PUASAINA 32:16 - Mara Bible RV (BSI)

¹⁶ Lôphiazy cha Khazohpa taopa châ ta, bieropazy chhao Khazohpa ropa châ ta, lôphiazy liata khiepa ta ropa a châ.

PUASAINA 32:16 ပူးပေါင်းရင်းမြစ်များ

ZAWBÂ 19:24

Aw, ei biezy he thua châsôh nata ky ta Lôpanô liata chhâzaw ta khaipa châ sala ei tah kaw dia!

PUASAINA 31:18

Khazohpa ta Mawsi cha Sinai Tlâh liata bie â chho khai nahta, Khazohpa kudy ta ropa biehrai lôphia mianozy cha Mawsi hnohta pie ta.

PUASAINA 32:15

Mawsi cha tlâh tawhta zâ lie ta, biehrai lôphia miano a ku liata chabapa ta za chô ta. Lôphiazy cha kârano ta ropa châ ta, a hmia nata a hnôh ta ropa a châ.

PUASAINA 32:17

Zawsua ta zawpi awpa pyu a thei nahta, Mawsi hnohta, “Riehmo liata adyuhna pyu a y,” tah ta.

PUASAINA 34:1

Abeipa ta Mawsi hnohta, “Lôphia hmiatuapazy hawhpa kha miano khai heih la, cha lôphiazy liana chata lôphia hmiatuapa na pakei hapazy liata biezy kha ei roh heih aw.

PUASAINA 34:4

Chatanachata Mawsi ta hmiatuapa hawhta lôphia miano khai ta, mydi kari ta thyu ta, Abeipa ta bie a piepa hawhta Sinai tlâh lâ khy ta, lôphia mianozy cha a ku ta chaba ta.

2 KAWRINI 3:3

Nâmo he Krista ta keimo miah a parosapa Krista châpaphaopa châ ei chi ta, châti ta ropa châ leipa ta, lôphia liata ropa châ hra leipa ta, Khazohpa hrohpa Thlahpa ta chyhsa palôh phiapa liata ropa nama châzie a siapa ta nama palâsa haw.

2 KAWRINI 3:7

Alô liata khiepa, thina a tlôkheipa châropa zâ phaohtuhpa Mawsi hmia hmahta kha tlatlu ta rônah sala, a lei thlâh ha awpa rônahna hmahta Izarei sawzy ta ama mo ngâh leipa khiahta cha,

RYHPACHANEINA 10:1

“Cha daihti liata Abeipa ta ei hnohta, ‘Lôphia hmiatuapa hawhna khata lôphia miano khai heih la, kei lâta tlâh lâ a khy la, a khô nawpa thobyh tao mah y.

RYHPACHANEINA 9:15

Chatanachata a heih na ta, tlâh tawhta za chô na ta, tlâh cha mei ta kâ hai ta, biehrai lôphia miano cha ei ku kârano ta chaba na ta.

HEBRAI 8:10

Cha nohzy hnôhlâ ta, Izarei pathlazy hnohta biehrai ei tao awpa cha he he a châ, Abeipa ta a tah: Ama pachânazy liata ei ryhpa biezy soh aw na ta, Ama palôhzy liata ei roh aw; Ama Khazohpa châ aw na ta, Ei phopi ama châ aw.