PUASAINA 32:20 - Mara Bible RV (BSI)

²⁰ Viahchaotaw nothlahpa ama taopa cha la ta, mei ta rao ta, a dina taihta charo ta, a paohpa ti liata hie ta, Izarei sawzy padosa ta.

PUASAINA 32:20 ပူးပေါင်းရင်းမြစ်များ

1 ABEIZY 15:13

A nô Mâkâ chhao, khazoh nothlahpa pasichhih ngaitapa Aseri tôh a taopa vâta, beinô a châna pabâh ta, a nô khazoh nothlahpa cha chhawh pachhô ta Kidaraw vahtiepa liata mei ta a rao haw.

2 ABEIZY 23:15

Cha dei châ vei, Izarei a pamoleisapa Nebâ sawchapawpa Zerôbaw ta Bethel liata maisâh nata su sâhpa a taopazy a daophi pathlah ta, mei ta rao ta, a zaona taihta a tlychheih khai haw. Aseri tôh chhao mei ta a rao haw.

2 ABEIZY 23:6

Abeipa o liata Aseri tôh cha Zerusale khôtho lâ Kidaraw chavah lâ puakhei ta, Kidaraw chavah liata rao ta, a paohpadi lâta â liena taihta tlypazao ta, a paohpa cha vâtlâh thlâ liata hie ta.

2 THÂTIHZYRONA 34:4

Bâlâ maisâhzy a mohmô liata chhawh pachhô ei ta, chazy hlâta a sâh viapa ta taopa ropahâhpa raona maisâhzy chhao a chhawh pathlah khai haw. Aseri tôhzy, khazoh nothlahpa khiepa nata leihpazy phy pazao khai ta, âmo lâta atheihna a hlâtuhpazy thlâ chô liata a paohpa a hiezâh.

PUASAINA 32:21

Mawsi ta Arawna hnohta, “He phopi heta na chô liata khâpa ma tao ei ta, he hawhpa hmo molei ngaitapa he ama chô liata na patlôsa?” tah ta.

BIESOZY 1:31

Âmo yzie thei nie aw ei ta, Âmo hmotaopazy ta lôhrâ amâ patlô aw.

BIESOZY 14:14

Palôh hnôhsypa cha a hrozie theizy ta pabiepa châ aw ta, Chyhsa phapa chhao a hrozie theizy ta pabiepa a châ aw.

RYHPACHANEINA 7:25

Ama khazoh nothlahpazy mei ta rao aw ei chi ta, cha liata a ypa tâkâ tlyma, ngôh tlyma, nama uahva awpa châ leipa ta, nama châta namâ la awpa châ hra vei. Chataleipatala khazoh nothlahpazy liata namâ ao pathlei aw, khazoh nothlahpa cha Abeipa nama Khazohpa châta pasichhihpa châ tlôh ta.

RYHPACHANEINA 7:5

Hetana heta ama chô liata nama tao aw: Ama maisâhzy pacho aw ei chi ta, ama lôbôzy nama pakei aw. Ama Aseri tôhzy thlu aw ei chi ta, ama khazoh nothlahpazy mei ta nama rao khai aw.

RYHPACHANEINA 9:21

Nama moleina hmo, viahchao taw nothlahpa nama taopa kha la na ta, mei liata rao na ta, pakeichheih khaipa ta, dohlei hawhta dina taihta charo na ta, tlâh tawhta chavah zâ lohpa liata a paoh ei thy haw.