PUASAINA 32:1 - Mara Bible RV (BSI)

¹ Mawsi cha tlâh tawhta charâ ta a za chô leipa zawpi ta ama pahno nahta, Arawna lâta zawpi a hmaohpakhy ei ta, a hnohta, “Thyu la, eima hmia lâta a sie awpa khazoh miah taopa teh. Kha Mawsi, Izi râh tawhta miah a kaw chhi papuatuhpa chyhsa kha, khâpa hmo ma a chô liata a tlô tahpa pahno khao ma pi hih,” tah ei ta.

PUASAINA 32:1 ပူးပေါင်းရင်းမြစ်များ

ÂTHAONA 19:14

Chatanachata Lawta cha a sawchanôzy a hnei awpa a piahpazy lâ vawh ta, ama hnohta, “Thyu u la, he su tawhta pua teh u. Abeipa ta he khihpi he a pahleipadia aw,” kei tah ta. Châhrasala a piahpazy ta sai a sohpa hawhta pachâ ei ta.

ÂTHAONA 21:26

Abimele ta, “Cha hmo cha ahy ma a tao tahpa pahno va na. Nâ hra ta na chho beih leipa chi ta, cha kyh cha tanoh he ei pahno tua chaina a châ,” tah ta.

ÂTHAONA 39:8

Châhrasala Zawsi ta khoh leipa ta, a zibeipa lapinô hnohta, “Pachâ teh, keima ei ypa vâta, he o liata hmo zydua he ei zibeipa ta pachâ khao vei. A hneipa zydua ei ku liata soh khai ta,

ÂTHAONA 44:15

Zawsi ta ama hnohta, “Khâpa hmo nama tao haw? Kei hawhpa chyhsa heta cha pachao chhao a thai tahpa pahno veih ei chi mâ?” tah ta.

ÂTHAONA 44:4

Khih tawhta pua ei ta, lâhlapi ama sie hlâta, Zawsi ta a o avaotuhpa hnohta, “Thyu la, chyhsazy kha a kei chadai teh. Na pha ti ei ta, ama hnohta, ‘Khazia hmo phapa hmo chhiepa ta viari nama thô?

HLAZY 106:19

Hôribâ tlâh liata viahchaotaw nothlahpa tao ei ta, Nothlah leihpa cha amâ chhy.

PUASAINA 13:21

Ama hmia lâta Abeipa sie ta, chhô nah zâ ta ama sie thei nawpa ta, chhô daihti liata meihdo tôh ta âmo cha a chhi ta, zâ daihti liata âmo pakhaih awpa ta mei tôh ta â chhi ei.

PUASAINA 14:11

Mawsi hnohta, “Izi râh liata thlâ a y leipa vâta ma, râhchawhpa liata thi awpa ta miah nâ vaw chhi? Khazia he hawhta miah tao awpa ta Izi râh tawhta miah na vaw puakhei?

PUASAINA 16:3

Izarei sawzy ta ama hnohta, “Izi râh liata sa beih kiah liata a tyuh pi ta, viahchhâ eima rih biena taihta eima nie no khata Abeipa ku ta vaw thi ha sih la a pha via awpa tlai. Zawpi zydua he nodipa ta miah thie awpa ta râhchawhpa lâ miah namâ vaw chhi he zaw,” tah ei ta.

PUASAINA 20:23

Keima leipa ta khazoh hropazy nama hnei awpa châ vei. Tâkâ khazohzy tlyma, ngôh khazohzy tlyma, nâmo châta nama tao awpa châ vei.

PUASAINA 24:12

Abeipa ta Mawsi hnohta, “Tlâh lâ a khy la, cha liata na vaw hâ mah y. Chatanachata zawpizy na pachu awpa lôphiapa liata ryhpa nata biepiepa ei ropazy ei cha pie aw,” tah ta.

PUASAINA 24:18

Mawsi cha meihdo hry liata a kei ngia ta, tlâh lâ kiah ta, tlâh liana cha noh sypalih nata zâ sypalih y ta.

PUASAINA 32:11

Châhrasala Mawsi ta Abeipa a Khazohpa cha a haw ta, a hnohta, “Hy Abeipa, hmotaotheina rônahpa nata ku thatlôpa ta Izi râh tawhta nâ kaw chhi papuapa na phopi chô liata khazia ma cha tlu po ta na hie a hâh tly?

PUASAINA 32:22

Arawna ta, “Ei zibeipa a pathi ia khah sy. He phopi he pahno chi ta, moleina lâ a heihpa ama châ tahpa na pahno.

