PUASAINA 31:15 - Mara Bible RV (BSI)

¹⁵ Noh charu chhôh rai hria aw ei chi ta, a noh sarina noh cha a pahâ nawpa Pahânoh zachhihpa châ ta, Abeipa châta noh pathaihpa a châ. Ahy rai Pahânoh ta rai a hriapa cha thie thlyu awpa a châ.

PUASAINA 31:15 ပူးပေါင်းရင်းမြစ်များ

ÂTHAONA 2:2

A noh sarina noh ta Khazohpa ta a hmotaopa zydua pangoh ta, a noh sarina noh liata a raihria zydua tawhta a pahâ ta.

PUASAINA 16:23

Mawsi ta, “He he Abeipa biepiepa a châ: ‘Mylâ cha a pahâna noh, noh ziehpa, Abeipa châta Pahânoh pathaihpa a châ aw. Chavâta pakâh awpazy cha pakâh u la, chho awpazy chhoh u la, a laibâhpa zydua mylâ châta namâ so aw,’” tah ta.

PUASAINA 16:26

Noh charu chhôh a huah tyh aw ei chi ta, a noh sarina noh deikua cha Pahânoh châ ta, a hua awpa y khao aw vei,” tah ta.

PUASAINA 23:12

“Noh charu chhôh na rai hria aw chi ta, a noh sarina noh deikua cha, nâ pahâ tyh awpa a châ. Chatanachata na viahchao tôhpa nata alâ zy chhao a pahâ aw ei ta, na o liata a pihpa sei nata na hnohta a ypa chihropa zy ama tha a dâh hra aw.

PUASAINA 31:14

Pahânoh cha nama châta noh pathaihpa a châpa vâta nama chay awpa a châ. Pahânoh a papuapaleipa maih cha thie thlyu awpa châ ta, cha noh liata raihria kheihawhpa rai a hriapa chyhsa cha, a phopi tawhta chhawh pathlahpa a châ aw.

PUASAINA 31:16

Chavâta Izarei sawzy ta Pahânoh cha ama chay awpa châ ta, chhâzaw biehrai ta hneipa ta, ama chhâ zydua ta ama chay awpa a châ.

PUASAINA 31:17

Noh charu chhôh Abeipa ta avâ nata alei tao ta, a noh sarina noh cha a pahâpa ta a hu â pahnopa vâta, Pahânoh cha kei nata Izarei sawzy azaona ngiana a châ zôzaw aw,’ tah mah y,” tah ta.

PUASAINA 34:21

“Noh charu chhôh rai hria aw chi ta, a noh sarina noh deikua cha nâ pahâ aw. Leipalie daihti nata sâh hria daihti hmahta châ hra sala, nâ pahâ awpa a châ.

PUASAINA 35:2

Noh charu chhôh rai hria awpa châ ta, a noh sarina noh deikua cha, nama châta noh pathaihpa, Abeipa châta a pahâ nawpa Pahânoh zachhihpa a châ aw. Ahy rai cha noh ta rai a hriapa cha thie awpa a châ.

PUASAINA 35:3

Pahânoh cha nama pahrâna su zydua liata mei rai nama patih awpa châ vei,” tah ta.

EZEKIA 46:1

“Abeipa Zehôvâh ta hetana heta a tah: Dôhpachhôh tlyhmia chhi­kao nochhi lâ a heihpa cha, raihriana noh noh charu chhôh khawpa châ aw ta, Pahânoh liata deikua pahypa a châ aw. Thla thiehpa noh liata chhao pahypa a châ aw.

THEIHTHAINA 16:29

“He he nama châta chhâzaw bieraopa a châ aw: Thla sarina noh hrawhna noh liata a paky aw ei chi ta, a râh chyhsa chhao, chihropa nama hry ta a pahrâpa chhao, khâpa rai hmahta nama hria awpa châ vei.

THEIHTHAINA 23:3

“Noh charu chhôh rai hria awpa châ ta, a noh sarina noh deikua cha apahâna zachhihpa Pahânoh, pakhypi pathaihpa noh a châ aw. Khâpa rai hmah nama hria awpa châ vei. Cha cha nama pahrâna maih liata Abeipa châta Pahânoh a châ.

THEIHTHAINA 23:32

Cha noh cha nama châta a pahâ nawpa Pahânoh zachhihpa châ aw ta, namâ pakyna noh a châ aw. Cha thla, noh chakina noh zâlâ tawhta zâlâ heihpa taih cha Pahânoh ta nama chay awpa a châ,” tah ta.

LUKA 13:14

Zisu ta Pahânoh ta chyhsa a patlâhpa vâta, pakhyna o hyutuhpa cha a hiehâh kaw ta, zawpi hnohta, “Chyhsapa raihria nawpa ta noh charu y ta, cha chhôh chata a vy u la, patlâhpa ta y teh u. Pahânoh ta la tao awpa châ vei,” tah ta.

LUKA 23:56

O lâ a di ei ta, ropahâhpa nata sathawzy a chhuanoh ei ta. Pahânoh cha biepiepa hawhta a pahâ ei ta.

RYHPACHANEINA 5:12

“Abeipa na Khazohpa ta bie a cha piepa hawhta, Pahânoh pathaisa aw chi ta, na chay awpa a châ.

HEBRAI 4:9

Chavâta Khazohpa phopi châta cha, a pahâ nawpa Pahânoh a y thlâh ha aw.