PUASAINA 32:15 - Mara Bible RV (BSI)

¹⁵ Mawsi cha tlâh tawhta zâ lie ta, biehrai lôphia miano a ku liata chabapa ta za chô ta. Lôphiazy cha kârano ta ropa châ ta, a hmia nata a hnôh ta ropa a châ.

PUASAINA 32:15 ပူးပေါင်းရင်းမြစ်များ

HLAZY 19:7

Abeipa ryhpa cha phapaki ta, Hro a taopathi; Abeipa bieraopa cha ngâ a chhih ta, Ahrupa a pasosa.

PUASAINA 16:34

Abeipa ta Mawsi bie a piepa hawhna chata, Arawna ta saikhua khôna beih cha Biehrai Byh hmiakô liata soh ta.

PUASAINA 24:12

Abeipa ta Mawsi hnohta, “Tlâh lâ a khy la, cha liata na vaw hâ mah y. Chatanachata zawpizy na pachu awpa lôphiapa liata ryhpa nata biepiepa ei ropazy ei cha pie aw,” tah ta.

PUASAINA 24:18

Mawsi cha meihdo hry liata a kei ngia ta, tlâh lâ kiah ta, tlâh liana cha noh sypalih nata zâ sypalih y ta.

PUASAINA 31:18

Khazohpa ta Mawsi cha Sinai Tlâh liata bie â chho khai nahta, Khazohpa kudy ta ropa biehrai lôphia mianozy cha Mawsi hnohta pie ta.

PUASAINA 32:16

Lôphiazy cha Khazohpa taopa châ ta, bieropazy chhao Khazohpa ropa châ ta, lôphiazy liata khiepa ta ropa a châ.

PUASAINA 34:29

Mawsi cha biehrai lôphia miano a ku ta chabapa ta Sinai Tlâh tawhta za chô ta. Tlâh tawhta a za chô nota, Abeipa bie â chhopa vâta, a hmia a khaih hapa a pahno leipa ta.

PUASAINA 40:20

Biehrai la ta, Byh chhôh liata khô ta, Byh cha a lâzy hrei ta, Byh chô liata zawngiahna dyuchhai soh ta.

2 KAWRINI 3:3

Nâmo he Krista ta keimo miah a parosapa Krista châpaphaopa châ ei chi ta, châti ta ropa châ leipa ta, lôphia liata ropa châ hra leipa ta, Khazohpa hrohpa Thlahpa ta chyhsa palôh phiapa liata ropa nama châzie a siapa ta nama palâsa haw.

2 KAWRINI 3:7

Alô liata khiepa, thina a tlôkheipa châropa zâ phaohtuhpa Mawsi hmia hmahta kha tlatlu ta rônah sala, a lei thlâh ha awpa rônahna hmahta Izarei sawzy ta ama mo ngâh leipa khiahta cha,

RYHPACHANEINA 5:22

“Cha biezy cha Abeipa ta tlâh liata mei nata meihdo nata zoh kaluhpa hry tawhta ao paro ngaitapa ta nama zawpi pôhpakhypa zydua hnohta reih ta, baichha khao vei. Cha biezy cha lô phiapa miano liata roh ta, ei hnohta eina pie.

RYHPACHANEINA 9:15

Chatanachata a heih na ta, tlâh tawhta za chô na ta, tlâh cha mei ta kâ hai ta, biehrai lôphia miano cha ei ku kârano ta chaba na ta.

HEBRAI 9:4

Cha liata ropahâhpa raona ngôh maisâh nata ngôh ta pahupa biehrai byh y ta, biehrai byh chhôh liata mânâ yna ngôh beih, Arawna chôchahrei chhyh thaopa nata biehrai lôphiazy a y.

BIEPHUAH 5:1

Chatawhcha beidyuchhai liata a tyuhpa ku chachâh lâta châ chatypa, a hmia a hnôh ta ropa, chahnaona miasari ta chahnaopa hmô na ta.