PUASAINA 32:23

Âmo ta ei hnohta, ‘Eima hmia lâta a sie awpa khazoh miah taopa teh. Izi râh tawhta miah a kaw chhi papuatuhpa Mawsi chô liata khâpa hmo ma a tlô tahpa pahno khao ma pi,’ vaw tah ei ta.

PUASAINA 32:7

Abeipa ta Mawsi hnohta, “Zu teh, na phopi Izi râh tawhta nâ kaw chhi papuapazy âmosasyh ta amâ parao ha khuh.

PUASAINA 33:3

Sâhpiti nata kheihti lona râh lâ cha khy teh u. Kei deikua cha, nama hnohta a khy hra aw va na. Chataleipatala phopi chhoru ngaitapa châ ei chi ta, lâpi liata ei cha pahleipadia pathlei aw ei na,” tah ta.

EZEKIA 20:8

“Châhrasala na chakhia ei ta, na nathlie khoh veih ei. Ama mo ta a pasô kawpa hmo pasichhihpazy cha thy leipa ei ta, Izi râh khazoh nothlahpazy chhao a heihsai veih ei. Chavâta Izi râh liana chata ei pathiiana lei thlupa ta, ei hiehâna âmo papai thlu awpa a chhuah na ta.

HÔSIA 12:13

Hrohsopa hmâpa ta, Abeipa ta Izi tawhta Izarei a kaw chhi ta; Hrohsopa hmâpa ta, A hrôbieh lymâ.

MIKÂ 6:4

Izi râh tawhta châ kaw chhi papua na ta, Seichâna o tawhta ei cha chatlai; Na hmia lâta Mawsi cha tuapa na ta, Arawna nata Miria ei cha tuapa.

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

MATHAI 24:43

Châhrasala he he pahno teh u: Kheihawhpa zâ daihti liata ma parutuhpa â vy aw tahpa o hneituhpa ta pahno ha sala cha, a hrapa ta vaih aw ta, a o pangiasa aw vei.

MATHAI 24:48

Chakaotuhpa moleipa deikua cha, a palôh liata, ‘Ei zibeipa cha charâ ta a vy bao aw vei,’ tahpa ta,

HMOTAOPAZY 17:29

“Khazohpa pathla eima châ tlôh khiahta cha, Khazohpa cha ngôh tlyma, tâkâ tlyma, alô tlyma, chyhsa patuapaluapa nata zôthaipa ta taopa nothlahpa hawhpa he khiah ma, tahpa ta eima pachâ awpa châ vei.

HMOTAOPAZY 19:26

Ephesi lia dei châ leipa ta, Asia râh zydua rô ta, he Pawla heta ku ta taopa khazohzy cha khazoh châ veih ei, tahpa ta chyhsa hluhpi pahnie ta, a patleisa khaipa kyh cha, nâmo chhao hmô ei chi ta, nama theipa a châ.

HMOTAOPAZY 7:40

Arawna hnohta, ‘Miah chhihtha awpa ta khazohzy miah taopa teh. He Mawsi, Izi râh tawhta miah a kaw chhi papuatuhpa he a thâtih pahno khao ma pi,’ tah ei ta.

RYHPACHANEINA 31:8

Abeipa nama hmia lâta sie aw ta, nama hnohta y aw ta, cha siesai beih leipa aw ei ta, cha pathlua beih aw veih ei. Chi leipa u la, a ngiaroh hra khuh vy,” tah ta.

RYHPACHANEINA 9:1

“Hy Izarei, nathlie teh, nâmo hlâta maluh hluh viapa nata thatlô viapa, avâ taihta thokhy ta dôhpa khihpizy siehnao ta pho awpa ta, tanoh cha Zawdâh nama chaka bâ aw.

RYHPACHANEINA 9:9

Bie rona lôphiazy, Abeipa ta nama hnohta bie a hraina biehrai lôphiazy la awpa ta tlâh lâ ei khy nota, noh sypalih nata zâ sypalih tlâh liata y na ta, viahchhâ rai nie leipa na ta, ti chhao doh va na.

ZAWSUA 7:13

Thyu teh! Zawpi kha pathaisa la, ama hnohta, ‘Mylâ châta a pathai teh u. Abeipa, Izarei Khazohpa ta hetana heta a tah: “Hy Izarei, pahleipadia awpa hmozy nama hry liata y ta, chazy cha nama hry tawhta nama pahleipadia hlâlei nama chariahzy hmiakô liata a duah thei aw veih ei chi,”’ tah teh.

2 PITY 3:4

“Â vy heihna bietai cha khataih liata a y haw? Pathlatuhzy amâ mô tawh chhao ta, hmotaopazy tao tua nota ama yzie ualua ta hmo to zydua ama y thlâh he zaw” ama tah aw.