PUASAINA 32:14 - Mara Bible RV (BSI)

¹⁴ Chatanachata Abeipa cha a palôh panano ta, a phopi chô liata chhiena patlôsa awpa bie a reipa cha a pathleih haw.

PUASAINA 32:14 ပူးပေါင်းရင်းမြစ်များ

ÂTHAONA 6:6

Alei chô liata chyhsapa a vaw taopa vâta Abeipa cha a ngiapachhi ta, a palôh pasa ngaita ta.

2 SAMUELA 24:16

Vâlyuhchâpa ta parao awpa ta Zerusale lâ a ku a hy nahta, Abeipa cha hmo pha leipa tao a chhuahpa tawhta a palôh vaw nai ta, chyhsazy a pahleipadiatuhpa vâlyuhchâpa hnohta, “Â daih, na ku hy khao kha,” tah ta. Abeipa vâlyuhchâpa cha Zebu chyhsa Araunâ sawhri kiapâh liata y ta.

1 THÂTIHZYRONA 21:15

Zerusale pahleipadia awpa ta Khazohpa ta vâlyuhchâpa tuah ta, châhrasala pahleipadia awpa â chhuah hai nota, Abeipa ta hmô ta, chhiena patlôsa â chhuahpa cha a pathleih haw. Abeipa ta pahleipadiana rai a hria haipa vâlyuhchâpa hnohta, “Â daih haw, na ku hy khao khah y,” tah ta. Abeipa vâlyuhchâpa cha Zebu chyhsa Ôranâ sawhri kiapâh liata a duah ta.

HLAZY 106:23

Chavâta âmo cha pahleipadia a chhuah ta, A hiehâhna pakuasa awpa ta, A chyhsa atlyhpa Mawsi ta, Âmo nata Khazohpa likawh liata a duah vei mawh sala, A pahleipadia khai ha aw ei.

HLAZY 106:45

Ama hnohta a biehrai a thei heih tyh ta, A kyhpachâna tleih beih leipa rônah ngaitapa vâta, A palôh a panano heih tyh.

PUASAINA 33:13

Na mo ei dy khiahta cha, ngiachhiepa ta na lâpizy na pahmô mah y. Chatanachata cha pahno aw na ta, na modypa ta ei y lymâ thei aw. He phopi he na phopi ama châpa rie a thei mah y,” tah ta.

ZEREMIAH 18:8

cha phopi chata a châna awpa ei phuahpa vâna chata, a moleina â heihsai khiahta cha, a chô liata chhiena patlôsa ei chhuahpa cha ei pathleih aw.

ZEREMIAH 26:13

Chavâta tahmâ nama hroziezy nata nama hmotaoziezy a taopathi u la, Abeipa nama Khazohpa bie zyh teh u. Chatanachata nama chô liata chhiena a vaw tlô awpa a phuah hapa kha, Abeipa ta a pathleih aw.

ZEREMIAH 26:19

“Zudâh bei Hezekia nata Zudâh mo zydua ta Mikâ kha ama thie ma? Hezekia ta Abeipa cha chipa ta, Abeipa khokheina a haw ta, chatanachata Abeipa ta ama chô liata chhiena patlôsa awpa a phuahpa kha a pathleih hapa châ vei ma? Keimo deikua cha eima chô liata chhiena rarôh ypa eima patlôsa aw hih,” tah ei ta.

ZÔELA 2:13

“Nama poh châ leipa ta, Nama pathipalôh hrie teh u,” Abeipa ta a tah. Abeipa nama Khazohpa lâ kua teh u, Ano cha ngiachhiena nata zawngiahna a hneipa châ ta, Nônaina nata kyhpachâna ta a biepa a châ; Chhiena patlôsa lei awpa ta A palôh a panano theipa a châ.

AMÔSÂ 7:3

Abeipa cha a palôh a panai ta, Abeipa ta, “Kha hmo kha vaw tlô aw vei,” tah ta.

AMÔSÂ 7:6

Abeipa cha a palôh a panai ta, Abeipa Zehôvâh ta, “Kha chhao kha vaw tlô aw vei,” tah ta.

ZAWNA 3:10

Khazohpa ta ama hmotaopa cha hmô ta, ama moleina lâpi amâ heihsaipa a hmô nahta, ama chô liata tao awpa ta a reipa chhiena cha patlôsa khao lei awpa ta a palôh panano ta, tao khao vei.

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

MALUHREINA 14:20

Abeipa ta, “Na bie hawhta ei ngiahthai ei.

RYHPACHANEINA 10:10

“Daihti hmiatuapa liatapa hawhna khata, tlâh liata noh sypalih nata zâ sypalih y na ta. Cha nona chhao chata Abeipa ta ei bie nathlie heih ta. Chavâta Abeipa ta a cha pahleipadia khoh leipa ei a châ.

RYHPACHANEINA 32:26

A tlawh ta pachhaih aw ei na ta, Khizaw ta â thei khao lei awpa ta ei pamua aw ei,’ Vaw tah ha aw sah la a pha awpa tlai.

RYHPACHANEINA 32:36

Hmotaotheina ama hnei khao leipa Abeipa ta hmô ta, Sei chhao khotalaipa chhao ama y khao lei tita, Abeipa ta a phopi thaipachâsa aw ta, A chakaotuhpazy chô liata zawh â ngiah aw.

RYUREITUHPAZY 2:18

Abeipa ta ama châta ryureituhpazy a paduana daihti maihta, Abeipa cha ryureituhpa hnohta y ta, ryureituhpa hro chhôh zydua cha, Abeipa ta ama chariahzy ku tawhta a pachha lymâ tyh ei. Ama chariahzy ta tlybai ei ta, rie ama patheipa vâta, amâ hrôna ao ta Abeipa cha ngiachhiena a pahneisa heih tyh.

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.