha bie a chho ta, ano liata thlahpa cha la ta, machâ sysarizy chô liata soh ta. Thlahpa ama chô liata a ypa nahta, machâzy cha hrohsona bie phuah ei ta. Châhrasala cha hawhta tao pazao ngâ thlâh ha veih ei.

MALUHREINA 14:19

Na kyhpachâna rônah ngaitapa vâta, he chyhsazy hmoparaona he ngiachhiepa ta a ngiahthai la, Izi râh tawhta tahmâ taihta nâ ngiahthai lymâpa hawhta, he chyhsazy hmoparaona he a ngiahthai mah y,” tah ta.

LUKA 10:20

Châhrasala thlahpazy nama rei sai ta ama ypa vâta a ly leipa u la, vârâh liata nama moh ropa a châpa vâta tlao a ly teh u,” tah ta.

LUKA 23:34

Zisu ta, “Ei Paw y, âmo he a ngiahthai mah y, ama hmotaopa he ama pahno vei na,” tah ta. A chysiazy a rai awpa ta nuby a dao ei ta.

RAWMA 9:3

Ei unawhzy, sapa lâta ei chiheihzy châna heta, kei he chhiesapa ta ypa ta, Krista tawhta chhawh pathlahpa ta y aw sah la ei tah tyh.

RYHPACHANEINA 25:19

Chavâta Abeipa nama Khazohpa ta ryuto châta hnei awpa ta râh a cha piepa ei liata, nama chheipâh liata nama chariah zydua tawhta Abeipa nama Khazohpa ta a cha pahâsa ti ei ta, Amale mo cha avâ ry liata a thei thlâhpa ama châ khao lei nawpa ta, nama pahleipadia khai ha awpa a châ. Nama my cheita awpa châ vei.

RYHPACHANEINA 29:20

Ano cha Abeipa ta a ngiahthai khoh leipa aw ta, Abeipa hiehâhna nata hiatliana ta a khu aw. He châbu liata ropa chhiesana zydua he a chô liata tla thlu aw ta, Abeipa ta avâ ry tawhta a moh a pahlei aw.

RYHPACHANEINA 9:14

Chavâta na patypamâ khah y. Pahleipadia aw ei na ta, avâ ry tawhta ama moh ei phie aw. Âmo hlâta phopi hmotaothei viapa nata lai viapa ta nâ ei cha tao aw,’ tahpa ta na chho ta.

PHILIPI 4:3

A châ na, raopaky ei kylâhpa chhao chi kha ei châ haw hra. Kha chanôzy kha vaw bao mah y. Âmo kha Klemena nata ei hrialâhpa hropa zydua chhaota thâtihpha vâta ei hriapasana liata nâ hrialâhpazy châ ei ta, hrona châbu liata ama moh a ypazy ama châ.

BIEPHUAH 17:8

Sahrâhpa na hmôpa kha vaw y ta, y khao heih leipa ta, aleichiepa khaohtlô tawhta kaw pua aw ta, leidiana lâ a sie aw. Chatawhcha lei liata a pahrâpazy, leilô tao tua no tawhta hrona châbu liata moh ro leipazy ta, y ha ta, a y khao heih leipa, a vy heih awpa sahrâhpa cha ama hmô tita, noâh ama tah ngaita aw.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.

BIEPHUAH 22:19

Ahy rai ta he hrohsona châbu liata biezy he a thy bâ khiahta cha, he châbu liata palâsapa hrona tho nata khihpi pathaihpa liata a tovyuh cha Khazohpa ta a lapa aw.

BIEPHUAH 3:5

Pahnietuhpa cha, cha hawhta poh diehpa pabusapa châ aw ta, hrona châbu tawhta a moh phie beih leipa aw na ta, ei Paw hmiakô liata nata a vâlyuhchâpazy hmiakô liata a moh ei châhkhei aw.