PUASAINA 32:11 - Mara Bible RV (BSI)

¹¹ Châhrasala Mawsi ta Abeipa a Khazohpa cha a haw ta, a hnohta, “Hy Abeipa, hmotaotheina rônahpa nata ku thatlôpa ta Izi râh tawhta nâ kaw chhi papuapa na phopi chô liata khazia ma cha tlu po ta na hie a hâh tly?

PUASAINA 32:11 ပူးပေါင်းရင်းမြစ်များ

ÂTHAONA 18:27

Abarahâ ta a chhy ta, “Pachâ tua, kei dohlei nata buchâh heta Abeipa cha bie ei châ chho thei saliah ta, reih thlâh ha tua sah la.

1 ABEIZY 8:51

Âmo cha nâma phopi nata na ryuto châ awpa ta, Izi râh, thua patisana hry tawhta nâ chhi papuapazy cha tlôh ei ta.

NEHEMIAH 1:10

He sahlao he na hmotaotheina rônahpa nata na ku thatlôpa ta na chatlaipa, châ chakaotuhpazy nata na phopi ama châ hih.

HLAZY 106:23

Chavâta âmo cha pahleipadia a chhuah ta, A hiehâhna pakuasa awpa ta, A chyhsa atlyhpa Mawsi ta, Âmo nata Khazohpa likawh liata a duah vei mawh sala, A pahleipadia khai ha aw ei.

PUASAINA 32:7

Abeipa ta Mawsi hnohta, “Zu teh, na phopi Izi râh tawhta nâ kaw chhi papuapazy âmosasyh ta amâ parao ha khuh.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

PUASAINA 8:8

Phiraoh ta Mawsi nata Arawna cha aw ta, ama hnohta “Kei tawhta nata ei phopi tawhta uphawhzy he la khai ha awpa ta Abeipa lâ hiah teh u. Abeipa lâ amâ theih thei nawpa ta Izarei phopi cha ei pasiesa aw ei,” tah ta.

ISAI 63:17

Hy Abeipa, khazia na lâpizy tawhta miah paviasa chi ta, Eima cha chi lei nawpa ta, Eima palôh kuh na pachhasa tly? Châ chakaotuhpazy vâna heta vaw kua heih la, Na ryuto na chiphozy vâna heta vaw kua heih mah y.

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

CHAPHÔHTUNA 2:20

Hy Abeipa, moh la, pachâ tua! Ahy chô liata ma he hawhta na tao tly? Chanôzy ta ama chhi thei niepa ta, Ama chhôh tawhta a puapazy ama nie aw ma? Theihthaipa nata hrohsopa taihta, Khazia Abeipa supathaihpa liata thiepa ama châ aw?

EZEKIA 20:9

Châhrasala ama hry liata ama pahrâpa phopizy mohmô liata keimasasyh ta â pahnosapa ta, phopizy mohmô lia tlai ta Izi râh tawhta ei kaw chhi papuapa ama châpa vâta, phopizy mohmô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

DÂNIAH 9:15

Hy Abeipa eima Khazohpa, ku thatlôpa ta na chyhsazy Izi râh tawhta a chhi papuatuhpa nata nâma sasyh ta tanoh taihta na moh â parônahsa lymâpa y, molei ha pi ta, hmo thata eima vaw parao haw.

ZÔELA 2:17

Abeipa chakaotuhpa theihthaipazy cha, Aikah nata maisâh likawh liata cha ei sala, Hetana heta cha mawh ei sy: “Hy Abeipa, na phopi he pahlôh la, Na ryutozy he pahneiparâsao awpa pasaih leipa la, Phopizy châta pakhona bie châ awpa pasaih khah y. Khazia phopizy hry liata, ‘Ama Khazohpa cha, Khataih liata a y haw?’ Ama tah aw?”

MALUHREINA 11:11

Mawsi ta Abeipa hnohta, “Khazia châ chakaotuhpa chô liata hmo pha leipa na tao? Kheihawhpa liata ma na mody leipa ta y na ta, he zawpi zydua phaohri he ei chô liata na pahnieh tly?

MALUHREINA 14:13

Châhrasala Mawsi ta Abeipa hnohta, “Cha kyh cha Izi mo ta ama pahno pathlei aw, he zawpizy he ama hry tawhta na hmotaotheina ta nâ chhi papuapazy châ tlôh ei ta.

MALUHREINA 16:22

Mawsi nata Arawna cha â khu lâta pao ei ta, “Hy Khazohpa, sapa zydua thlahpa Khazohpa y, chyhsa pakha moleipa vâta zawpi zydua chô liata na pathi a ia aw mâ?” tah ei ta.

MALUHREINA 21:7

Zawpizy cha Mawsi lâ vawh ei ta, a hnohta, “Abeipa nata nâma chakhiapa ta bie reih pi ta, eima vaw molei ha na. Abeipa lâ thlah miah chhâpa la, parihzy he keimo tawhta la awpa ta miah hiapa teh,” tah ei ta. Chatanachata Mawsi ta zawpizy châta thlahchhâ ta.

MALUHREINA 27:4

Sawchapaw a hnei leipa vâta, khazia eima paw moh cha a phoheihzy hry tawhta a lei aw? Eima paw unawhzy hry liata ryuto miah pie hra teh u,” tah ei ta.

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.