PUASAINA 32:30 - Mara Bible RV (BSI)

³⁰ A mylâ ta Mawsi ta zawpi hnohta, “Moleina lai ngaitapa nama tao haw. Tahmâ he Abeipa lâ khy aw na ta, nama moleina chatlaina ei tao thei aw tly ma,” tah ta.

PUASAINA 32:30 ပူးပေါင်းရင်းမြစ်များ

2 SAMUELA 12:9

Khazia ma Abeipa bie khâpasaw ta rei leipa chi ta, a mohmô liata hmo pha leipa na tao? Hiti chyhsa Uria cha zaozi ta thie chi ta, a lapinô cha na lapinô châta hnei chi ta, Amawna mo zaozi ta Uria cha na thie haw.

2 SAMUELA 16:12

Abeipa ta ei chô liata â doleipa ta a hmotaopa he hmô aw ta, tanoh ta ei chô liata chhie a sapa he a phapa lâta Abeipa ta eina thô thei mâh tâh,” tah ta.

2 ABEIZY 17:21

Nebâ sawchapawpa Zerôbaw ta Izarei cha Dâvi pathla tawhta pachhaih ta, ano cha bei ta ama tao. Zerôbaw ta Izarei cha Abeipa ama pazipa tawhta tleikhei ta, moleina lai ngaitapa a pataosa ei.

HLAZY 99:6

A theihthaipa hry liata Mawsi nata Arawna a hlao ei ta, Samuela chhao a moh a padopazy hry liata â hlao. Abeipa pado ei ta, Ano ta â chhy ei.

PUASAINA 32:29

Mawsi ta, “Tanoh he Abeipa châta a panano teh u. Chyhsa to ta ama sawchapawzy nata ama unawhzy a dyuh ha ei ta, chavâta tanoh he Abeipa ta byhnâ a cha pie aw ei,” tah ta.

AMÔSÂ 5:15

Chhiena a haopa ta phana khoh u la, Thokhy chhikao liata ryureina dopa padua teh u; Cha hawhta nama tao khiahta cha, Zehôvâh, Pheisaihzy Khazohpa ta Zawsi chi laibâhpazy cha, A ngiachhie thei ngyu aw.

ZAWNA 3:9

Ahy ma a pahno tly? Eima leidia lei nawpa ta, Khazohpa cha a palie thei ta, a palôh pananopa ta, a hiehâhna ru ngaitapa tawhta â palie thei mâh tâh,” tah ta.

MALUHREINA 16:47

Arawna ta Mawsi reipa hawhta, ropahâhpa raona biebuh cha la ta, ahmaohpakhypa sahlao lâ a râ ta, potlana cha zawpi hry liata vaw tlô hmâ ha ta. Ropahâhpa rao ta, zawpi châta chatlaina tao ta.

MALUHREINA 25:13

A Khazohpa châta a hiatlia ta, Izarei sawzy châta chatlaina a taopa vâta, cha cha ano nata a hnôhlâ ta a pathlazy châta chhâzaw ta theihthaipa châna biehrai a châ aw,’” tah ta.

LUKA 15:18

Thyu aw na ta, ei paw o lâ sie aw na ta, a hnohta, “Ei pâ y, Khazohpa chô liata nata nâma hmiakô liata hmo ei parao haw.

LUKA 7:47

Chavâta ei cha chho, he chanô he cha, a kyhpachâna a hluh ngaitapa vâta a moleina hluhpi kha a ngiahthaipa a châ haw. Ngiahthai awpa a chyh khiahta cha, kyhpachâna chhao a chyh via hra,” tah ta.

RAWMA 9:3

Ei unawhzy, sapa lâta ei chiheihzy châna heta, kei he chhiesapa ta ypa ta, Krista tawhta chhawh pathlahpa ta y aw sah la ei tah tyh.

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

2 TIMAWTHY 2:25

Khazohpa ta ano a dyuhtuhpazy chhao parosa thei ta, biehmeiseihpa pahnona lâ â chhi thei ei tahpa a ngiapâpa ta, Abeipa chakaotuhpa cha nônai kawpa ta taopathina rai a hria awpa a châ.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.

1 SAMUELA 12:17

Tanoh he sâh hria noh châ vei ma? Tôkalôhpa pathuasa awpa nata avâ pasuasa awpa ta, Abeipa ei awsao aw. Chatanachata bei nama hiana kyh liata Abeipa mohmô ta hmo nama paraopa he a rarôh yzie pahno aw ei chi ta, nama hmô aw,” tah ta.

1 SAMUELA 12:19

Izarei phopi zydua ta Samuela hnohta, “Eima thi lei nawpa ta, châ chakaotuhpazy châta Abeipa na Khazohpa lâ thlah miah chhâpa teh. Bei hiah pi ta, he hmo pha lei ngaitapa eima taopa he, eima moleina zydua baichhatuhpa tlao a vaw châ,” tah ei ta.

1 SAMUELA 12:20

Samuela ta ama hnohta, “Chi khah u, he hmo pha lei ngaitapa he tao tlai ei chi ta, châhrasala Abeipa nama zipa cha tleisai leipa u la, nama pathipalôh tlokhuh ta Abeipa cha chakao muh vy.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.

1 SAMUELA 2:17

He satliazy moleina he Abeipa mohmô liata rarôh y ngaitapa châ ta, he chyhsazy heta Abeipa lâta atheihna hlâpazy khâpasaw ta reih veih ei.