PUASAINA 31:18 - Mara Bible RV (BSI)

¹⁸ Khazohpa ta Mawsi cha Sinai Tlâh liata bie â chho khai nahta, Khazohpa kudy ta ropa biehrai lôphia mianozy cha Mawsi hnohta pie ta.

PUASAINA 31:18 ပူးပေါင်းရင်းမြစ်များ

2 ABEIZY 11:12

Zehôdâ ta abei sawchapawpa cha vaw puakhei ta, beilakho pakho ta, biehraina ryuchâ pie ta. Chatawhcha bei ta phuahpa ta, sathaw thu ei ta, ama ku chabaih ei ta, “Abei cha hroh pareih mawh sy,” tah ei ta.

PUASAINA 24:12

Abeipa ta Mawsi hnohta, “Tlâh lâ a khy la, cha liata na vaw hâ mah y. Chatanachata zawpizy na pachu awpa lôphiapa liata ryhpa nata biepiepa ei ropazy ei cha pie aw,” tah ta.

PUASAINA 24:18

Mawsi cha meihdo hry liata a kei ngia ta, tlâh lâ kiah ta, tlâh liana cha noh sypalih nata zâ sypalih y ta.

PUASAINA 8:19

Moliethaipazy ta Phiraoh hnohta, “Khazohpa kudy a châ hih,” tah ei ta. Châhrasala Phiraoh cha a palôh kuh pachhasa ta, Abeipa ta a rei hapa hawhta, ama bie nathlie khoh vei.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

MATHAI 12:28

Khazohpa Thlahpa vâta ahripazy a papuapa ei châ khiahta deikua cha, Khazohpa khinarâh cha nama chô liata a vaw tlô hapa a châ.

LUKA 11:20

Khazohpa kudy hmâpa ta ahripazy a papuapa ei châ khiahta deikua cha, Khazohpa khinarâh cha nama chô liata a vaw tlô hapa a châ.

2 KAWRINI 3:3

Nâmo he Krista ta keimo miah a parosapa Krista châpaphaopa châ ei chi ta, châti ta ropa châ leipa ta, lôphia liata ropa châ hra leipa ta, Khazohpa hrohpa Thlahpa ta chyhsa palôh phiapa liata ropa nama châzie a siapa ta nama palâsa haw.

RYHPACHANEINA 10:4

Abeipa ta lôphia hmiatuapazy liata a ropa, namâ pôhpakhy noh ta tlâh liata mei hry tawhta nama hnohta a reipa Biepiepa Miahrawh kha, lôphiazy liata roh heih ta. Cha cha Abeipa ta na pie ta.

RYHPACHANEINA 4:13

Nama hnohta a biehrai phuah ta, zyh awpa ta bie a cha pie ei. Cha cha Biepiepa Miahrawh châ ta, Abeipa ta lôphia miano liata a ropa a châ.

RYHPACHANEINA 5:22

“Cha biezy cha Abeipa ta tlâh liata mei nata meihdo nata zoh kaluhpa hry tawhta ao paro ngaitapa ta nama zawpi pôhpakhypa zydua hnohta reih ta, baichha khao vei. Cha biezy cha lô phiapa miano liata roh ta, ei hnohta eina pie.

HEBRAI 9:4

Cha liata ropahâhpa raona ngôh maisâh nata ngôh ta pahupa biehrai byh y ta, biehrai byh chhôh liata mânâ yna ngôh beih, Arawna chôchahrei chhyh thaopa nata biehrai lôphiazy a y.